‘ധോണി ചെപ്പോക്കിന്റെ വാതിലുകൾ അടച്ച് എതിർ ടീമിനെ നിഷ്കരുണം തല്ലിത്തകർക്കുകയും ചെയ്യുന്നു’: പത്താൻ

ഒരു എതിർ ടീം ചെന്നൈയിൽ വരുമ്പോഴെല്ലാം എംഎസ് ധോണി ചെപ്പോക്കിന്റെ വാതിലുകൾ അടച്ച് ടീമിനെ തകർക്കുമെന്ന് മുൻ ഇന്ത്യൻ ഓൾറൗണ്ടർ ഇർഫാൻ പത്താൻ.തന്റെ മുൻ സഹതാരം മഹേന്ദ്ര സിംഗ് ധോണിയുടെ ക്യാപ്റ്റൻസിയെ ‘നിർദയം’ എന്നാണ് വിശേഷിപ്പിച്ചത്.ചെന്നൈ സൂപ്പർ കിംഗ്‌സും ഡൽഹി ക്യാപിറ്റൽസും തമ്മിലുള്ള മത്സരത്തിനിടെയാണ് പത്താൻ ഇങ്ങനെ അഭിപ്രായപ്പെട്ടത്.

സിഎസ്‌കെ തീർച്ചയായും ഐപിഎൽ 2023 പ്ലേഓഫിലേക്ക് യോഗ്യത നേടുമെന്നും ടോപ്പ്-2ൽ ഉറപ്പായും എത്തുമെന്നും അഭിപ്രായപ്പെട്ടു.”സി‌എസ്‌കെ പ്ലേ ഓഫിലേക്ക് യോഗ്യത നേടുമെന്ന് ഉറപ്പാണ്. ഇപ്പോൾ അവർ ടോപ്പ്-2-ൽ എത്താൻ ശ്രമിക്കും. ഞാൻ എപ്പോഴും പറയാറുണ്ട്, ഏതെങ്കിലും ടീം അവരുടെ ഹോം ഗ്രൗണ്ടിൽ വരുമ്പോഴെല്ലാം, എം‌എസ്‌ഡി വാതിൽ അടച്ച് എതിർപ്പിനെ നിഷ്കരുണം തല്ലിത്തകർക്കും.CSK ഒരു ദയയില്ലാത്ത ടീമാണ്, അത് എതിർ ടീമുകളെ അതിന്റേതായ രീതിയിൽ കൈകാര്യം ചെയ്യുന്നു,” പത്താൻ സ്റ്റാർ സ്പോർട്സിൽ പറഞ്ഞു.

ചെന്നൈ സൂപ്പർ കിംഗ്‌സിനും ഡൽഹി ക്യാപിറ്റൽസിനും വേണ്ടി പത്താൻ കളിച്ചിട്ടുണ്ട്.2008ൽ ഫ്രാഞ്ചൈസിയുടെ ക്യാപ്റ്റനായി നിയമിതനായ ശേഷം സിഎസ്‌കെയെ നാല് ഐപിഎൽ കിരീടങ്ങൾ നേടാൻ ധോണി സഹായിച്ചിട്ടുണ്ട്. കൂടാതെ, ധോണിയുടെ ക്യാപ്റ്റൻസിയിൽ രണ്ട് ചാമ്പ്യൻസ് ലീഗ് ടി20 ട്രോഫികളും സിഎസ്‌കെ നേടിയിട്ടുണ്ട്. ഐപിഎല്ലിൽ അഞ്ച് റണ്ണേഴ്സ് അപ്പ് പുരസ്കാരങ്ങളും ചെന്നൈ നേടിയിട്ടുണ്ട്. ഇന്നലെ നടന്ന മത്സരത്തിൽ 27 റൺസിന്റെ വിജയമാണ് ചെന്നൈ നേടിയത്.

ടോസ് നേടി ബാറ്റിങ് തെരഞ്ഞെടുത്ത ചെന്നൈ മധ്യനിരയുടെയും അവസാന ഓവറുകളില്‍ ആക്രമിച്ചു കളിച്ച ധോണിയുടെയും ബാറ്റിങ് കരുത്തിലാണ് എട്ട് വിക്കറ്റ് നഷ്ടത്തിൽ 167 റണ്‍സ് നേടിയത്. വിജയത്തോടെ ചെന്നൈക്ക് 12 മത്സരങ്ങളില്‍ 15 പോയിന്റായി. ഗുജറാത്ത് ടൈറ്റന്‍സിന് പിന്നില്‍ രണ്ടാം സ്ഥാനത്താണ് ചെന്നൈ. 11 മത്സരങ്ങളില്‍ എട്ട് പോയിന്റുമായി ഡല്‍ഹി അവസാന സ്ഥാനത്ത് തുടരുന്നു.