100 അന്താരാഷ്ട്ര ഗോളുകൾ നേടുന്ന ആദ്യത്തെ ദക്ഷിണ അമേരിക്കൻ താരമല്ല ലയണൽ മെസ്സി |Lionel Messi
കഴിഞ്ഞ നടന്ന സൗഹൃദ മത്സരത്തിൽ കുറസാവൊക്കെതിരെ ഹാട്രിക് നേടി അർജന്റീനിയൻ ഇതിഹാസമായ മെസ്സി അന്താരാഷ്ട്ര മത്സരങ്ങളിൽ 100 ഗോളുകൾ നേടുന്ന മൂന്നാമത്തെ പുരുഷ താരമായി. എന്നാൽ അന്തരാഷ്ട്ര ഫുട്ബോളിൽ 100 ഗോളുകൾ നേടുന്ന ആദ്യത്തെ ദക്ഷിണ അമേരിക്കൻ താരമല്ല ലയണൽ മെസ്സി . ബ്രസീലിയൻ വനിത താരം മാർത്തയാണ് ആദ്യമായി 100 അന്താരാഷ്ട്ര ഗോളുകൾ നേടിയ ലാറ്റിനമേരിക്കൻ.
2019 ലാണ് 100 ഗോളുകൾ എന്ന നേട്ടം മാർത്ത കൈവരിച്ചത്.100 അന്താരാഷ്ട്ര ഗോളുകൾ നേടുന്ന ആദ്യത്തെ ദക്ഷിണ അമേരിക്കൻ പുരുഷ കളിക്കാരനാണ് മെസ്സി.35 കാരനായ പിഎസ്‌ജി ഫോർവേഡ് അന്താരാഷ്ട്ര സൗഹൃദ മത്സരങ്ങളിൽ 48 ഗോളുകളും ലോകകപ്പ് യോഗ്യതാ മത്സരങ്ങളിൽ 28 ഗോളുകളും കോപ്പ അമേരിക്കയിൽ 13 ഗോളുകളും ലോകകപ്പ് മത്സരങ്ങളിൽ 13 ഗോളുകളും നേടി, ലോകകപ്പിൽ അർജന്റീനയ്ക്ക് വേണ്ടി ഏറ്റവും കൂടുതൽ ഗോളുകൾ നേടിയ താരമായി.
2005ൽ ക്രൊയേഷ്യയ്‌ക്കെതിരെ അർജന്റീനയ്‌ക്കായി തന്റെ ആദ്യ ഗോൾ നേടിയതോടെയാണ് 100 അന്താരാഷ്ട്ര ഗോളുകളിലേക്കുള്ള മെസ്സിയുടെ യാത്ര ആരംഭിച്ചത്.വർഷങ്ങളായി അദ്ദേഹം എക്കാലത്തെയും മികച്ച ഫുട്ബോൾ കളിക്കാരിൽ ഒരാളായി സ്വയം സ്ഥാപിച്ചു, നിരവധി വ്യക്തിഗത അവാർഡുകൾ നേടുകയും തന്റെ ക്ലബ്ബുകളെ നിരവധി ആഭ്യന്തര, യൂറോപ്യൻ കിരീടങ്ങളിലേക്ക് നയിക്കുകയും ചെയ്തു.
Marta and Messi are the only South Americans with at least 100 international goals 🐐 pic.twitter.com/9MmItHvmZD
— ESPN FC (@ESPNFC) March 29, 2023
2021 ലെ കോപ്പ അമേരിക്കയും 2022 ലെ ലോകകപ്പും അർജന്റീനക്ക് നേടികൊടുക്കുകയും ചെയ്തു.ഒരു ദശാബ്ദത്തിലേറെയായി വനിതാ ഫുട്ബോളിൽ നിരന്നു നിൽക്കുന്ന താരമാണ് മാർത്ത .ആറ് ഫിഫ വിമൻസ് വേൾഡ് പ്ലെയർ ഓഫ് ദി ഇയർ അവാർഡുകൾ നേടിയ ബ്രസീലിയൻ സ്‌ട്രൈക്കർ, അഞ്ച് വ്യത്യസ്ത ലോകകപ്പ് ടൂർണമെന്റുകളിൽ സ്‌കോർ ചെയ്തിട്ടുണ്ട്.വനിതാ ലോകകപ്പ്, ഒളിമ്പിക്‌സ്, കോപ്പ അമേരിക്ക എന്നിവയുൾപ്പെടെ 109 അന്താരാഷ്ട്ര ഗോളുകൾ ബ്രസീലിയൻ നേടിയിട്ടുണ്ട്.
