“എന്തുചെയ്യാനാകുമെന്ന് എനിക്കറിയാം, ഇപ്പോൾ എനിക്ക് ലോകകപ്പിന് വേണ്ടി തയ്യാറെടുക്കണം” :ഹസാർഡ്

വ്യാഴാഴ്ച ബ്രസൽസിൽ നടന്ന നേഷൻസ് ലീഗിൽ വെയ്ൽസിനെതിരെ കളിച്ച 65 മിനിറ്റിലെ പ്രകടനത്തിൽ ബെൽജിയൻ ടീമിന്റെ ക്യാപ്റ്റൻ ഈഡൻ ഹസാർഡ് തൃപ്തനായിരുന്നു, എന്നാൽ തന്റെ ക്ലബ് ടീമായ റയൽ മാഡ്രിഡുമായി താൻ “സൂക്ഷ്മമായ സാഹചര്യത്തിലാണ്” എന്ന് മുൻ ചെൽസി താരം അഭിപ്രായപ്പെട്ടു.സ്പാനിഷ് തലസ്ഥാനത്ത് ഹസാഡ് സന്തുഷ്ടനായിരുന്നിട്ടും താരത്തിന് കളിക്കാനുള്ള സമയം വളരെ കുറവാണ് ലഭിക്കുന്നത്.

“മറ്റൊരു മത്സരം ആരംഭിക്കുന്നതിൽ ഞാൻ സന്തോഷവാനാണ്; നിങ്ങൾ അത് കണ്ടുവെന്ന് ഞാൻ കരുതുന്നു. ഞാൻ കളിക്കുമ്പോൾ എനിക്ക് സന്തോഷമുണ്ട്,എന്നെ പിന്തുണയ്ക്കുന്നവർക്കായി വേണ്ടി കളിക്കുന്നത് സന്തോഷകരമാണ്. ഞങ്ങളുടെ ആദ്യ പകുതി വളരെ മികച്ചതായിരുന്നു, ”വെയ്ൽസിനെതിരെ 2-1 വിജയത്തിന് ശേഷം ബെൽജിയൻ സ്‌ട്രൈക്കർ RTL-നോട് പറഞ്ഞു.തന്റെ കഴിവിലും മാനേജർ റോബർട്ടോ മാർട്ടിനെസിന് താൻ വാഗ്ദാനം ചെയ്യുന്ന കാര്യങ്ങളിലും ഇപ്പോഴും തന്റെ ദേശീയ ടീമിനൊപ്പം കാണിക്കുന്ന നിലവാരത്തിൽ സന്തുഷ്ടനാണെന്നും അദ്ദേഹം പറഞ്ഞു.

“എനിക്ക് എന്തുചെയ്യാനാകുമെന്ന് എനിക്കറിയാം. ഇപ്പോൾ എനിക്ക് ലോകകപ്പിന് വേണ്ടി തയ്യാറെടുക്കണം .കോച്ച് എന്ത് തീരുമാനിക്കുമെന്ന് നമുക്ക് നോക്കാം, പക്ഷേ ഞാൻ കളിക്കുമ്പോൾ ഞാൻ ഏറ്റവും സന്തോഷവാനാണ്. കളിക്കുമ്പോൾ, ഞാൻ എല്ലാം നൽകുന്നു. റയൽ മാഡ്രിഡിൽ വ്യത്യസ്തമായ സാഹചര്യമാണ് എനിക്ക് കൂടുതൽ കളിക്കാൻ തോന്നുന്നു, പക്ഷേ ചെയ്യാൻ കഴിയില്ല.പഴയ ഈഡൻ ഹസാർഡ് തിരിച്ചുവരുമെന്ന് ഞാൻ എപ്പോഴും പറഞ്ഞിട്ടുണ്ട്.എനിക്ക് ആ പഴയ താളത്തിലേക്ക് മടങ്ങിയെത്തണം.” അദ്ദേഹം പറഞ്ഞു.

പോളണ്ടിനെ 0-2ന് തോൽപ്പിച്ച് ഒന്നാം സ്ഥാനത്ത് തുടരുന്ന നെതർലാൻഡ്‌സിനെതിരെ ആംസ്റ്റർഡാമിൽ ഞായറാഴ്ച നേഷൻസ് ലീഗിലെ ഗ്രൂപ്പ് ഡിയിൽ ഒന്നാം സ്ഥാനത്തിനായി ബെൽജിയം കളിക്കും.“ഞങ്ങൾ അവിടെ ഒരു നല്ല കളി കളിക്കാനും ലോകകപ്പിനായി സ്വയം തയ്യാറെടുക്കാനും ശ്രമിക്കും,” ബെൽജിയം ക്യാപ്റ്റൻ പറഞ്ഞു.