” 30 ദിവസത്തിൽ കേരള ബ്ലാസ്റ്റേഴ്‌സ് കളിക്കേണ്ടത് ഏഴു മത്സരങ്ങൾ , ഫെബ്രുവരിയിൽ കളിക്കേണ്ടത് ആറു മത്സരങ്ങൾ ” | Kerala Blasters

ബെംഗളൂരു എഫ്‌സിക്കെതിരായ അവസാന മത്സരത്തിലെ തോൽവിക്ക് ശേഷം ഇന്ന് വാസ്‌കോയുടെ തിലക് മൈതാനത്ത് ഇന്ത്യൻ സൂപ്പർ ലീഗിൽ അവസാന സ്ഥാനക്കാരായ നോർത്ത് ഈസ്റ്റ് യുണൈറ്റഡിനെ നേരിടുമ്പോൾ കേരള ബ്ലാസ്റ്റേഴ്‌സ് എഫ്‌സിക്ക് വിജയവഴിയിലേക്ക് തിരിച്ചുവരാനുള്ള മികച്ച അവസരമാണ് ലഭിക്കുന്നത്. രണ്ടാഴ്ചയിലേറെയായി കൊവിഡ് ഐസൊലേഷനിൽ കഴിഞ്ഞതിന് ശേഷം ലീഗിലേക്ക് മടങ്ങിയെത്തിയ ബ്ലാസ്റ്റേഴ്‌സ് കഴിഞ്ഞ മത്സരത്തിൽ ബംഗളുരുവിനോട് പൊരുതി തോറ്റിരുന്നു.ലീഗ് ടേബിളിൽ നിലവിൽ അവസാന സ്ഥാനത്തുള്ള നോർത്ത് ഈസ്റ്റിനെതിരെ മുഴുവൻ പോയിന്റും നേടാനാണ് ടീം ശ്രമിക്കുന്നത്, കൂടാതെ ഈ സീസണിൽ ഇതുവരെ കളിച്ച 15 മത്സരങ്ങളിൽ ഒമ്പതും തോറ്റ നോർത്ത് ഈസ്റ്റ് അവസാന മത്സരത്തിൽ ഹൈദരാബാദ് എഫ് സിയോട് 5-0 തോൽവിയും ഏറ്റുവാങ്ങി.

പുതുക്കിയ ഐഎസ്എൽ ഷെഡ്യൂൾ അനുസരിച്ച് അടുത്ത ഒരു മാസത്തിനുള്ളിൽ ബ്ലാസ്റ്റേഴ്സിന് ഏഴ് മത്സരങ്ങൾ കളിക്കേണ്ടിവരുമെന്നതിനാൽ ഹെഡ് കോച്ച് ഇവാൻ വുകോമാനോവിച്ചിന് മറ്റ് പല കാര്യങ്ങളും ചിന്തിക്കാനുണ്ട്.ബ്ലാസ്റ്റേഴ്സിന്റെ മിക്ക കളിക്കാരും കോവിഡിൽ നിന്ന് സുഖം പ്രാപിച്ചു വന്ന സമയമായാൽ കൊണ്ട് കഠിനമായ മത്സര ഷെഡ്യൂളിനെക്കുറിച്ച് പരിശീലകനും വേവലാതികൾ ഉണ്ട്.“ഞങ്ങളുടെ ഭാഗത്ത് നിന്ന്, കളിക്കാരുടെ ആരോഗ്യത്തെയും മെഡിക്കൽ അവസ്ഥയെയും കുറിച്ച് ഞങ്ങൾ ശ്രദ്ധിക്കേണ്ടതുണ്ട്. കാരണം ഫെബ്രുവരിയിൽ നടന്നു കടന്നുപോകണമെന്ന് ഞങ്ങൾ ആഗ്രഹിക്കുന്നു.ഒരുപക്ഷേ, ഞങ്ങൾ കുറച്ച് കളിക്കാരെ റൊട്ടേറ്റ് ചെയ്യും, അവരിൽ ചിലർക്ക് ഫോമും ഫിറ്റ്നെസ്സും വീണ്ടെടുക്കാൻ സമയവും സ്ഥലവും നൽകും, ”വുകോമാനോവിച്ച് പറഞ്ഞു.

