❝ബയേൺ ജേഴ്സിയിൽ ഇനി റോബർട്ട് ലെവെൻഡോസ്‌കിയില്ല❞|Robert Lewandowski

ബാഴ്‌സലോണ തനിക്ക് ഒരു ഓഫർ നൽകിയെന്ന റിപ്പോർട്ടുകൾക്കിടയിൽ ഭാവി പദ്ധതികൾ വ്യക്തമാക്കാതെ ബയേൺ മ്യൂണിക്കുമായുള്ള തന്റെ സമയം അവസാനിച്ചുവെന്ന് റോബർട്ട് ലെവൻഡോവ്‌സ്‌കി കഴിഞ്ഞ ദിവസം വ്യകത്മാക്കി.

“ബയേണുമായുള്ള എന്റെ കഥ ഇന്ന് അവസാനിച്ചുവെന്ന് ഉറപ്പാണ്,” പോളിഷ് സ്റ്റാർ സ്‌ട്രൈക്കർ വാർസോയിൽ മാധ്യമപ്രവർത്തകരോട് പറഞ്ഞു. “കഴിഞ്ഞ കുറച്ച് മാസങ്ങളായി സംഭവിച്ച കാര്യങ്ങൾ ആലോചിക്കുമ്പോൾ എനിക്ക് കൂടുതൽ സഹകരണം സങ്കൽപ്പിക്കാൻ കഴിയില്ല .ഒരു ട്രാൻസ്ഫർ മികച്ച പരിഹാരമായിരിക്കും. ബയേൺ എന്നെ തടയില്ലെന്ന് ഞാൻ വിശ്വസിക്കുന്നു” അദ്ദേഹം കൂട്ടിച്ചേർത്തു.

ബയേൺ മ്യൂണിക്കുമായുള്ള റോബർട്ട് ലെവൻഡോവ്‌സ്‌കിയുടെ കരാർ നിലവിൽ 2023 വരെയാണ്. പോളിഷ് താരത്തിനായി ബാഴ്‌സലോണ 32 മില്യൺ യൂറോ (34.5 മില്യൺ ഡോളർ) വാഗ്ദാനം ചെയ്തതായി റിപ്പോർട്ടുണ്ട്. കറ്റാലൻ ഭീമൻമാരുടെ സാഹചര്യം ലെവൻഡോവ്‌സ്‌കി മനസ്സിലാക്കുന്നുണ്ടെന്നും അതിനാൽ ഈ നീക്കം നടത്താൻ സാധ്യമായതെല്ലാം ചെയ്യാനുള്ള ശ്രമത്തിൽ വൻതോതിൽ ശമ്പളം വെട്ടിക്കുറയ്ക്കാൻ അദ്ദേഹം സമ്മതിച്ചതായും റിപ്പോർട്ട് ഉണ്ടായിരുന്നു.മാധ്യമ റിപ്പോർട്ടുകൾ വിശ്വസിക്കാമെങ്കിൽ, ലെവൻഡോവ്‌സ്‌കി നിലവിൽ ബയേൺ മ്യൂണിക്കിൽ ഒരു സീസണിൽ 22 ദശലക്ഷം യൂറോയുടെ മൊത്ത ശമ്പളം ആണ് വാങ്ങുന്നത്.

ക്ലബ് സിഇഒ ഒലിവർ ഖാനും സ്‌പോർട്‌സ് ഡയറക്‌ടർ ഹസൻ സാലിഹാമിഡ്‌സിക്കും, കരാർ അവസാനിക്കുന്നതിന് മുമ്പ് ലെവൻഡോവ്‌സ്‌കി വിടാൻ ബയേണിനെ അനുവദിക്കില്ലെന്ന് പരസ്യമായി പ്രഖ്യാപിച്ചിരുന്നു.റോബർട്ട് ലെവൻഡോവ്‌സ്‌കിയുടെ ഏജന്റ് പിനി സഹവി താരത്തെ കരാറിൽ നിർബന്ധിക്കുന്നതിനെതിരെ ക്ലബ്ബിനെതീരെ രംഗത്ത് വന്നിരുന്നു.ലെവൻഡോവ്‌സ്‌കിയുടെ പ്രശ്‌നം അധിക പണത്തെക്കുറിച്ചല്ലെന്നും അദ്ദേഹം കൂട്ടിച്ചേർത്തു.എഫ്‌സി ബയേണിന് നഷ്‌ടമായത് ലെവൻഡോവ്‌സ്‌കി എന്ന കളിക്കാരനെയല്ല, മറിച്ച് റോബർട്ട് എന്ന വ്യകതിയെയാണെന്നും അദ്ദേഹം പറഞ്ഞു.

കഴിഞ്ഞ വർഷം ഫിഫയുടെ മികച്ച പുരുഷ താരത്തിനുള്ള പുരസ്‌കാരം റോബർട്ട് ലെവൻഡോസ്‌കി നേടി. 2014-ൽ ബയേൺ മ്യൂണിക്കിൽ ചേർന്നതിന് ശേഷം ക്ലബ്ബ് തലത്തിൽ ലഭ്യമായ എല്ലാ കിരീടങ്ങളും സ്‌ട്രൈക്കർ നേടിയിട്ടുണ്ട്. മുൻ ക്ലബ് ബൊറൂസിയ ഡോർട്ട്മുണ്ടിനൊപ്പം രണ്ട് കിരീടങ്ങൾ നേടിയ 33-കാരൻ ആകെ 10 ബുണ്ടസ്‌ലിഗ ട്രോഫികൾ നേടി. 2020ൽ ബയേണിനൊപ്പം ചാമ്പ്യൻസ് ലീഗും നേടി.

ജർമ്മനിയുടെ ടോപ് ഫ്ലൈറ്റിൽ 35 ഗോളുകൾ നേടിയതിന് ശേഷം അഞ്ചാം വർഷവും ബുണ്ടസ്ലിഗയിൽ കഴിഞ്ഞ സീസണിലെ ടോപ് സ്കോററായിരുന്നു ലെവൻഡോവ്സ്കി. ബയേണിനും മുൻ ക്ലബ് ബൊറൂസിയ ഡോർട്ട്മുണ്ടിനുമായി 384 ബുണ്ടസ്ലിഗ മത്സരങ്ങളിൽ നിന്ന് 312 ഗോളുകൾ റോബർട്ട് ലെവൻഡോവ്സ്കി നേടിയിട്ടുണ്ട്. 2021 ൽ 41 ഗോളുകൾ നേടിയ ഒരു സീസണിൽ ബുണ്ടസ്‌ലിഗ ഗോളുകളുടെ റെക്കോർഡും അദ്ദേഹം തകർത്തു.