എംഎസ് ധോണിയെയും രോഹിത് ശർമ്മയെയും മറികടന്ന് ഗുജറാത്ത് ടൈറ്റൻസ് ക്യാപ്റ്റൻ ഹാർദിക് പാണ്ഡ്യ

ഐപിഎൽ 2022 ലെ അരങ്ങേറ്റ സീസണിൽ ഗുജറാത്ത് ടൈറ്റൻസ് ഐപിഎൽ കിരീടം നേടിയപ്പോൾ ഹാർദിക് പാണ്ഡ്യ ആയിരുന്നു അവരെ നയിച്ചിരുന്നത്.പലരും ആ സീസണിൽ ടൈറ്റൻസിനെ ശക്തമായ ഒരു മത്സരാർത്ഥിയായി കണക്കാക്കിയില്ല. സീസൺ പുരോഗമിക്കുമ്പോൾ അവരുടെ ആധിപത്യ പ്രകടനത്തിലൂടെ ജിടി എല്ലാവരെയും അത്ഭുതപ്പെടുത്തി, പ്ലേഓഫിലേക്കും ഫൈനലിലേക്കും യോഗ്യത നേടുന്ന ആദ്യ ടീമായി.

അഹമ്മദാബാദിൽ തിങ്ങിനിറഞ്ഞ കാണികൾക്ക് മുന്നിൽ പാണ്ഡ്യയുടെ നേതൃത്വത്തിലുള്ള ജിടി ഫൈനലിൽ സഞ്ജു സാംസണിന്റെ രാജസ്ഥാൻ റോയൽസിനെ പരാജയപ്പെടുത്തി ഐപിഎൽ 2022 ട്രോഫി ഉയർത്തി.ജിടിയുടെ നായകനെന്ന നിലയിൽ പാണ്ഡ്യ തന്റെ ഫോം തുടരുന്നു, ഈ സീസണിൽ അവർ പോയിന്റ് പട്ടികയിൽ രണ്ടാം സ്ഥാനത്താണ്. ക്യാപ്റ്റനെന്ന നിലയിലുള്ള 29-കാരന്റെ വിജയം, എംഎസ് ധോണി, രോഹിത് ശർമ്മ എന്നിവരെ മറികടന്ന് ഐപിഎൽ നാഴികക്കല്ല് കൈവരിചിരിക്കുകയാണ്.വിജയശതമാനത്തിൽ (കുറഞ്ഞത് 20 മത്സരങ്ങൾ) ഐപിഎല്ലിലെ ഏറ്റവും വിജയകരമായ ക്യാപ്റ്റനാണ് ഇപ്പോൾ പാണ്ഡ്യ.

സ്റ്റാർ ഓൾറൗണ്ടറിന് 75 വിജയശതമാനമുണ്ട്, കൂടാതെ 20 മത്സരങ്ങളിൽ നിന്ന് 15 വിജയങ്ങളിലേക്ക് ജിടിയെ നയിച്ചിട്ടുണ്ട്. അദ്ദേഹത്തിന്റെ ക്യാപ്റ്റൻസിയിൽ 5 തോൽവികൾ മാത്രമാണ് അവർക്ക് നേരിടേണ്ടി വന്നത്.58.99 വിജയശതമാനമുള്ള എംഎസ് ധോണിയാണ് തൊട്ടുപിന്നിൽ. 217 മത്സരങ്ങളിൽ നിന്ന് 128 വിജയങ്ങളും 88 തോൽവികളും ധോണിയുടെ പേരിലുണ്ട്.56.08 വിജയശതമാനത്തോടെ രോഹിത് ശർമ്മ ഏഴാം സ്ഥാനത്താണ്.

രോഹിതിന്റെ കീഴിൽ ഐപിഎൽ അരങ്ങേറ്റം കുറിച്ച പാണ്ഡ്യ ഏഴ് സീസണുകളിൽ മുംബൈ ഇന്ത്യൻസിന് വേണ്ടി കളിച്ചു. നാല് തവണ ഐപിഎൽ കിരീടം നേടി. ഗുജറാത്ത് ടൈറ്റൻസിന്റെ ക്യാപ്റ്റനെന്ന നിലയിൽ വിജയത്തോടെ പാണ്ട്യ 2022 ലോകകപ്പ് മുതൽ ടി20 ഐ ടീമിനെ നയിക്കുകയും ചെയ്തു. ഏകദിന ഫോർമാറ്റിൽ രോഹിത്തിന്റെ ഡെപ്യൂട്ടി കൂടിയാണ് അദ്ദേഹം.