ഖത്തർ വേൾഡ് കപ്പിൽ ശ്രദ്ധേയ പ്രകടനം നടത്താൻ സാധ്യതയുള്ള അഞ്ചു യുവ താരങ്ങൾ|Qatar 2022 |FIFA World Cup

ലോകമെമ്പാടുമുള്ള ഫുട്ബോൾ ആരാധകരുടെ നാല് വർഷത്തെ കാത്തിരിപ്പിന് വിരാമമിട്ട് ഖത്തർ 2022 ലോകകപ്പ് നവംബർ 20ന് ആരംഭിക്കും. യൂറോപ്പിലെ പ്രമുഖ ലീഗുകളിൽ നിന്നുള്ള നിരവധി മുൻനിര താരങ്ങൾ ഉൾപ്പെടുന്ന 32 ടീമുകളാണ് ലോകകപ്പ് കളിക്കുന്നത്. പല യുവ താരങ്ങൾക്കും അവരുടെ കഴിവ് ലോകത്തിനു മുന്നിൽ കാണിച്ചികൊടുക്കാൻ സാധിക്കുന്ന ഒരു അവസരമായാണ് ലോകകപ്പിനെ കണക്കാക്കുന്നത്.ഖത്തറിൽ ശ്രദ്ധിക്കേണ്ട വളർന്നുവരുന്ന 20 വയസ്സിനു താഴെയുള്ള 5 യുവ താരങ്ങൾ ആരാണെന്നു നോക്കാം.

പെഡ്രി ഗോൺസാലസ് (സ്പെയിൻ) : തന്റെ ബാല്യകാല ആരാധനാപാത്രമായ ആന്ദ്രേസ് ഇനിയേസ്റ്റയെപ്പോലെ ബാഴ്‌സലോണയുടെയും സ്പെയിനിന്റെയും മധ്യ നിരയിൽ പെഡ്രി നിറഞ്ഞു നിൽക്കുകയാണ്. ഗോളുകൾ നേടുന്നതിലും പന്ത് ഉപയോഗിച്ചുള്ള പാസിംഗും ഫുട്‌വർക്കുമാണ് താരത്തിന്റെ വേറിട്ടു നിർത്തുന്നത്.“ഇനിയേസ്റ്റ ഫുട്ബോൾ കളിക്കുന്ന രീതിയെയും ഞാൻ എപ്പോഴും ഇഷ്ടപ്പെട്ടിരുന്നു, കാരണം അദ്ദേഹം മൈതാനത്തിനകത്തും പുറത്തും ഒരു പോലെയായിരുന്നു.പെഡ്രി കഴിഞ്ഞ വർഷം അസോസിയേറ്റഡ് പ്രസ്സിന് നൽകിയ അഭിമുഖത്തിൽ പറഞ്ഞു.കഴിഞ്ഞ വർഷത്തെ ഒളിമ്പിക്‌സ് ഫൈനലിൽ ബ്രസീലിനോട് തോറ്റ സ്പെയിൻ ടീമിലെ അംഗമായ പെഡ്രി ഖത്തറിൽ തന്റെ ടീമിനെ ഒരു പടി കൂടി മുന്നോട്ട് കൊണ്ടുപോകാൻ ശ്രമിക്കും.

ജൂഡ് ബെല്ലിംഗ്ഹാം (ഇംഗ്ലണ്ട്) : ഒക്ടോബറിൽ ബൊറൂസിയ ഡോർട്ട്മുണ്ടിനായി കളിക്കുമ്പോൾ തുടർച്ചയായി നാല് ചാമ്പ്യൻസ് ലീഗ് മത്സരങ്ങളിൽ ഗോൾ നേടുന്ന മൂന്നാമത്തെ കൗമാരക്കാരനായി ബെല്ലിംഗ്ഹാം മാറിയിരുന്നു.ബെല്ലിംഗ്ഹാം ഒരു മിഡ്ഫീൽഡറാണ്, എന്നാൽനിരന്തരം ഗോൾ കണ്ടെത്താനും താരത്തിന് സാധിക്കുന്നുണ്ട്.റോബർട്ട് ലെവൻഡോവ്‌സ്‌കിയുടെയും ഹാലാൻഡിന്റെയും മാതൃകകൾ പിന്തുടരുകയും ഈ സീസണിന് ശേഷം ഡോർട്ട്മുണ്ടിനെ യൂറോപ്പിലെ മുൻനിര ക്ലബ്ബുകളിലൊന്നിലേക്ക് മാറാൻ ഒരുങ്ങുകയാണ് താരം. ലോകകപ്പിൽ ഇംഗ്ലണ്ടിനൊപ്പം മികച്ച പ്രകടനം നടത്തിയാൽ യുവ താരത്തിന്റെ വില ഉയരും എന്ന കാര്യത്തിൽ സംശയത്തില്ല.

