“എഎഫ്‌സി കപ്പ് നോക്കൗട്ടിലേക്ക് മുന്നേറാൻ ഗോകുലം കേരളത്തിന് ജയം അനിവാര്യം , എടികെ മോഹൻ ബഗാന്റെ മത്സര ഫലവും നിര്ണായകമാവും”

ഗ്രൂപ്പ് ബിയിലെ രണ്ടാം റൗണ്ട് മത്സരങ്ങളുടെ ആവേശകരമായ അവസാനത്തിന് ശേഷം ഇന്ത്യൻ സൂപ്പർ ലീഗ് വമ്പൻമാരായ എടികെ മോഹൻ ബഗാനും ഐ-ലീഗ് ചാമ്പ്യന്മാരായ ഗോകുലം കേരളയും ഉൾപ്പെടെ നാല് ടീമുകളും എഎഫ്‌സി ഏഷ്യൻ കപ്പ് 2022 ൽ മൂന്ന് പോയിന്റ് വീതം നേടി ഒപ്പത്തിനൊപ്പമാണ്.

മലബാറിയക്കാർ ബംഗ്ലാദേശ് ക്ലബ് ബശുന്ധര കിംഗ്‌സിനെ നേരിടുമ്പോൾ, മറൈനേഴ്‌സ് അവരുടെ അവസാന ഗ്രൂപ്പ് ഘട്ട മത്സരത്തിൽ മസിയ എഫ്‌സിയെ നേരിടും. ഇന്ത്യൻ ക്ലബ്ബുകൾക്കൊന്നും ബാഹ്യസഹായമില്ലാതെ ടൂർണമെന്റിന്റെ നോക്കൗട്ട് ഘട്ടത്തിലേക്ക് യോഗ്യത നേടാനാകില്ല.ഗോകുലം കേരളത്തിന് അവരുടെ കഴിഞ്ഞ മത്സരത്തിലെ തോൽവിയിൽ നിന്ന് കരകയറാനും കന്നി മത്സരത്തിൽ തന്നെ എഎഫ്‌സി കപ്പ് നോക്കൗട്ട് ഘട്ടത്തിലേക്ക് യോഗ്യത നേടാനുമുള്ള ഒരുക്കത്തിലാണ്.

ഐ-ലീഗ് ചാമ്പ്യന്മാരായ ഗോകുലം ഇന്നത്തെ ആദ്യ മത്സരത്തിൽ (വൈകുന്നേരം 4:30) ബശുന്ധരയെ നേരിടും, രണ്ടാം മത്സരത്തിൽ ഇന്ത്യൻ സൂപ്പർ ലീഗ് ടീമായ എടികെഎംബി മാസിയയെ (രാത്രി 8:30) നേരിടും, രണ്ടു മത്സരവും സാൾട്ട് ലേക്ക് സ്റ്റേഡിയത്തിൽ നടക്കും.ടൂർണമെന്റിന്റെ ഉദ്ഘാടന മത്സരത്തിൽ കോഴിക്കോട് ആസ്ഥാനമായുള്ള ക്ലബ് എടികെഎംബിയെ 4-2ന് പരാജയപ്പെടുത്തി. അതേസമയം, ബസുന്ദര കിംഗ്‌സ് തങ്ങളുടെ ആദ്യ ഗെയിമിൽ 1-0 ന് മസിയയെ പരാജയപ്പെടുത്തി.

അടുത്ത ഘട്ടത്തിലേക്ക് യോഗ്യത ഉറപ്പാക്കാൻ ഗോകുലത്തിന് അവരുടെ രണ്ടാം ഗെയിമിൽ മൂന്ന് പോയിന്റ് വേണമായിരുന്നു പക്ഷെ മാലദ്വീപ് ക്ലബ്ബിന്റെ കൈകളിൽ 0-1 ത്തിന്റെ തോൽവി ഏറ്റുവാങ്ങേണ്ടി വന്നു.രണ്ട് മത്സരങ്ങളിൽ നിന്ന് വിജയിക്കുന്ന രണ്ട് ടീമുകളിൽ ഒന്ന് സൗത്ത് ഏഷ്യ സോണിൽ നിന്ന് ഇന്റർ സോൺ പ്ലേ ഓഫ് സെമിഫൈനലിന് യോഗ്യത നേടും. എടികെഎംബി തങ്ങളുടെ ആദ്യ മത്സരത്തിൽ ഗോകുലത്തോട് 2-4ന് തോറ്റെങ്കിലും ബംഗ്ലാദേശിലെ ബഷുന്ധര കിംഗ്‌സിനെ 4-0ന് തകർത്ത് തിരിച്ചുവരികയായിരുന്നു.

