❝മൃഗശാല ജീവനക്കാരിയയായ യൂറോ കപ്പിലെ ടോപ് സ്‌കോറർ❞: യൂറോയിലെ താരമായ ജർമ്മൻ സ്‌ട്രൈക്കർ അലക്‌സാന്ദ്ര പോപ്പ്

ഏഴ് വർഷം മുമ്പ് ജർമ്മൻ സ്‌ട്രൈക്കർ അലക്‌സാന്ദ്ര പോപ്പിന് കാനഡയിൽ നടന്ന ഫിഫ വനിതാ ഫുട്‌ബോൾ ലോകകപ്പിൽ ജർമ്മനിക്കായി കളിക്കാൻ തന്റെ മൂന്ന് വർഷത്തെ മൃഗസംരക്ഷണ കോഴ്‌സ് ആറ് മാസത്തിലധികം നിർത്തിവയ്ക്കേണ്ടി വന്നു.ജർമ്മനി ലോകകപ്പിൽ സെമിഫൈനലിലെത്തിയിരുന്നു. വേൾഡ് കപ്പിന് ശേഷം പോപ്പ് തന്റെ കോഴ്സ് പൂർത്തിയാക്കാൻ എസെഹോഫിലെ മൃഗശാലയിലേക്ക് മടങ്ങി.

കഴിഞ്ഞ ദിവസം യൂറോ കപ്പിൽ ഫ്രാൻസിനെതിരായ ജർമ്മനിയുടെ 2-1 വിജയത്തിൽ പോപ്‌സ് സ്‌ട്രൈക്കറായി തിളങ്ങിയിരുന്നു .മിൽട്ടൺ കെയ്‌ൻസിൽ നടന്ന വനിതാ യൂറോയുടെ സെമിഫൈനലിൽ രണ്ട് ഗോളുകളും നേടി. യൂറോയിൽ ഗോൾഡൻ ബൂട്ടിനായുള്ള മത്സരത്തിൽ ആറ് ഗോളുകളുമായി പോപ്പ് ഇപ്പോൾ ഇംഗ്ലണ്ടിന്റെ ബെത്ത് മീഡുമായി ഒപ്പത്തിനൊപ്പമാണ്. പോപ്‌സിന്റെ സോഷ്യൽ മീഡിയയിൽ പലപ്പോഴും മൃഗശാലയിൽ നിന്നുള്ള മൃഗങ്ങളുടെ ചിത്രങ്ങൾ നിറഞ്ഞിരിക്കുന്നു.

വിറ്റനിൽ ജനിച്ച പോപ്പ് 17-ാം വയസ്സിൽ ജർമ്മനിയിലെ എലൈറ്റ് ഫുട്ബോൾ സ്കൂളായ ബെർജ് ഫെൽഡിൽ ചേരുകയും സ്കൂളിലെ ഏക വനിതാ ട്രെയിനി ആകുകയും ചെയ്യും.മെസ്യൂട്ട് ഓസിൽ, മാനുവൽ ന്യൂയർ തുടങ്ങിയ ഫുട്ബോൾ താരങ്ങൾ ഇതേ സ്കൂളിൽ പരിശീലനം നേടിയിട്ടുണ്ട്. 2010 ൽ ജർമ്മനിക്കായി അരങ്ങേറ്റം കുറിക്കുന്നതിന് മുമ്പ് പോപ്പ് ജർമ്മൻ ക്ലബ് ഷാൽക്കെയുടെ പുരുഷ ജൂനിയർ ടീമിനൊപ്പം പരിശീലനം നേടി.

പരിക്കുമൂലം യൂറോപ്യൻ ചാമ്പ്യൻഷിപ്പിന്റെ 2013, 2017 പതിപ്പുകൾ പോപ്പിന് നഷ്‌ടമായിരുന്നു .കഴിഞ്ഞ ഒമ്പത് വർഷമായി ജർമ്മൻ ക്ലബ് വൂൾഫ്‌സ്ബർഗിൽ കളിക്കുന്ന താരം അവർക്കൊപ്പം രണ്ട് ചാമ്പ്യൻസ് ലീഗും അഞ്ച് ബുണ്ടസ്‌ലിഗ കിരീടങ്ങളും നേടി.2016 റിയോ ഒളിമ്പിക്സിൽ ജർമ്മൻ വനിതാ ഫുട്ബോൾ ടീമിൽ ഒളിമ്പിക്സ് സ്വർണ്ണ മെഡൽ നേടിയ ടീമിലും അവർ ഉണ്ടായിരുന്നു.കഴിഞ്ഞ വർഷം കാൽമുട്ടിന് ഗുരുതരമായി പരിക്കേറ്റതിനെത്തുടർന്ന് ഒമ്പത് മാസമായി പോപ്സ് പുറത്തായിരുന്നു.

ഇപ്പോൾ യൂറോയിൽ ജർമ്മനിയുടെ അഞ്ച് മത്സരങ്ങളിൽ ഓരോന്നിലും സ്കോർ ചെയ്തു, യൂറോപ്യൻ ചാമ്പ്യൻഷിപ്പിൽ തുടർച്ചയായി അഞ്ച് മത്സരങ്ങളിൽ ഗോൾ നേടുന്ന ആദ്യ വനിതാ താരമായി.ഞായറാഴ്ച തിങ്ങിനിറഞ്ഞ വെംബ്ലി സ്റ്റേഡിയത്തിൽ ഹോം ഫേവറിറ്റുകളായ ഇംഗ്ലണ്ടിനെതിരെ മ്പതാം യൂറോ കിരീടം നേടാൻ ജർമ്മനി ഇറങ്ങുമ്പോൾ അവരുടെ പ്രതീക്ഷകളെല്ലാം സ്‌ട്രൈക്കറിലാണ്.