‘ക്രിക്കറ്റിൽ എന്തും സംഭവിക്കാം’ : പാകിസ്താന് സെമി പ്രതീക്ഷ ഇപ്പോഴുമുണ്ടെന്ന് ബാബർ അസം |World Cup 2023

ലോകകപ്പ് 2023 സെമി ഫൈനലിൽ സ്ഥാനം ഉറപ്പിക്കുക എന്നത് പാകിസ്താനെ അസാധ്യമായ കാര്യമായി മാറിയിരിക്കുകയാണ്.ലോകകപ്പിൽ രണ്ട് മത്സരങ്ങൾ വിജയിച്ചതിന് ശേഷം ഇന്ത്യയ്‌ക്കെതിരെ നാണംകെട്ട തോൽവി നേരിട്ടതിന് ശേഷം പാകിസ്താന് കരകയറാൻ കഴിഞ്ഞില്ല, അഫ്ഗാനിസ്ഥാനെതിരെയുള്ള തോൽവിയാണു പാകിസ്താന് തിരിച്ചടിയായി മാറിയത്.

ബാറ്റിംഗ്, ബൗളിംഗ് യൂണിറ്റുകൾ വലിയ തോതിൽ നിരാശപ്പെടുത്തി, ക്യാപ്റ്റൻ ബാബർ എല്ലാ കാര്യങ്ങളിലും പരാജയപ്പെട്ടു. എന്നാൽ തുടർച്ചയായ രണ്ടു വിജയങ്ങൾ നേടിയ പാകിസ്ഥാൻ തിരിച്ചുവന്നു.പക്ഷെ ശ്രീലങ്കയ്‌ക്കെതിരായ ന്യൂസിലൻഡിന്റെ മികച്ച വിജയം പാകിസ്താന്റെ സെമി പ്രതീക്ഷകൾ ഇല്ലാതാക്കിയിരിക്കുകയാണ്. ഇതോടെ ഇംഗ്ലണ്ടിനെതിരായ മത്സരത്തിൽ അത്ഭുതപ്പെടുത്തുന്ന വിജയം നേടിയാൽ മാത്രമേ പാകിസ്താന് അവസാന നാളിൽ എത്താൻ സാധിക്കു.വെള്ളിയാഴ്ച നടന്ന മത്സരത്തിന് മുമ്പുള്ള വാർത്താ സമ്മേളനത്തിൽ മാധ്യമങ്ങളെ അഭിസംബോധന ചെയ്ത് പാകിസ്ഥാൻ ക്രിക്കറ്റ് ടീം ക്യാപ്റ്റൻ ബാബർ അസം ക്രിക്കറ്റിന്റെ പ്രവചനാതീതമായ സ്വഭാവത്തെക്കുറിച്ച് പറഞ്ഞു.

“ക്രിക്കറ്റിൽ എന്തും സംഭവിക്കാം. ടൂർണമെന്റ് മികച്ച രീതിയിൽ പൂർത്തിയാക്കാൻ ഞങ്ങൾ ശ്രമിക്കും” അസം പറഞ്ഞു.”ഫഖർ സമാൻ 20-30 ഓവർ കളിക്കുകയാണെങ്കിൽ, ഞങ്ങൾക്ക് ആവശ്യമുള്ളത് നേടാനാകും. ഇഫ്തിഖർ അഹമ്മദിന്റെയും മുഹമ്മദ് റിസ്‌വാന്റെയും റോളും മത്സരത്തിൽ നിർണായകമാകും,” അസം ആത്മവിശ്വാസത്തോടെ പറഞ്ഞു.നെറ്റ് റൺ റേറ്റിൽ (NRR) ശ്രദ്ധ കേന്ദ്രീകരിച്ച് പാകിസ്താന്റെ പദ്ധതിയുടെ തന്ത്രപരമായ ഘടകങ്ങൾ അദ്ദേഹം വിശദമായി പറഞ്ഞു. ആദ്യ 10 ഓവറുകളുടെ പ്രാധാന്യം ഉയർത്തിക്കാട്ടുകയും ബാറ്റിങ്ങിനുള്ള പ്രത്യേക തന്ത്രങ്ങൾ വിവരിക്കുകയും ചെയ്തു.

“എനിക്ക് മേൽ ഒരു സമ്മർദ്ദവുമില്ല. കഴിഞ്ഞ മൂന്ന് വർഷമായി ഞാൻ പ്രകടനം നടത്തുകയും ടീമിനെ നയിക്കുകയും ചെയ്തു. ടിവിയിൽ ഇരുന്നുകൊണ്ട് കാര്യങ്ങൾ പറയാൻ എളുപ്പമാണ്. എന്നെ ഉപദേശിക്കാൻ ആഗ്രഹിക്കുന്നവർക്ക് എന്റെ നമ്പറിൽ എന്നെ ബന്ധപ്പെടാം.ഇപ്പോൾ, എന്റെ ശ്രദ്ധ അടുത്ത മത്സരത്തിലാണ്. ക്യാപ്റ്റൻസിയുടെ ഭാവിയെക്കുറിച്ച് ഞാൻ പിന്നീട് ആലോചിക്കും” അദ്ദേഹം പറഞ്ഞു.”എനിക്ക് പ്രതീക്ഷയ്‌ക്കൊത്ത് പ്രകടനം നടത്താൻ കഴിഞ്ഞില്ല എന്ന് ഞാൻ സമ്മതിക്കുന്നു “ഇന്ത്യയിലെ അപരിചിതമായ സാഹചര്യങ്ങൾ അസം തന്റെ പ്രകടനത്തിൽ തൃപ്തനല്ല.

ന്യൂസിലൻഡിന്റെ സമീപകാല വിജയം പാക്കിസ്ഥാന്റെ സെമിഫൈനലിലേക്കുള്ള പാത കൂടുതൽ ദുഷ്‌കരമാക്കി.പാക്കിസ്ഥാൻ ആദ്യം ബാറ്റ് ചെയ്ത് 300 റൺസ് നേടിയാൽ ഇംഗ്ലണ്ടിനെ 13 റൺസിൽ ഒതുക്കണം. കൊൽക്കത്തയിൽ 300 റൺസിന് മുകളിൽ സ്കോർ ചെയ്താൽ 287 റൺസിന്റെ മാർജിൻ നിലനിർത്തണം.പാകിസ്ഥാൻ ആദ്യം പന്തെറിയുകയാണെങ്കിൽ. അവരുടെ സാധ്യതകൾ വളരെ മങ്ങിയതായി തോന്നുന്നു. ഇംഗ്ലണ്ടിനെ 100 റൺസിന് പുറത്താക്കിയാലും, 2.5 ഓവറിൽ അവർ ടോട്ടൽ പിന്തുടരേണ്ടതുണ്ട്, അതായത് 283 പന്തുകൾ ശേഷിക്കെ വിജയിക്കുക.