റിങ്കു സിംഗ് ഇന്ത്യയുടെ അടുത്ത യുവരാജ് സിംഗ് ആകുമെന്ന് ആളുകൾ പ്രതീക്ഷിക്കുന്നുണ്ടെന്ന് സുനിൽ ഗവാസ്‌കർ | Rinku Singh

റിങ്കു സിങ്ങിന്റെ കഴിവിനെ അഭിനന്ദിച്ച് ഇന്ത്യൻ ഇതിഹാസ താരം സുനിൽ ഗവാസ്‌കർ. ദക്ഷിണാഫ്രിക്കയ്‌ക്കെതിരായ ഇന്ത്യയുടെ ആദ്യ ടി 20 മത്സരത്തിന് മുന്നോടിയായി സംസാരിക്കവെ ഗവാസ്‌കർ യുവതാരത്തെ പ്രശംസിക്കുകയും ഇടംകൈ ബാറ്ററിന് കൂടുതലോ ഉയരങ്ങൾ കീഴടക്കാൻ സാധിക്കുമെന്നും പറഞ്ഞു.

ആഭ്യന്തര ക്രിക്കറ്റിലും ഇന്ത്യൻ പ്രീമിയർ ലീഗിലും മികച്ച പ്രകടനം നടത്തിയതിന് ശേഷം റിങ്കു സിംഗ് തന്റെ അന്താരാഷ്ട്ര കരിയറിന് ആവേശകരമായ തുടക്കം കുറിച്ചു.ഐ‌പി‌എൽ 2023 ഗെയിമിന്റെ അവസാന ഓവറിൽ ഗുജറാത്ത് ടൈറ്റൻസിന്റെ യാഷ് ദയാലിനെ 5 സിക്‌സറുകൾക്ക് തകർത്ത് കൊൽക്കത്ത നൈറ്റ് റൈഡേഴ്‌സിനെ തകർപ്പൻ വിജയത്തിലേക്ക് നയിച്ചതിന് ശേഷം റിങ്കു ആരാധകരുടെ പ്രിയപ്പെട്ട താരമായി മാറി.ബാറ്ററുടെ ഏറ്റവും വലിയ ശക്തി തനിക്ക് തന്നിൽ തന്നെ വളരെയധികം വിശ്വാസമുണ്ടായിരുന്നു എന്നതാണ് എന്ന് റിങ്കുവിനെ കുറിച്ച് സംസാരിച്ച ഗവാസ്‌കർ പറഞ്ഞു.

“കഴിവ് – ഇത് എല്ലാവർക്കും നൽകപ്പെടുന്നില്ല. നിങ്ങൾക്ക് ഗെയിം ഇഷ്ടപ്പെടാം, നിങ്ങൾക്ക് ദിവസം മുഴുവൻ കളിക്കാം. നിങ്ങൾക്ക് കഴിവ് തീരെ ഇല്ലായിരിക്കാം, പക്ഷേ തനിക്ക് അത് ചെയ്യാൻ കഴിയുമെന്ന വിശ്വാസമുണ്ട്,, കഴിഞ്ഞ 2-3 വർഷമായി റിങ്കു ചെയ്തതും അതാണ്.ഐപിഎല്ലിൽ അവസരം ലഭിച്ചപ്പോൾ അദ്ദേഹം അത് നേടിയെടുത്ത രീതി അതിശയകരമാണ്” സ്റ്റാർ സ്പോർട്സിൽ ഗവാസ്കർ പറഞ്ഞു.

“ഇപ്പോൾ റിങ്കു ഇന്ത്യൻ ടീമിന്റെ ഭാഗമാണ്. ഇപ്പോൾ അദ്ദേഹത്തെക്കുറിച്ച് വളരെയധികം പ്രതീക്ഷകളുണ്ട്. അദ്ദേഹം മറ്റൊരു യുവരാജ് സിംഗ് ആകുമെന്നാണ് എല്ലാവരും ഇപ്പോൾ പ്രതീക്ഷിക്കുന്നത്.ഇന്ത്യൻ ക്രിക്കറ്റിന് വേണ്ടി യുവരാജ് ചെയ്തതിന്റെ ഒരു അംശം പോലും ചെയ്യാൻ കഴിയുമെങ്കിൽ, അദ്ദേഹം മികച്ച പ്രകടനം കാഴ്ചവെക്കും, ”ഗവാസ്‌കർ പറഞ്ഞു.ആദ്യ ടി20യിൽ റിങ്കു സിങ്ങിനെ ഒരു നോക്ക് കാണാൻ ആരാധകർക്ക് കഴിഞ്ഞില്ല. ദക്ഷിണാഫ്രിക്കയ്‌ക്കെതിരായ ഇന്ത്യയുടെ ആദ്യ ടി20 മത്സരം മഴ മൂലം ഉപേക്ഷിച്ചു.ഡർബനിൽ നടക്കേണ്ട മത്സരം ടോസ് ചെയ്യാതെ ഉപേക്ഷിച്ചു.