“ഫെബ്രുവരിയിൽ ഞങ്ങൾ ഇതുപോലെ തുടരും, കാരണം സീസണിന്റെ അവസാനത്തിൽ ഒരു നല്ല സ്ഥാനത്ത് എത്താൻ ഞങ്ങൾ ആഗ്രഹിക്കുന്നു. പരിശീലന സെഷനുകളിലും എല്ലാ കാര്യങ്ങളിലും ഞങ്ങൾ പ്രവർത്തിക്കും, കാരണം അവർ അടുത്ത വർഷവും തയ്യാറാകണമെന്ന് ഞങ്ങൾ ആഗ്രഹിക്കുന്നു. എല്ലാത്തിനുമുപരി, ഞങ്ങൾ സ്ഥിരത പുലർത്തുകയും നന്നായി പ്രവർത്തിക്കുകയും ചെയ്യണമെന്ന് ഞാൻ ആഗ്രഹിക്കുന്നു. മത്സരങ്ങൾ ഈ പുനഃക്രമീകരിച്ചത്തോടെ പല ടീമുകളും ഇപ്പോൾ കഷ്ടപ്പെടുമെന്ന് ഞാൻ കരുതുന്നു.എന്നാൽ ഒരു ടീമെന്ന നിലയിൽ ഞങ്ങൾ ഈ സാഹചര്യത്തെക്കുറിച്ച് ചിന്തിക്കുന്നില്ല.നമ്മൾ അതിനോട് പൊരുത്തപ്പെടണം. അതിനാൽ സാധ്യമായ എല്ലാ കാര്യങ്ങളും ഞങ്ങൾ പരമാവധി ചെയ്യാനും ശ്രദ്ധിക്കാനും ശ്രമിക്കും. എപ്പോഴെങ്കിലും ഒന്നോ രണ്ടോ ഗെയിമുകൾക്കായി ആർക്കെങ്കിലും വിശ്രമം നൽകേണ്ടിവരുമോ എന്ന് ഒരു മത്സര ഫലത്തെയും ആശ്രയിച്ചു ചെയ്യും” പരിശീലകൻ പറഞ്ഞു.

ഫിക്‌ചറിൽ മാറ്റങ്ങൾ വന്നതോടെ ഫെബ്രുവരിയിൽ ബ്ലാസ്റ്റേഴ്സിന് ആകെ 5 മത്സരങ്ങള്‍ കളിക്കേണ്ടിവരും. നോര്‍ത്ത് ഈസ്റ്റിനെതിരെയാണ് ബ്ലാസ്റ്റേഴ്സിന്‍റെ ഇന്നത്തെ മത്സരം.14-ന് ഈസ്റ്റ് ബം​ഗാളിനെയാണ് ബ്ലാസ്റ്റേഴ്സ് നേരിടുന്നത്.10 ആം തീയതി ജാംഷെഡ്പൂർ 19-ന് എടികെ മോഹൻ ബ​ഗാൻ, 23-ന് ഹൈദരാബാദ് എഫ്സി, 26-ന് ചെന്നൈയിൻ എഫ്സി, മാർച്ച് രണ്ടിന് മുംബൈ സിറ്റി, മാർച്ച് ആറിന് എഫ്സി ​ഗോവ എന്നിവർക്കെതിരെയാണ് ബ്ലാസ്റ്റേഴ്സിന്റെ മറ്റ് മത്സരങ്ങൾ.നിലവില്‍ 12 കളിയിൽ 20 പോയിന്‍റുമായി മൂന്നാംസ്ഥാനത്താണ് ബ്ലാസ്റ്റേഴ്‌സ്