❝ലോകകപ്പിനുള്ള അർജന്റീന ടീമിൽ ലയണൽ മെസ്സിക്ക് മാത്രമാണ് സ്ഥാനം ഉറപ്പ്❞ : ഡി മരിയ |Qatar 2022

ക്ലബ്ബ് തലത്തിൽ തന്റെ ഭാവിയെ ചുറ്റിപ്പറ്റിയുള്ള അനിശ്ചിതത്വം കാരണം അർജന്റീനയുടെ ലോകകപ്പ് ടീമിൽ തനിക്ക് ഒരു സ്ഥാനം ഉറപ്പിക്കാൻ വേണ്ടത്ര കാര്യങ്ങൾ ചെയ്തിട്ടില്ലെന്ന ആശങ്കയിലാണ് സൂപ്പർ താരം എയ്ഞ്ചൽ ഡി മരിയ.

ഏഴു വർഷത്തിന് ശേഷം പാരീസ് സെന്റ് ജെർമെയ്ൻ വിട്ട 34 കാരന് നിലവിൽ ക്ലബ്ബില്ല.സീരി എ വമ്പൻമാരായ യുവന്റസ് മുൻ മാഞ്ചസ്റ്റർ യുണൈറ്റഡിനെയും റയൽ മാഡ്രിഡിനെയും താരത്തെ ഒരു വർഷത്തെ കരാറിൽ ഒപ്പിടാൻ അടുത്തതായി റിപ്പോർട്ടുകൾ ഉണ്ടായിരുന്നു.റൊസാരിയോ സെൻട്രലിന്റെ പുതുതായി നിയമിതനായ മാനേജർ കാർലോസ് ടെവസ് ഡി മരിയയെ അർജന്റീനയിലേക്ക് തിരികെ കൊണ്ടുവരുമെന്ന് പ്രത്യാശ പ്രകടിപ്പിച്ചു.

ഈ സീസണിൽ ചേരുന്ന ക്ലബ്ബിൽ മികച്ച പ്രകടനം നടത്തേണ്ടത് ലോകകപ്പ് ടീമിൽ അവസരം ലഭിക്കാൻ അനിവാര്യമാണെന്നാണ് ഡി മരിയ പറയുന്നത്.”ലയണൽ മെസ്സി മാത്രമാണ് ടീമിൽ ഉറപ്പുള്ള ഒരാൾ ” കഴിഞ്ഞ മൂന്ന് ലോകകപ്പ് ഫൈനലുകളിൽ കളിച്ച ഡി മരിയ ടിഎൻടി സ്പോർട്സിനോട് പറഞ്ഞു.”നാലു മാസങ്ങൾക്ക് അപ്പുറമുള്ള കാര്യം നമുക്ക് അറിയാൻ കഴിയില്ല. ഞാൻ ക്ലബ് മാറി, സാഹചര്യങ്ങളുമായി വീണ്ടും പൊരുത്തപ്പെട്ട്, കളിച്ച്, നല്ലൊരു അനുഭവം ഉണ്ടാക്കുന്നത് വലിയ വ്യത്യാസം സൃഷ്‌ടിക്കും” ഏഞ്ചൽ ഡി മരിയ പറഞ്ഞു.

മെസ്സി (162), ഹാവിയർ മഷറാനോ (147), ഹാവിയർ സനെറ്റി (145) എന്നിവർക്ക് ശേഷം എന്നിവർക്ക് ശേഷം 122 മത്സരങ്ങളുമായി അർജന്റീനിയക്ക് വേണ്ടി ഏറ്റവും കൂടുതൽ മത്സരം കളിച്ച താരമാണ് ഡി മരിയ.തന്റെ അവസാന സീസണിൽ പാർക് ഡെസ് പ്രിൻസസിൽ പിഎസ്ജിക്ക് വേണ്ടി 31 മത്സരങ്ങൾ കളിച്ച അദ്ദേഹം 13 ഗോളുകൾ നേടുകയും അഞ്ച് അസിസ്റ്റ് നൽകുകയും ചെയ്തു.ഡി മരിയയെ സൈൻ ചെയ്യാൻ ഏറ്റവും മുന്നിലുള്ളത് യുവന്റസ് തന്നെയാണ്. കൂടാതെ ബാഴ്സലോണയും 34 കാരന് വേണ്ടി ശ്രമം നടത്തിയിരുന്നു.