എറിക് ടെൻ ഹാഗുമായുള്ള ചർച്ചകൾക്ക് ശേഷം മാഞ്ചസ്റ്റർ യുണൈറ്റഡിനൊപ്പം പരിശീലനത്തിനായി തിരിച്ചെത്തി ക്രിസ്റ്റ്യാനോ റൊണാൾഡോ |Cristiano Ronaldo

മാഞ്ചസ്റ്റർ യുണൈറ്റഡ് മാനേജർ എറിക് ടെൻ ഹാഗ് കാരിംഗ്ടണിൽ വെച്ച് ക്രിസ്റ്റ്യാനോ റൊണാൾഡോയുമായി ചർച്ച നടത്തിയതിനെത്തുടർന്ന് 37 കാരൻ ആദ്യ ടീമിനൊപ്പം പരിശീലനത്തിലേക്ക് മടങ്ങി. കഴിഞ്ഞ ബുധനാഴ്ച ഓൾഡ് ട്രാഫോർഡിൽ ടോട്ടൻഹാമിനെതിരെ 2-0 ന് ജയിച്ചപ്പോൾ പകരക്കാരനായി ഇറങ്ങാൻ വിസമ്മതിച്ചതിന് ശേഷം റൊണാൾഡോയെ ചെൽസിയിൽ യുണൈറ്റഡിന്റെ 1-1 സമനിലയിൽ നിന്ന് ഒഴിവാക്കി.

ഇപ്പോൾ ടെൻ ഹാഗുമായുള്ള ചർച്ചകൾക്ക് ശേഷം, റൊണാൾഡോ ഫസ്റ്റ്-ടീം ഗ്രൂപ്പുമായി പരിശീലനം പുനരാരംഭിച്ചു.ഓൾഡ് ട്രാഫോഡിൽ ഷെരീഫ് ടിരാസ്പോളിനെതിരെ വ്യാഴാഴ്ച നടക്കുന്ന യൂറോപ്പ ലീഗ് ടൈയിൽ റൊണാൾഡോ ആദ്യ ഇലവനിൽ എത്താനുള്ള സാധ്യത കാണുന്നുണ്ട്.ചെൽസി ഗെയിമിനായി ഫോർവേഡ് താരത്തെ ഒഴിവാക്കാനും മൂന്ന് ദിവസത്തെ പരിശീലനത്തിൽ നിന്ന് ഒഴിവാക്കാനും തീരുമാനിച്ചത് മുതൽ ടെൻ ഹാഗും റൊണാൾഡോയും നിരന്തരം ചർച്ചകളിൽ ഏർപ്പെട്ടിരുന്നു. റൊണാൾഡോയുമായി വിയോജിപ്പ് പരസ്യമായി പ്രകടിപ്പിച്ച ടെൻ ഹാഗ് ഇതുപോലെയുള്ള പെരുമാറ്റങ്ങൾ ടീമിൽ വെച്ചുപൊറുപ്പിക്കില്ലെന്ന് വ്യക്തമാക്കുകയും ചെയ്തു.

“ശനിയാഴ്‌ച സ്റ്റാംഫോർഡ് ബ്രിഡ്ജിൽ ചെൽസിയുമായുള്ള 1-1 സമനില നഷ്ടമായതിന് ശേഷം ക്രിസ്റ്റ്യാനോ റൊണാൾഡോയും ഗ്രൂപ്പ് പരിശീലനത്തിലേക്ക് മടങ്ങി. ഹാരി മഗ്വേർ, ഡോണി വാൻ ഡി ബീക്ക്, ആരോൺ വാൻ-ബിസാക്ക എന്നുവരും പരിശീലനത്തിൽ എത്തി.റൊണാൾഡോ ആദ്യ ടീമിനൊപ്പം പരിശീലനത്തിലേക്ക് മടങ്ങിയെന്ന് ചൊവ്വാഴ്ച മാഞ്ചസ്റ്റർ യുണൈറ്റഡ് പ്രസ്താവനയിൽ പറഞ്ഞു.

വാൻ ഡി ബീക്കും വാൻ-ബിസാക്കയും വളരെക്കാലമായി പുറത്തായിരുന്നു, ഓഗസ്റ്റിൽ ലിവർപൂളിനെതിരായ ഞങ്ങളുടെ 2-1 വിജയത്തിന്റെ അവസാന ഘട്ടത്തിലാണ് ഈ ജോഡി അവസാനമായി ആദ്യ ടീമിനായി പ്രത്യക്ഷപ്പെട്ടത്.