❝തകർപ്പൻ 💪🔥ജയത്തോടെ ഐ ലീഗ്😍🏆കിരീടം
നേടുന്ന⚽👑ആദ്യ കേരള ക്ലബ്ബാവാൻ ഗോകുലം കേരള ❞

ഗോകുലം കേരള ക്ലബിന് ഐ ലീഗ് കിരീടം ഒരു വിജയം മാത്രം അകലെ. ചരിത്രത്തിൽ ഒരു കേരള ടീമിനും സാധിച്ചിട്ടില്ലാത്ത ആ അപൂർവ്വ നേട്ടത്തിന് അടുത്ത് എത്തിയിരിക്കുകയാണ് കേരളത്തിന്റെ പ്രിയ ക്ലബ് ഗോകുലം കേരള. കേരളത്തിലേക്ക് ഐ ലീഗ് കിരീടം കൊണ്ടു വരുന്ന ആദ്യ ക്ലബായി മാറുന്നതിന് തൊട്ടടുത്ത്. ഇന്ന് കൊൽക്കത്തയിൽ നടന്ന മത്സരത്തിൽ മൊഹമദൻസിനെ പരാജയപ്പെടുത്തിയതോടെ ഗോകുലം കേരള ലീഗിൽ ഒന്നാം സ്ഥാനത്തേക്കാണ് മുന്നേറിയത്.

ഗോകുലം കേരള എഫ്സി. ഘാന മുന്നേറ്റ താരം ഡെന്നീസ് അന്റ്വിയുടെ ഇരട്ട ഗോളുകളാണ് ഗോകുലത്തിന് ജയം നേടിക്കൊടുത്തത്. ആദ്യ പകുതിയിൽ 20ാം മിനുറ്റിലും 34ാം മിനുറ്റിലുമാണ് അന്റ്വിയുടെ ഗോളുകൾ. രണ്ടാം പകുതിയിൽ 85ാം മിനുറ്റിൽ സുജിത് സാധുവാണ് മൊഹമ്മദനിന്റെ ആശ്വാസ ഗോൾ നേടിയത്. കൊൽക്കത്ത കല്യാണി സ്റ്റേഡിയത്തിൽ ഞായറാഴ്ച വൈകിട്ട് നാലിനായിരുന്നു മത്സരം.

ഈ ജയത്തോടെ പ്ലേഓഫ് പോയിന്റ് നിലയിൽ ഗോകുലം ഒന്നാമതെത്തി. 14 മത്സരങ്ങളിൽ നിന്ന് എട്ട് ജയവും രണ്ട് സമനിലയും നാല് തോൽവിയുമുള്ള ഗോകുലത്തിന് 26 പോയിന്റാണ്. ചർച്ചിൽ ബ്രദേഴ്സ്, ട്രാവു എഫ്‌‌സി എന്നിവയും 26 പോയിന്റോടെ ഗോകുലത്തിനൊപ്പമുണ്ട്. ഏഴ് വീതം ജയങ്ങളും അഞ്ച് വീതം സമനിലയും രണ്ട് വീതം തോൽവിയുമാണ് ഇരു ടീമുകൾക്കും.

ഞായറാഴ്ച നടന്ന ചർച്ചിൽ ബ്രദേഴ്സ് ട്രാവു മത്സരം സമനിലയിൽ പിരിഞ്ഞിരുന്നു. ഇരു ടീമുകളും ഓരോ ഗോൾ നേടിയാണ് മത്സരം അവസാനിച്ചത്. ചർച്ചിലിനു വേണ്ടി 28ാം മിനുറ്റിൽ ലൂക്കാ മാജ്സെൻ 28ാം മിനുറ്റിൽ പെനാൽറ്റി ഗോളാക്കി മാറ്റിയപ്പോൾ 43ാം മിനുറ്റിൽ കൊൻസാം ഫാൽഗുനി സിങ്ങ് ടിആർഎയുവിനുവേണ്ടി ഗോൾ മടക്കുകയായിരുന്നു.

അടുത്ത ആഴ്ച നടക്കുന്ന അവസാന റൗണ്ടിൽ ലീഗിന്റെ ഈ സീസണിലെ ജേതാക്കളെ അറിയാം. മാർച്ച് 27ന് ട്രാവു എഫ്‌‌സിയുമായാണ് അവസാന റൗണ്ടിൽ ഗോകുലം ഏറ്റുമുട്ടുന്നത്.ആ മത്സരം വിജയിച്ചാൽ ആദ്യമായി ഐ ലീഗ് കിരീടം കേരളത്തിലേക്ക് എത്തുന്നത് കാണാൻ ആകും. ചർച്ചിൽ ബ്രദേഴ്സ് പഞ്ചാബ് എഫ്സിയെയും റിയൽ കശ്മീർ മുഹമ്മദനെയും അവസാന റൗണ്ടിൽ നേരിടും.

ഇന്ന് ഉച്ചയ്ക്ക് നടന്ന മത്സരത്തിൽ ട്രാവുവും ചർച്ചിൽ ബ്രദേഴ്സും സമനിലയിൽ പിരിഞ്ഞതാണ് ഗോകുലത്തിന് ഒന്നാം സ്ഥാനത്തേക്കുള്ള വഴി തെളിച്ചത്. ഗോകുലത്തിനും ചർച്ചിലിനും ട്രാവുവിനും 26 പോയിന്റ് വീതവുമാണ് ഇപ്പോൾ ഉള്ളത്.