ഒറ്റ മത്സരം നിരവധി റെക്കോർഡുകൾ ,ലയണൽ മെസ്സിയുടെ മറ്റൊരു മാൻ ഓഫ് ദ മാച്ച് പ്രകടനം |Lionel Messi

പിഎസ്ജിയുടെ അർജന്റീന ഫോർവേഡ് ലയണൽ മെസ്സി മക്കാബി ഹൈഫയ്‌ക്കെതിരെ പാരീസ് സെന്റ് ജെർമെയ്‌നിന്റെ ചാമ്പ്യൻസ് ലീഗ് 7-2 വിജയത്തിൽ മാൻ ഓഫ് ദ മാച്ച് പ്രകടനം പുറത്തെടുത്തു.മത്സരത്തിൽ മെസ്സി രണ്ട് ഗോളുകളും രണ്ട് അസിസ്റ്റുകളും നേടി. മത്സരത്തിൽ ലയണൽ മെസ്സി ആകെ 62 ടച്ചുകൾ നടത്തി രണ്ട് ഷോട്ടുകൾ അടക്കം 5 ഷോട്ടുകൾ മെസ്സി ലക്ഷ്യത്തിലെത്തിക്കുകയും ആകെ നാല് അവസരങ്ങൾ സൃഷ്ടിക്കുകയും ചെയ്തു.

മത്സരത്തിൽ ലയണൽ മെസ്സി 80% പാസിംഗ് കൃത്യത നിലനിർത്തി. മത്സരത്തിൽ മെസ്സി 31 പാസുകൾ നടത്തി. ഫൈനൽ ത്രീഡിൽ 8 തവണ പ്രവേശിച്ച മെസ്സി രണ്ട് വലിയ അവസരങ്ങൾ സൃഷ്ടിച്ചു. മത്സരത്തിൽ ലയണൽ മെസ്സി രണ്ട് ഡ്യൂവൽ വിജയിക്ക്‌ൿയും ചെയ്തു.മത്സരത്തിന്റെ 19-ാം മിനിറ്റിൽ ലയണൽ മെസ്സി ഗോൾ നേടിയതോടെ പിഎസ്ജി കളിയിലെ ആദ്യ ലീഡ് നേടി. പിന്നീട് 44-ാം മിനിറ്റിൽ മെസ്സി തന്റെ രണ്ടാം ഗോൾ നേടി. മക്കാബി ഹൈഫയ്‌ക്കെതിരെ 35-ാം മിനിറ്റിൽ മെസ്സി നെയ്മറുടെ ഗോളിന് അസിസ്റ്റ് ചെയ്തു. 84-ാം മിനിറ്റിൽ കാർലോസ് സോളറുടെ ഗോളിൽ മെസ്സി സഹായിച്ചു, അത് കളിയിലെ അവസാന ഗോളായിരുന്നു.

ഇതോടെ ഈ സീസണിൽ 10+ ഗോളുകളും 10+ അസിസ്റ്റുകളും നേടുന്ന യൂറോപ്പിലെ മികച്ച 5 ലീഗുകളിലെ ആദ്യ കളിക്കാരനായി ലയണൽ മെസ്സി മാറി. ഈ സീസണിൽ ഇതുവരെ പിഎസ്ജിക്കായി 11 ഗോളുകളും 12 അസിസ്റ്റുകളും മെസ്സി നേടിയിട്ടുണ്ട്. ചാമ്പ്യൻസ് ലീഗ് ചരിത്രത്തിൽ ഗ്രൂപ്പ് ഘട്ടത്തിൽ 80 ഗോളുകൾ നേടുന്ന ആദ്യ താരമെന്ന റെക്കോർഡും ലയണൽ മെസ്സി സ്വന്തമാക്കി.ഇന്നലെ നേടിയ ഗോളോടെ ചാമ്പ്യൻസ് ലീഗിൽ ക്രിസ്റ്റ്യാനോ റൊണാൾഡോയുടെ റെക്കോർഡ് തകർത്തിരിക്കുകയാണ് മെസ്സി.ചാമ്പ്യൻസ് ലീഗിൽ ബോക്സിന് പുറത്ത് നിന്ന് ഏറ്റവുമധികം ഗോളുകൾ നേടിയതിന്റെ റെക്കോർഡാണ് മെസ്സി സ്വന്തമാക്കിയത് .

ചാമ്പ്യൻസ് ലീഗിൽ ബോക്‌സിന് പുറത്ത് നിന്നും 22 ഗോളുകളാണ് റൊണാൾഡോ നേടിയിട്ടുള്ളത്. ഇന്നലത്തെ മെസ്സിയുടെ രണ്ടമത്തെ ഗോളോടെ റൊണാൾഡോയുടെ റെക്കോർഡ് തകർക്കുകയും ചെയ്തു. ഇന്നലെ നേടിയ രണ്ടു ഗോളോടെ ചാമ്പ്യൻസ് ലീഗിൽ മെസ്സിയുടെ ഗോൾ സമ്പാദ്യം 129 ആയി ഉയർത്താനും സാധിച്ചു. ഈ സീസണിൽ ചാമ്പ്യൻസ് ലീഗ് കളിക്കാത്ത റൊണാൾഡോയാണ് 14 ഗോളുമായി മുന്നിൽ നിൽക്കുന്നത്. ഈ ഫോം തുടരുകയാണെങ്കിൽ യുണൈറ്റഡ് സ്‌ട്രൈക്കറുടെ റെക്കോർഡ് തകർക്കാൻ തന്റെ ദീർഘകാല എതിരാളിയായ ലയണൽ മെസ്സിക്ക് കഴിയും.

സെപ്തംബർ 14-ന് ഹൈഫയ്‌ക്കെതിരെ പിഎസ്‌ജിയുടെ 3-1 വിജയത്തിൽ വലകുലുക്കിയ ശേഷം ഏറ്റവും കൂടുതൽ വ്യത്യസ്ത എതിരാളികൾക്കെതിരെ സ്‌കോർ ചെയ്യുന്ന റൊണാൾഡോയുടെ റെക്കോർഡ് അദ്ദേഹം തകർത്തു (39 ടീമുകൾ). ഇന്നലെ ക്രിസ്റ്റ്യാനോയുടെ മറ്റൊരു റെക്കോർഡ് കൂടി തകർക്കാനുള്ള അവസരം മെസ്സിക്ക് ലഭിച്ചിരുന്നു. ചാമ്പ്യൻസ് ലീഗിൽ 8 ഹാട്രിക്കുമായി ഇരു താരങ്ങളും ഒപ്പത്തിനൊപ്പമാണ്. മത്സരത്തിന്റെ അവസാന നിമിഷത്തിൽ മെസ്സിയുടെ ഷോട്ട് ക്രോസ്സ് ബാറിൽ തട്ടി പോയിരുന്നു .അത് ഗോളായെങ്കിൽ മെസ്സിയുടെ പ്രിൽ 9 ചാമ്പ്യൻസ് ലീഗ് ഹാട്രിക്ക് ആവുമായിരുന്നു.