പെലെയ്ക്ക് ശേഷം രണ്ട് ലോകകപ്പ് നേടുന്ന ഏറ്റവും പ്രായം കുറഞ്ഞ താരമായി മാറാൻ കൈലിയൻ എംബാപ്പെ |Qatar 2022

2022ലെ ഖത്തർ ലോകകപ്പിന്റെ ഫൈനലിൽ ദക്ഷിണ അമേരിക്കൻ വമ്പൻമാരായ അർജന്റീനയും യൂറോപ്യൻ കരുത്തരായ ഫ്രാൻസും ഏറ്റുമുട്ടും. സൂപ്പർ താരങ്ങളായ ലയണൽ മെസ്സിയും കിലിയൻ എംബപ്പേയും തമ്മിലുള്ള പോരാട്ടം കൂടിയാണിത്. ലയന മെസ്സി ആദ്യ ലോകകപ്പ് ലക്ഷ്യമിടുമ്പോൾ എംബപ്പേ തുടർച്ചയായ രണ്ടമത്തെ കിരീടമാണ് ലക്ഷ്യം വെക്കുന്നത്.

21-ാം വയസ്സിൽ പെലെ ഈ നേട്ടം കൈവരിച്ചതിന് ശേഷം രണ്ട് ലോകകപ്പുകൾ നേടുന്ന ഏറ്റവും പ്രായം കുറഞ്ഞ കളിക്കാരനാകാൻ കൈലിയൻ എംബാപ്പെയ്ക്ക് നാളെ സാധിക്കും.ഫൈനൽ കഴിഞ്ഞ് രണ്ട് ദിവസത്തിന് ശേഷം 24 വയസ്സ് തികയുന്ന എംബാപ്പെ ലോകകപ്പിൽ അഞ്ച് ഗോളുകൾ നേടിയ സംയുക്ത ടോപ് സ്കോററാണ് . ഒന്നര പതിറ്റാണ്ടായി ഫുട്ബോൾ ലോകം അടക്കി ഭരിച്ചിരുന്ന ലയണൽ മെസ്സിയുടെയും ക്രിസ്റ്റ്യാനോ റൊണാൾഡോയുടെയും അവസാന ലോകകപ്പ് കൂടിയായണിത്. ഇവരുടെ പിൻഗാമിയയാണ് എംബാപ്പയെ കാണുന്നത്.മെസ്സിക്ക് ലോകകപ്പ് കിരീടം നേടാനുള്ള ഒരു അവസാന അവസരമാണിത്. വേൾഡ് കപ്പ് ഫൈനൽ തന്റെ അവസാന മത്സരമായിരിക്കുമെന്ന് മെസി പ്രഖ്യാപിച്ചിരുന്നു.

ലോകകപ്പ് ആരംഭിക്കുമ്പോൾ പരിക്കുകളാൽ വലഞ്ഞ ഫ്രാൻസിന് 2002-ൽ ഹോൾഡർമാർക്ക് സംഭവിച്ച അതേ വിധി നേരിടേണ്ടി വരുമെന്നും ഗ്രൂപ്പ് ഘട്ടത്തിൽ തന്നെ പുറത്താകും എന്ന ആശങ്കയുണ്ടായിരുന്നു. എന്നാൽ ആശങ്കകൾ കാറ്റിൽ പറത്തിയ ഫ്രാൻസ് തുടർച്ചയായ രണ്ടാമത്തെ ഫൈനലിലേക്ക് യോഗ്യതെ നേടുകയും ചെയ്തു.1962-ൽ ബ്രസീലിന് ശേഷം ലോകകപ്പ് നിലനിർത്തുന്ന ആദ്യ ടീം ആവാനുള്ള ശ്രമത്തിലാണ് ഫ്രാൻസ്. സൂപ്പർ തരാം എംബാപ്പയുടെ മികച്ച ഫോം ഫ്രാൻസിന്റെ കുതിപ്പിൽ വലിയ പങ്ക് വഹിച്ചിട്ടുണ്ട്.

2018-ൽ റഷ്യയിൽ നടന്ന വേൾഡ് കപ്പിൽ അവസാന 16-ൽ അർജന്റീനയ്‌ക്കെതിരെ 19 കാരനായ എംബപ്പേ ഇരട്ട ഗോളുകൾ നേടിയിരുന്നു.അവിടെ അദ്ദേഹം മികച്ച യുവ കളിക്കാരനുള്ള അവാർഡ് നേടി.1958-ൽ 17-കാരനായ പെലെയ്ക്ക് ശേഷം ലോകകപ്പ് ഫൈനലിൽ ഗോൾ നേടുന്ന ഏറ്റവും പ്രായം കുറഞ്ഞ കളിക്കാരനായി 19-ാം വയസ്സിൽ അദ്ദേഹം മാറി, പോർച്ചുഗലിന്റെ റൊണാൾഡോയെക്കാളും ഡീഗോ മറഡോണയെക്കാളും കൂടുതൽ ലോകകപ്പ് ഗോളുകൾ എംബാപ്പെയ്ക്ക് ഇതിനകം തന്നെയുണ്ട്. 2018 എഡിഷനിൽ മൊത്തത്തിൽ അദ്ദേഹം നാല് ഗോളുകൾ നേടി.1958-ൽ സ്വീഡനിൽ നടന്ന ടൂർണമെന്റിൽ 13 തവണ അവിശ്വസനീയമായ ഗോൾ നേടിയ ജസ്റ്റ് ഫോണ്ടെയ്ൻ മാത്രമാണ് ഫ്രാൻസിനായി കൂടുതൽ ലോകകപ്പ് ഗോളുകൾ നേടിയത്. 9 ഗോളുമായി എംബപ്പേ തൊട്ടു പുറകിലുണ്ട്.

ക്ലബ്ബിനും രാജ്യത്തിനുമായി 362 മത്സരങ്ങളിൽ നിന്ന് എംബാപ്പെ 250 തവണ സ്കോർ ചെയ്തിട്ടുണ്ട്, ഇത് ഒരേ പ്രായത്തിലുള്ള മെസ്സിയുടെയും റൊണാൾഡോയുടെയും നേട്ടത്തെക്കാൾ വളരെ കൂടുതലാണ്.എന്നാൽ വ്യക്തിപരമായ അംഗീകാരങ്ങളല്ല ലെസ് ബ്ലൂസിനൊപ്പമുള്ള നേട്ടങ്ങൾക്കാണ് എംബപ്പേ പ്രാധാന്യം കൽപ്പിക്കുന്നത് .ലോകകപ്പ് നേടുക എന്നത് മാത്രമാണ് എന്റെ ലക്ഷ്യമെന്നും അദ്ദേഹം പറഞ്ഞു.“അതാണ് ഞാൻ സ്വപ്നം കാണുന്നത്. ഞാൻ ഇവിടെ വന്നത് ഗോൾഡൻ ബോൾ നേടാനല്ല.ഫ്രഞ്ച് ദേശീയ ടീമിനെ വിജയിപ്പിക്കാനും സഹായിക്കാനും ഞാൻ ഇവിടെയുണ്ട്” എംബപ്പേ പറഞ്ഞു.നാളെ ലുസൈൽ സ്റ്റേഡിയത്തിൽ എംബാപ്പെയുടെ ദിവസമാവാനുള്ള സാധ്യതകൾ കൂടുതലാണ്.മെസ്സിയും റൊണാൾഡോയും ഒഴിഞ്ഞ വേദിയിൽ ആരെന്ന ചോദ്യത്തിന് ഉത്തരവും ലഭിക്കും.

Rate this post