മുംബൈ ഇന്ത്യൻസിന് കിരീടം വേണമെങ്കിൽ പിയൂഷ് ചൗളയ്ക്ക് പർപ്പിൾ ക്യാപ്പ് നേടേണ്ടിവരുമെന്ന് ഇർഫാൻ പത്താൻ

ഐപിഎൽ 2023 ലെ മുംബൈ ഇന്ത്യൻസിന്റെ ഏറ്റവും മികച്ച ബൗളറായി ലെഗ് സ്പിന്നർ പിയൂഷ് ചൗള ഉയർന്നുവന്നിട്ടുണ്ടെന്നും രോഹിത് ശർമ്മയുടെ നേതൃത്വത്തിലുള്ള ടീമിന് ആറാം കിരീടം നേടണമെങ്കിൽ അദ്ദേഹത്തിന്റെ പ്രകടനം നിർണായകമാകുമെന്നും മുൻ ഇന്ത്യൻ ഓൾറൗണ്ടർ ഇർഫാൻ പത്താൻ അഭിപ്രായപ്പെട്ടു.

തുടർച്ചയായ മൂന്ന് വിജയങ്ങൾ നേടിയ ശേഷം, ഉയർന്ന സ്‌കോറിംഗ് മത്സരത്തിൽ മുംബൈ ഇന്ത്യൻസ് ഒരു മികച്ച പഞ്ചാബ് കിംഗ്‌സിനെതിരെ പരാജയം ഏറ്റുവാങ്ങി. എന്നാൽ മുംബൈ ഇന്ത്യൻസിന് വേണ്ടി മികച്ച പ്രകടനം കാഴ്ചവെക്കുന്ന വെറ്ററൻ സ്പിന്നർ പിയൂഷ് ചൗള വാങ്കഡെ സ്റ്റേഡിയത്തിൽ നടന്ന മത്സരത്തിൽ നന്നായി പന്തെറിഞ്ഞു.”എംഐയുടെ ഏറ്റവും മികച്ച ബൗളറാണ് പിയൂഷ് ചൗള. തന്റെ എല്ലാ അനുഭവപരിചയവും ബൗളിംഗും അദ്ദേഹം കാണിക്കുന്നു. മുംബൈ അദ്ദേഹത്തെ പിന്തുണയ്ക്കണം, എംഐ മികച്ച പ്രകടനം നടത്തണമെങ്കിൽ, ഐപിഎല്ലിലെ ഏറ്റവും കൂടുതൽ വിക്കറ്റ് വീഴ്ത്തിയ ബൗളറാകണം ചൗള,” ഇർഫാൻ പത്താൻ സ്റ്റാർ സ്‌പോർട്‌സ് ക്രിക്കറ്റ് ലൈവിൽ സംസാരിക്കവെ പറഞ്ഞു.

ആറ് മത്സരങ്ങളിൽ നിന്ന് ഒമ്പത് വിക്കറ്റ് വീഴ്ത്തി ചൗള ൻ സിഎസ്‌കെ സ്പിന്നർ രവി ബിഷ്‌നോയ്, കുൽദീപ് യാദവ് എന്നിവരെ പിന്തള്ളി പർപ്പിൾ ക്യാപ് പട്ടികയിൽ 11-ാം സ്ഥാനത്താണ്.17.55 എന്ന മികച്ച ശരാശരിയിലും 6.86 എന്ന ഇക്കണോമിയും താരത്തിനുണ്ട്.പി‌ബി‌കെ‌എസിനെതിരായ കഴിഞ്ഞ മത്സരത്തിൽ പരാജയപ്പെട്ട മുംബൈ ഇന്ന് അഹമ്മദാബാദിലെ നരേന്ദ്ര മോദി സ്റ്റേഡിയത്തിൽ ഗുജറാത്ത് ജയന്റ്‌സിനെ നേരിടും.

ഗുജറാത്ത് സമതുലിതമായ ടീമാണെന്നും അവരുടെ സ്ഥിരതയാർന്ന പ്രകടനത്തിന്റെ ക്രെഡിറ്റ് ഹെഡ് കോച്ച് ആശിഷ് നെഹ്‌റയ്ക്കാണെന്നും പത്താൻ അഭിപ്രായപ്പെട്ടു.”ഗുജറാത്ത് ടൈറ്റൻസ് ഈ സീസണിലും വളരെ ശക്തമായ ടീമിനെ പോലെയാണ് കാണപ്പെടുന്നത്. കഴിഞ്ഞ സീസണിലെ അവരുടെ കാഴ്ചപ്പാടും നിർവ്വഹണവും ഈ സീസണിലും ദൃശ്യമാണ്, അത് അവരെ അപകടകരമായ ടീമാക്കുന്നു ,” പത്താൻ കൂട്ടിച്ചേർത്തു.