പ്രായ തട്ടിപ്പ് വിവാദത്തിൽ കുടുങ്ങി ലോകകപ്പിൽ കളിച്ച ജർമൻ താരം |Youssoufa Moukoko

പ്രായ തട്ടിപ്പ് വിവാദത്തിൽ കുടുങ്ങി 2022- ലെ ഖത്തർ വേൾഡ് കപ്പിൽ ജര്മനിക്കായി കളിച്ച യൂസൗഫ മൗക്കോക്കോ. മൗക്കോക്കോയ്ക്ക് 18 വയസ്സല്ല 22 വയസ്സുണ്ടെന്ന് ഒരു ഓസ്ട്രിയൻ പ്രസിദ്ധീകരണം അവകാശപ്പെട്ടിരിക്കുകയാണ്. യൂറോപ്പിലെ ഏറ്റവും മികച്ച യുവ താരങ്ങളിൽ ഒരാളായാണ് ബൊറൂസിയ ഡോർട്ട്മുണ്ട് ഫോർവേഡിനെ കണക്കാക്കുന്നത്.ബുണ്ടസ് ലീഗ ചരിത്രത്തിൽ ഗോൾ നേടുന്ന ഏറ്റവും പ്രായം കുറഞ്ഞ താരമാണ് അദ്ദേഹം. നിലവിൽ പ്രീമിയർ ലീഗ് ക്ലബ്ബുകളാണ് മൗക്കോക്കോയെ ലക്ഷ്യമിടുന്നുണ്ട്.

കാമറൂണിൽ ജനിച്ച ജർമ്മൻ സ്‌ട്രൈക്കർ 2016-ൽ ബൊറൂസിയ ഡോർട്ട്മുണ്ടിൽ ചേർന്നു, 2019-ൽ നൈക്കുമായി ഒരു ദശലക്ഷക്കണക്കിന് ഡോളർ കരാർ ഒപ്പിട്ടു. ജർമ്മനിക്ക് പുറത്ത് താരം പുതിയ ക്ലബ്ബിനായി തിരയുകയാണെന്ന് മൗക്കോക്കോയുടെ ഏജന്റ് അടുത്തിടെ പറഞ്ഞിരുന്നു.എന്നാൽ, കളിക്കാരൻ തന്റെ ജനന സർട്ടിഫിക്കറ്റ് വ്യാജമായി ഉണ്ടാക്കിയതായി ലാവോലോ എന്ന ഓസ്ട്രിയൻ പ്രസിദ്ധീകരണം അവകാശപ്പെട്ടു.

പ്രായത്തട്ടിപ്പ് കാമറൂണിയൻ ഫുട്ബോളിനെ പിടിച്ചുകുലുക്കിയതിന് പിന്നാലെയാണ് ആരോപണങ്ങൾ പുറത്തുവന്നത്. അടുത്തിടെ അണ്ടർ-17 കളിക്കാരിൽ 21 പേർ പ്രായപരിധിയിൽ പരാജയപ്പെട്ടു അതിന്റെ ഫലമായി മുഴുവൻ ടീമിനെയും മാറ്റേണ്ടി വന്നു. പ്രായത്തട്ടിപ്പ് ആരോപിക്കപ്പെടുന്നത് ഇതാദ്യമായിരുന്നില്ല. 2017-ൽ, ബൊറൂസിയ ഡോർട്ട്മുണ്ടിലെ പരിശീലകർക്ക് അദ്ദേഹത്തിന്റെ പ്രായം അംഗീകരിക്കാൻ കഴിഞ്ഞില്ല.

മാഞ്ചസ്റ്റർ യുണൈറ്റഡ് ന്യൂ കാസിൽ യുണൈറ്റഡ് ചെൽസി തുടങ്ങിയ ക്ലബ്ബുകളിൽ നിന്നും മൗക്കോക്കോക്ക് ഓഫറുകൾ ലഭിച്ചിരുന്നു.ന്യൂകാസിൽ യുണൈറ്റഡ് പ്രതിവർഷം ഒമ്പത് മില്യൺ യൂറോ ശമ്പളവും 30 മില്യൺ യൂറോ സൈനിംഗ് ബോണസും മൗക്കോക്കോയ്ക്ക് ഓഫർ ചെയ്തതായി സ്‌പോർട്ട് 1 റിപ്പോർട്ട് ചെയ്തിരുന്നു.