ജമാൽ മുസിയാല (ജർമ്മനി) :മധ്യനിരയിൽ ഏത് പൊസിഷനും കളിക്കാൻ കഴിവുള്ള മുസിയാല ലോകകപ്പിലെ പ്രധാന താരമാവാൻ സാധ്യതയുള്ള താരമാണ്.നൈജീരിയൻ അച്ഛന്റെയും ജർമ്മൻ അമ്മയുടെയും മകനായി ജർമ്മനിയിൽ ജനിച്ച മുസിയാല സീനിയർ ലെവലിൽ ജർമ്മനിയെ പ്രതിനിധീകരിക്കാൻ തീരുമാനിക്കുകയായിരുന്നു.പാസിംഗ് കഴിവുകൾക്ക് പേരുകേട്ട മുസിയാല ഈ സീസണിൽ ബയേൺ മ്യൂണിക്കിനായി 15 മത്സരങ്ങളിൽ നിന്ന് എട്ട് ഗോളുകൾ നേടി തന്റെ സ്‌കോറിംഗ് കഴിവുകൾ പ്രകടിപ്പിക്കുന്നു. സെപ്തംബറിൽ ബയേൺ 4-0ന് ബയർ ലെവർകൂസനെ തോൽപ്പിച്ചപ്പോൾ നാല് ഗോളുകളിൽ മൂന്നെണ്ണത്തിലും അദ്ദേഹം ഉൾപ്പെട്ടപ്പോൾ അദ്ദേഹത്തിന്റെ സ്വാധീനം കണ്ടു.

ജിയോ റെയ്ന (യുണൈറ്റഡ് സ്റ്റേറ്റ്സ്) : മുൻ യുണൈറ്റഡ് സ്റ്റേറ്റ്സ് ക്യാപ്റ്റൻ ക്ലോഡിയോ റെയ്നയുടെ മകൻ അച്ഛന്റെ അതെ പാദ തന്നെയാണ് പിന്തുടരുന്നത്.ഒരു അറ്റാക്കിംഗ് മിഡ്‌ഫീൽഡറോ വിംഗറോ ആയി കളിക്കുന്ന താരം 2021-22 സീസണിൽ മികച്ച ഫോമിലാണ്.കഴിഞ്ഞ മാസം ജർമ്മൻ ലീഗിൽ സ്റ്റട്ട്ഗാർട്ടിനെതിരായ വിജയത്തിൽ ബൊറൂസിയ ഡോർട്ട്മുണ്ടിനായി അദ്ദേഹം നേടിയ ഗോൾ ഏറെ ശ്രദ്ധിക്കപ്പെട്ടു. അമേരിക്കക്ക് വേണ്ടി 14 മത്സരങ്ങളിൽ നിന്നും നാല് ഗോളുകൾ നേടിയിട്ടുണ്ട്.

യൂനുസ് മൂസ (യുണൈറ്റഡ് സ്റ്റേറ്റ്സ്) : ഘാനയിലെ മാതാപിതാക്കൾക്ക് യുണൈറ്റഡ് സ്റ്റേറ്റ്സിൽ ജനിച്ച മൂസ കൂടുതലും ബ്രിട്ടനിലാണ് വളർന്നത്, ആത്യന്തികമായി തന്റെ ജന്മ രാജ്യത്തെ പ്രതിനിധീകരിക്കാൻ തീരുമാനിക്കുന്നതിന് മുമ്പ് ഇംഗ്ലണ്ടിലെ യൂത്ത് ടീമുകൾക്കായി കളിച്ചു. ഒരു മിഡ്ഫീൽഡറായ മൂസ സ്പാനിഷ് ക്ലബ് വലൻസിയയെ കഴിഞ്ഞ സീസണിലെ കോപ്പ ഡെൽ റേ ഫൈനലിലേക്ക് സഹായിച്ചു, എന്നാൽ പെനാൽറ്റി ഷൂട്ടൗട്ടിൽ തന്റെ സ്പോട്ട് കിക്ക് നഷ്‌ടപ്പെടുത്തിയ ഒരേയൊരു കളിക്കാരനായിരുന്നു മൂസ.ടൈലർ ആഡംസിനും വെസ്റ്റൺ മക്കെന്നിക്കുമൊപ്പം യുണൈറ്റഡ് സ്റ്റേറ്റ്സ് കോച്ച് ഗ്രെഗ് ബെർഹാൾട്ടറിന്റെ ഫസ്റ്റ് ചോയ്സ് മിഡ്ഫീൽഡറാണ് മൂസ

Rate this post