മലബാറിയക്കാർ തങ്ങളുടെ അവസാന ഗ്രൂപ്പ് ഘട്ട മത്സരത്തിൽ കിംഗ്സിനെ നേരിടും. കഴിഞ്ഞ മത്സരങ്ങളിലെ തോൽവിക്ക് ശേഷമാണ് ഇരു ടീമുകളും ഏറ്റുമുട്ടുന്നത്. നോക്കൗട്ട് പ്രതീക്ഷകൾ നിലനിർത്തണമെങ്കിൽ ഗോകുലത്തിന്റെ സമവാക്യം ലളിതമാണ്. ബശുന്ധര കിങ്സിനെ തോൽപ്പിക്കുക.ഗോകുലം ജയിക്കുകയും എ.ടി.കെ – മസിയ മത്സരത്തില്‍ എ.ടി.കെ സമനില പിടിക്കുകയോ ജയിക്കുകയോ ചെല്‍താല്‍ ഗോകുലത്തിന് ഗ്രൂപ്പ് ഘട്ടം കടക്കാന്‍ സാധിക്കും. ഇരു ടീമുകളും പോയിന്റ് നിലയിൽ സമനിലയിലാണെങ്കിൽ, സൗത്ത് ഏഷ്യാ സോണിൽ നിന്ന് ഇന്റർ സോൺ പ്ലേ ഓഫ് സെമിഫൈനലിൽ ആരൊക്കെ കടക്കുമെന്ന് തീരുമാനിക്കാൻ ഹെഡ്-ടു-ഹെഡ് റെക്കോർഡുകൾ പരിഗണിക്കും. ബസുന്ദരയ്‌ക്കെതിരെ ഗോകുലം സമനിലയോ തോൽക്കുകയോ ചെയ്‌താൽ, മസിയയ്‌ക്കെതിരായ ജയത്തോടെ എടികെഎംബി നോക്കൗട്ട് റൗണ്ടിലേക്ക് യോഗ്യത നേടും.

ഗോകുലം നിരയില്‍ താരങ്ങളെല്ലാം പൂര്‍ണ ഫിറ്റ്‌നസിലാണെന്നുള്ളതിനാല്‍ ബസുന്ധര കിങ്‌സിനെ പരാജയപ്പെടുത്താന്‍ കഴിയുമെന്ന പ്രതീക്ഷയിലാണ് പരിശീലകന്‍ അന്നീസെയും സംഘവും. മുന്നേറ്റതാരങ്ങളായ ജോര്‍ദാന്‍ ഫ്ലചർ, ലൂക്ക മെജ്‌സിയന്‍ തുടങ്ങിയവരും മധ്യനിര താരങ്ങളായ എമില്‍ ബെന്നി, ജിതിന്‍, പ്രതിരോധത്തില്‍ മുഹമ്മദ് ഉവൈസ്, അമിനോ ബൗബ എന്നിവരും മികച്ച ഫോമിലാണ്. മധ്യനിരയില്‍ കളി നിയന്ത്രിക്കുന്ന ക്യാപ്റ്റന്‍ മുഹമ്മദ് ഷരീഫും മികച്ച ഫോമിലും ആത്മവിശ്വാസത്തിലുമാണ്. അതിനാല്‍ ഇന്നത്തെ മത്സരം മികച്ച മാര്‍ജിനില്‍ ജയിക്കാന്‍ കഴിയുമെന്ന പ്രതീക്ഷയിലാണ് മലബാറിയന്‍സ്.