‘എല്ലായ്പ്പോഴും സീസൺ നന്നായി തുടങ്ങും , പക്ഷെ ….’ : സഞ്ജു സാംസൺ നേരിടുന്ന ഏറ്റവും വലിയ പ്രശ്നത്തെക്കുറിച്ച് ആകാശ് ചോപ്ര
സീസൺ നന്നായി തുടങ്ങുകയും പിന്നീട് അത് പുരോഗമിക്കുമ്പോൾ കുറയുകയും ചെയ്യുന്നതാണ് സഞ്ജു സാംസൺ നേരിടുന്ന ഏറ്റവും വലിയ പ്രശ്നമെന്ന് മുൻ ക്രിക്കറ്റ് താരം ആകാശ് ചോപ്ര കരുതുന്നു.സാംസൺ ഫിഫ്റ്റിയുമായി സീസൺ നന്നായി ആരംഭിച്ചു, തുടർന്ന് ഐപിഎൽ 2023 കാമ്പെയ്‌നിൽ അദ്ദേഹത്തിന് ആ ഫോം നിലനിർത്താൻ സാധിച്ചില്ല.
SRH, KKR എന്നിവയ്‌ക്കെതിരായ ഗെയിമുകളിൽ റോയൽസ് നായകൻ ഫോമിലേക്ക് വന്നെങ്കിലും പക്ഷേ RCBക്കെതിരായ മത്സരത്തിൽ അദ്ദേഹം ഒരിക്കൽ കൂടി പരാജയപ്പെട്ടു.ഐപിഎൽ 2023ൽ ഈ സീസണിൽ 13 മത്സരങ്ങളിൽ നിന്ന് 360 റൺസാണ് സാംസൺ നേടിയത്.തന്റെ YouTube ചാനലിലെ PBKS vs RR മത്സരത്തിന് മുന്നോടിയായി സംസാരിച്ച ചോപ്ര, കഴിഞ്ഞ മത്സരത്തിൽ RCB ക്കെതിരായ മോശം പ്രകടനത്തിന് ശേഷം റോയൽസ് ടോപ്പ് ത്രീയെ വിമർശിക്കുകയും ചെയ്തു.സീസൺ നന്നായി ആരംഭിച്ചതിന് ശേഷം സഞ്ജു കുറച്ച് റൺസ് സ്കോർ ചെയ്യേണ്ടതുണ്ടെന്ന് മുൻ ക്രിക്കറ്റ് താരം പറഞ്ഞു.
“യശസ്വി മികവ് പുലർത്തുന്നുണ്ടെങ്കിലും ജോസ് ബട്ട്‌ലർക്ക് സ്ഥിരത പുലർത്താൻ സാധിച്ചിട്ടില്ല.രണ്ട് തവണ പൂജ്യത്തിന് പുറത്തായി. അതിനാൽ യശസ്വിയും ബട്ട്‌ലറും റൺസ് സ്കോർ ചെയ്യണം.സഞ്ജു സാംസൺ കുറച്ച് റൺസ് സ്കോർ ചെയ്യണം, കാരണം നിങ്ങൾ എല്ലായ്പ്പോഴും സീസൺ നന്നായി തുടങ്ങുകയും പിന്നീട് അത് കുറയ്ക്കുകയും ചെയ്യും. അത് ഒരു പ്രശ്നമാണ്,” ചോപ്ര പറഞ്ഞു.
ട്രെന്റ് ബോൾട്ട് കളിക്കുന്നത് കാണാമെന്നും ചോപ്ര പറഞ്ഞു. എന്നിരുന്നാലും, മത്സരത്തിൽ അഞ്ചിലധികം ബൗളിംഗ് ഓപ്ഷനുകളുമായി ആർആർ പോകുമെന്ന് പ്രതീക്ഷിക്കുന്നതായി മുൻ ക്രിക്കറ്റ് താരം പറഞ്ഞു, പ്രത്യേകിച്ച് ഇംപാക്റ്റ് പ്ലെയർ നിയമം ഉള്ളപ്പോൾ.
