ലിവർപൂൾ vs വിയ്യാറയൽ :❝കിംഗ് ഓഫ് ദ കപ്പ്’ എമറിയെയുടെ വിയ്യാറയലിനെ ലിവർപൂൾ പേടിക്കണമോ ?❞

ചാമ്പ്യൻസ് ലീഗ് ക്വാർട്ടറിൽ ബെൻഫിക്കയെ മറികടന്ന് മുൻ ചാമ്പ്യന്മാരായ ലിവർപൂൾ സെമി ഫൈനലിൽ സ്ഥാനം പിടിച്ചിരിക്കുകയാണ്. സെമിയിൽ ഇംഗ്ലീഷ് ക്ലബ്ബിന്റെ എതിരാളികൾ ജർമൻ വമ്പന്മാരായ ബയേൺ മ്യൂണിക്കിനെ കീഴടക്കി വന്ന ഉനായ് എമറിയുടെ വിയ്യ റയലാണ്.കോച്ച് ഉനായ് എമറി “കപ്പുകളുടെ രാജാവ്” എന്നാണ് ലിവർപൂൾ പരിശീലകൻ ജർഗൻ ക്ലോപ്പ് വിശേഷിപ്പിച്ചത്.

ബുധനാഴ്‌ച നടന്ന ക്വാർട്ടർ ഫൈനൽ രണ്ടാം പാദത്തിൽ ലിവർപൂൾ 3-3ന് ബെൻഫിക്കയെ സമനിലയിൽ തളച്ച് 6-4 സ്‌കോറോടെ ലിവർപൂൾ സെമിയിൽ കടന്നു.”ഞാൻ മത്സരം കണ്ടു, കളി വളരെ ശ്രദ്ധേയമായിരുന്നു. ഞാൻ അതിൽ നിന്നും കഷണങ്ങൾ മാത്രം തിരഞ്ഞെടുത്തു, എന്നാൽ യുവന്റസിനെയും ബയേൺ മ്യൂണിക്കിനെയും തോൽപ്പിച്ച വിയ്യാറയലിന് ചാമ്പ്യൻസ് ലീഗ് സെമിഫൈനലിൽ എത്താൻ അർഹതയുണ്ടെന്നും ” ക്ലോപ്പ് പറഞ്ഞു.ഉനൈ എമെറി കപ്പുകളുടെ രാജാവാണ്, അദ്ദേഹം ചെയ്യുന്നത് അവിശ്വസനീയമാണ്. എന്നാൽ ഇത് ശരിയായി തയ്യാറാക്കാൻ എനിക്ക് കുറച്ച് സമയം തരൂ, ”അദ്ദേഹം ചിരിച്ചുകൊണ്ട് കൂട്ടിച്ചേർത്തു.

സെവിയ്യയ്‌ക്കൊപ്പം മൂന്ന് തവണ യൂറോപ്പ ലീഗ് ജേതാക്കളായ എമെറി കഴിഞ്ഞ സീസണിൽ വില്ലാറിയലുമായി വീണ്ടും കിരീടം നേടുകയും ചെയ്തിരുന്നു .പാരീസ് സെന്റ് ജെർമെയ്‌നുമായി നാല് ആഭ്യന്തര കപ്പുകൾ നേടുകയും ചെയ്തു.ആഴ്‌സണലിൽ സ്പെയിൻ പരിശീലകനറെ ചുമതല നിരാശപ്പെടുത്തിയെങ്കിലും ലണ്ടൻ ക്ലബ്ബിനെ 2019 ലെ യൂറോപ്പ ലീഗ് ഫൈനലിലേക്ക് കൊണ്ടുപോകാൻ അദ്ദേഹത്തിന് കഴിഞ്ഞു.2006ന് ശേഷം ആദ്യമായാണ് വില്ലാറയൽ സെമിയിലെത്തുന്നത് . 16 വര്ഷം മുൻപ് സെമിയിൽ ആഴ്സനലിനോട് തൊട്ട് വിയ്യ റയൽ ഫൈനൽ കാണാതെ പുറത്തായി. മത്സരത്തിന്റെ അവസാന നിമിഷം അർജന്റീന താരം ജുവാൻ റോമൻ റിക്വൽമെ പെനാൽട്ടി നഷ്ടപ്പെടുത്തുകയും ചെയ്തു.

യൂറോപ്യൻ മത്സരത്തിലായിരിക്കുമ്പോൾ എമെറിയുടെ തന്ത്രപരമായ മിഴിവ് എപ്പോഴും ഉയർന്നതായി തോന്നുന്നു. കഴിഞ്ഞ വർഷത്തെ യൂറോപ്പ ലീഗ് കിരീടം, മാഞ്ചസ്റ്റർ യുണൈറ്റഡിനെതിരായ നാടകീയമായ പെനാൽറ്റി ഷൂട്ടൗട്ടിനെത്തുടർന്ന് നേടിയത്, ഒരു മാനേജരെന്ന നിലയിൽ യൂറോപ്പ ലീഗിൽ എമെറിയുടെ നാലാമത്തെ വിജയമായിരുന്നു, ആ രംഗത്തെ മാസ്റ്ററായി സ്വയം സ്ഥാപിച്ചു.

ഈ വർഷത്തെ ചാമ്പ്യൻസ് ലീഗിൽ സ്ഥാനം ഉറപ്പിച്ചച്ചപ്പോൾ വില്ലാറിയലും എമറിയും ഈ വേദിയിൽ പ്രതീക്ഷയ്‌ക്കപ്പുറമുള്ളത് ആരും പ്രതീക്ഷിച്ചിരിക്കില്ല, എന്നാൽ യുവന്റസിനെതിരെയും ബയേണിനെതിരെയും അവരുടെ പ്രകടനം തെളിയിച്ചതുപോലെ അവർക്ക് അത്ഭുതങ്ങൾ കാണിക്കാനുള്ള കഴിവുണ്ട്.അത് എമറിയുടെ പരിശീലനത്തിൽ നിന്നാണ് അവർ നേടിയത്.തന്റെ ടീമുകളെ ഓരോ എതിരാളിക്കും അനിസരിച്ച് സജ്ജമാക്കുന്ന പരിശീലകൻ കളിക്കാരെ മത്സരത്തിൽ ഏറ്റവും മികച്ചവരാകാൻ സഹായിക്കുകയും ചെയ്യുന്നു.

ബയേൺ മ്യൂണിക്കിനെ വില്ലാറയൽ അട്ടിമറിച്ചതിന് ശേഷം അടുത്ത ജോസ് മൗറീഞ്ഞോയാണ് ഉനായ് എമറി എന്നാണ് പലരും വിശേഷിപ്പിക്കുന്നത്. മൊറീന്യോയുടെ കീഴിൽ പോർട്ടോ നേടിയ നേട്ടങ്ങൾ ആവർത്തിക്കാൻ അദ്ദേഹത്തിന് കഴിയും എന്നാണ് പലരും വിശ്വസിക്കുന്നത്.2003-ൽ സെൽറ്റിക്കിനെ തോൽപ്പിച്ച് യുവേഫ കപ്പ് നേടിയ പോർട്ടോ 2004-ലെ ഫൈനലിൽ മൊണാക്കോയെ കീഴടക്കി ചാമ്പ്യൻസ് ലീഗും നേടി.വില്ലാറിയലിനും ഇത് ചെയ്യാൻ കഴിയുമെങ്കിൽ, എമെറി അടുത്ത മൗറീഞ്ഞോയായി മാറും.