‘ആംഗ്രി മെസ്സി ഞങ്ങൾ കാണാൻ ഇഷ്ടപ്പെടുന്ന ഒന്നാണ്’ : മുൻ അർജന്റീന താരം പാബ്ലോ സബലേറ്റ |Qatar 2022

ലോകകപ്പിന്റെ സെമി ഫൈനലിൽ ക്രൊയേഷ്യക്കെതിരെ അർജന്റീന കളിക്കാനൊരുങ്ങുകയാണ്. കരുത്തരായ ബ്രസീലിനെ കീഴടക്കിയാണ് ക്രോയേഷ്യ എത്തുന്നതെങ്കിൽ ഹോളണ്ടിനെ പെനാൽറ്റി ഷൂട്ട് ഔട്ടിൽ കീഴടക്കിയാണ് അര്ജന്റീനയെത്തുന്നത്.ലുസൈൽ സ്റ്റേഡിയത്തിലാണ് ഇരു ടീമുകളും ഫൈനൽ ബർത്തിനായി ഏറ്റുമുട്ടുന്നത്.

നെതർലന്റ്സിന് എതിരായ അർജന്റീനയുടെ ക്വാർട്ടർ മത്സരത്തിൽ ഇതുവരെ കാണാത്ത മെസ്സിയെയാണ് കാണാൻ സാധിച്ചത്. ഡച്ച് പരിശീലകനെ പരിഹസിക്കുകയും കളിക്കാർക്കെതിരെ വാക്കേറ്റത്തിൽ ഏർപ്പെടുകയും ചെയ്തിരുന്നു.ഷ്യപ്പെട്ട മെസ്സിയെ കാണുന്നത് തനിക്ക് ഇഷ്ടമാണെന്നും അത് ഡീഗോ മറഡോണയെ ഓർമ്മിപ്പിച്ചുവെന്നും മുൻ അർജന്റീന താരവും 2014 ലോകകപ്പ് ഫൈനലിസ്റ്റുമായ പാബ്ലോ സബലേറ്റ പറഞ്ഞു.

“കോപാകുലനായ മെസ്സി ഞങ്ങൾ കാണാൻ ഇഷ്ടപ്പെടുന്ന ഒന്നാണ്.മെസ്സി രോഷാകുലനാകുമ്പോൾ അദ്ദേഹം ഡീഗോ മറഡോണയെ ഓർമ്മിപ്പിക്കുന്നു. നിങ്ങൾ ഒരു ലോകകപ്പ് നേടാൻ ശ്രമിക്കുമ്പോൾ രോഷാകുലനാകുന്നത് മോശം കാര്യമല്ല,അവസാനം മെസ്സിയുടെ പ്രതികരണം എനിക്ക് ഇഷ്ടപ്പെട്ടു, അവന്റെ ആഘോഷങ്ങളും പിന്നീട് വാൻ ഗാൽ അവനെ സമീപിച്ചപ്പോൾ അവൻ പറഞ്ഞതും ഇഷ്ടപ്പെട്ടു : സബലേറ്റ പറഞ്ഞു.അർജന്റീന ഈ വർഷം ലയണൽ മെസ്സിക്ക് ചുറ്റും അണിനിരന്നു, അവസാന ഫിഫ ലോകകപ്പിൽ മെസ്സിയെ സഹായിക്കാൻ തങ്ങളാൽ കഴിയുന്നതെല്ലാം ചെയ്തുവെന്നും അദ്ദേഹം കൂട്ടിച്ചേർത്തു.

“അർജന്റീന എങ്ങനെ കളിക്കുന്നു എന്നതിൽ വികാരം എല്ലായ്പ്പോഴും ഒരു വലിയ ഭാഗമാണ്, എന്നാൽ ഈ ലോകകപ്പിൽ അത് ഞങ്ങളെ എന്നത്തേക്കാളും കൂടുതൽ നന്നായി കളിക്കുന്നുണ്ട് ,ഫൈനലിലേക്ക് ഒരു ചുവട് മാത്രം അകലെയാണ്. മൈതാനത്ത് എല്ലാവരും മെസ്സിക്ക് വേണ്ടി പോരാടുകയാണ്.ഈ ലോകകപ്പിന്റെ ഓരോ മിനിറ്റിലും, തനിക്ക് പിന്നിൽ എല്ലാവരും ഉണ്ടെന്ന് അറിഞ്ഞുകൊണ്ടാണ് മെസ്സി കളിക്കുന്നത്”മുൻ മാഞ്ചസ്റ്റർ സിറ്റി താരം പറഞ്ഞു.

Rate this post