❝ലയണൽ മെസ്സിയാണ് ഓർക്കസ്ട്രയുടെ ബോസ് ,പന്ത് കൈവശമുള്ളപ്പോൾ സംഗീതം ആരംഭിക്കും❞ : ആഴ്‌സൻ വെംഗർ |Qatar |Lionel Messi

ഖത്തർ ലോകകപ്പ് ഫൈനലിൽ നിലവിലെ ചാമ്പ്യൻമാരായ ഫ്രാൻസിനെ നേരിടാൻ ഒരുങ്ങുകയാണ് അർജന്റീന. രണ്ടു ടീമുകളും മൂന്നാം ലോകകപ്പ് ലക്ഷ്യമിട്ടാണ് ലുസൈൽ സ്റ്റേഡിയത്തിൽ ഇറങ്ങുന്നത്. 36 വർഷത്തെ കിരീട വരൾച്ചയ്ക്ക് വിരാമമിടാനാണ് അര്ജന്റീന ലക്ഷ്യമിടുന്നതെങ്കിലും തുടർച്ചയായ രണ്ടാം കിരീടമാണ് ഫ്രാൻസിന്റെ ലക്ഷ്യം.

എന്നാൽ പാരീസ് സെന്റ് ജെർമെയ്ൻ സൂപ്പർതാരം മെസ്സിക്ക് ഇതുവരെ കൈവിട്ടുപോയ ഒരു പ്രധാന കിരീടം കൊണ്ട് തന്റെ മിന്നുന്ന കരിയർ അവസാനിപ്പിക്കാനാവുമോ എന്നതാണ് മത്സരത്തിന്റെ ശ്രദ്ധാകേന്ദ്രം. വേൾഡ് കപ്പിലെ മെസ്സിയുടെ മിന്നുന്ന പ്രകടനത്തെ പുകഴ്ത്തിയിരിക്കുകയാണ് ഫിഫയുടെ ഫുട്ബോൾ ഡെവലപ്‌മെന്റ് മേധാവി കൂടിയയായ പരിശീലകൻ ആർസെൻ വെംഗർ. “ഓർക്കസ്ട്രയുടെ ബോസ് മെസ്സിയാണ്, പന്ത് കൈവശമുള്ളപ്പോൾ സംഗീതം ആരംഭിക്കും,” മുൻ ആഴ്സണൽ ബോസ് AFP യോട് പറഞ്ഞു.“എന്നാൽ ബാക്കിയുള്ള ഓർക്കസ്ട്ര വളരെ കഠിനാധ്വാനം ചെയ്യാൻ തയ്യാറാണ് ,വെംഗർ പറഞ്ഞു .

“ഈ ടൂർണമെന്റിൽ എന്നെ അത്ഭുതപ്പെടുത്തുന്ന കാര്യം, ശരിയായ നിമിഷത്തിൽ വീണ്ടും മികച്ച ഫോമിലേക്ക് ഉയരാനുള്ള ആ ശാരീരിക ശേഷി അദ്ദേഹം വീണ്ടും കണ്ടെത്തി എന്നതാണ്.അദ്ദേഹം ഒരിക്കലും വളരെ വേഗത്തിൽ ആയിരുന്നില്ല, പക്ഷേ ദിശ മാറ്റുന്നതിലും വേഗത മാറ്റുന്നതിലും മെസ്സി ഒരു മാസ്റ്ററായിരുന്നു, ഈ ടൂർണമെന്റിൽ അദ്ദേഹം അത് വീണ്ടും കണ്ടെത്തി” വെങ്ങർ പറഞ്ഞു. പ്രതിരോധക്കാർ വളഞ്ഞപ്പോൾ മെസ്സി സിംഹത്തെ മെരുക്കുന്നതുപോലെയായിരുന്നു വെന്നും 73 കാരനായ വെംഗർ പറഞ്ഞു.

“ഞാൻ മെസിയെ മൂന്ന് കളിക്കാർക്കിടയിൽ കണ്ടു, അദ്ദേഹം സർക്കസിൽ സിംഹമുള്ള ഒരാളെപ്പോലെയാണ്,അദ്ദേഹം പന്തിനോട് പറയുന്നു,ഞാൻ പറയുന്നത് കേൾക്കൂ സുഹൃത്തേ, ഞാൻ ഇവിടെ ബോസ് ആണ്’ ” അദ്ദേഹം കൂട്ടിച്ചേർത്തു.”ഡ്രിബ്ലിംഗിൽ അദ്ദേഹത്തിന് എല്ലായ്പ്പോഴും അവിശ്വസനീയമായ ഗുണനിലവാരം ഉണ്ടായിരുന്നു.എപ്പോൾ പന്ത് കൈമാറണമെന്ന് അദ്ദേഹത്തിന് എപ്പോഴും അറിയാമായിരുന്നു, സാധാരണയായി കളിക്കാർ ഡ്രിബ്ലിംഗിൽ വളരെ കഴിവുള്ളവരാണെങ്കിൽ അവർ അൽപ്പം പെരുപ്പിച്ചു കാണിക്കും” വെങ്ങർ കൂട്ടിച്ചേർത്തു.

Rate this post