❝ വെനസ്വേലയ്‌ക്കെതിരെ നേടിയ ഗോളോടെ യോഗ്യത മത്സരങ്ങളിൽ പുതിയ റെക്കോർഡിനൊപ്പമെത്തി ലയണൽ മെസ്സി ❞ |Argentina | Lionel Messi

ഫിഫ ലോകകപ്പ് 2022 യോഗ്യതാ പോരാട്ടത്തിൽ വെനസ്വേലയ്‌ക്കെതിരെ നേടിയ ഗോളോടെ പുതിയൊരു റെക്കോർഡിന് ഒപ്പമെത്തിയിരിക്കുകയാണ് അർജന്റീന സൂപ്പർ താരം ലയണൽ മെസ്സി .കഴിഞ്ഞ വർഷം നവംബറിന് ശേഷം കോപ്പ അമേരിക്ക ചാമ്പ്യൻമാർക്കായുള്ള തന്റെ ആദ്യ മത്സരത്തിൽ അർജന്റീനയുടെ 3 -0 ത്തിന്റെ വിജയത്തിൽ മെസ്സി ഒരു ഗോൾ നേടി.

യോഗ്യത മത്സരങ്ങളിൽ മെസ്സിയുടെ ഏഴാമത്തെ ഗോളായിരുന്നു ഇത്. യോഗ്യത മത്സരങ്ങളിൽ ബൊളീവിയയുടെ മാർസെൽ മൊറേനോയും (10) ഉറ്റ സുഹൃത്ത് നെയ്‌മറും (8) മാത്രമാണ് അദ്ദേഹത്തേക്കാൾ കൂടുതൽ സ്‌കോർ ചെയ്തത്.FIFA ലോകകപ്പ് യോഗ്യതാ മത്സരങ്ങളിൽ മെസ്സിക്ക് ഇപ്പോൾ 28 ഗോളുകൾ ഉണ്ട്. ഇത് CONMEBOL ചരിത്രത്തിലെ ഏറ്റവും കൂടുതൽ ഗോളുകൾ നേടിയ മുൻ ബാഴ്സലോണ സഹതാരം ലൂയിസ് സുവാരസിനൊപ്പം മെസ്സിയെ എത്തിച്ചു.ബൊളീവിയൻ സ്‌ട്രൈക്കർ മാഴ്‌സെലോ മാർട്ടിൻസ് (22), ചിലി താരം അലക്‌സിസ് സാഞ്ചസ് (19), അർജന്റീന ഇതിഹാസം ഹെർണാൻ ക്രെസ്‌പോ (19) എന്നിവരാണ് ആദ്യ അഞ്ച് സ്ഥാനങ്ങളിൽ.

2006 ഫിഫ ലോകകപ്പിൽ മെസ്സി കളിച്ചിട്ടുണ്ടെങ്കിലും ക്വാളിഫയറിൽ ഗോൾ നേടാനായില്ല. ആ വർഷം മാർച്ചിൽ ക്രൊയേഷ്യയുമായുള്ള സൗഹൃദ തോൽവിയിൽ മാത്രമാണ് മെസ്സി അർജന്റീനക്കായി ആദ്യ ഗോൾ നേടിയത് .2007 ഒക്‌ടോബറിൽ വെനസ്വേലയ്‌ക്കെതിരെ 2-0ന് ജയിച്ച മത്സരത്തിലാണ് ഫിഫ യോഗ്യത പോരാട്ടത്തിൽ മെസ്സിയുടെ ആദ്യ സ്‌ട്രൈക്ക്.ആ കാമ്പെയ്‌നിൽ മെസ്സി നാലു ഗോളുകൾ നേടി.2014 ലോകകപ്പ് യോഗ്യതാ കാമ്പെയ്‌നിനിടെ ഒമ്പത് തവണ മെസ്സി സ്കോർ ചെയ്തു. 2018 ൽ ഏഴ് തവണയും ഗോൾ നേടി.

അർജന്റീനയ്ക്ക് ഇക്വഡോറിനും ബ്രസീലിനുമെതിരെ രണ്ട് കളികൾ കൂടി ശേഷിക്കുന്നതിനാൽ, മെസ്സിക്ക് കുറച്ച് കൂടി നേട്ടമുണ്ടാക്കാനും CONMEBOL FIFA വേൾഡ് കപ്പ് യോഗ്യതാ ഗോൾ സ്കോറിങ്ങിൽ സുവാരസിനെ മറികടക്കാനും സാധിക്കും.16 കളികളിൽ നിന്ന് 11 വിജയങ്ങളും അഞ്ച് സമനിലകളുമായി ലയണൽ സ്‌കലോനിയുടെ ടീം ഖത്തറിൽ തങ്ങളുടെ സ്ഥാനം ഇതിനകം ബുക്ക് ചെയ്തിട്ടുണ്ട്.CONMEBOL സോണിൽ ഇതുവരെ ബ്രസീലും അർജന്റീനയും ഒരു തോൽവി പോലും വഴങ്ങിയിട്ടില്ല.

അർജന്റീനയുടെ അടുത്ത രണ്ട് യോഗ്യതാ മത്സരങ്ങൾ ലയണൽ മെസ്സിയുടെ കരിയറിലെ ഫിഫ ലോകകപ്പ് യോഗ്യത പോരാട്ടത്തിലെ അവസാനത്തേതായിരിക്കും. “എനിക്ക് ഇനി വരാനിരിക്കുന്ന കാര്യങ്ങളെക്കുറിച്ച് മാത്രമേ ചിന്തിക്കാൻ കഴിയൂ, ഇക്വഡോറിനെ നേരിടുന്നതിനെക്കുറിച്ച് മാത്രമേ ഞാൻ ചിന്തിക്കൂ. ലോകകപ്പിന് ശേഷം എനിക്ക് പല കാര്യങ്ങളും പുനർവിചിന്തനം ചെയ്യേണ്ടിവരും” വെനസ്വേല വിജയത്തിന് ശേഷം മെസ്സി പറഞ്ഞു.

16482599142258

ഖത്തറിൽ വേൾഡ് കപ്പിൽ കളിക്കുമ്പോൾ മെസ്സിക്ക് 35 വയസ്സ് തികയും. അർജന്റീനിയൻ മണ്ണിൽ അദ്ദേഹത്തിന് തന്റെ അവസാന അന്താരാഷ്ട്ര മത്സരം കളിക്കാമായിരുന്നു എന്നത് ഒരു യുഗത്തിന്റെ അവസാനത്തെ അടയാളപ്പെടുത്തും. കഴിഞ്ഞ വർഷം കോപ്പ അമേരിക്ക കിരീടം നേടിയതോടെ അര്ജന്റീനക്കൊപ്പം ആദ്യ കിരീടം നേടി. ഒരു വേൾഡ് കപ്പൂട് കൂടി തന്റെ മഹത്തായ അന്താരാഷ്ട്ര കരിയറിന് തിരശ്ശീല വീഴ്ത്താനുള്ള ശ്രമത്തിലാണ് മെസ്സി.

ഗ്വാട്ടിമാലൻ ഫോർവേഡ് കാർലോസ് റൂയിസ് എല്ലാ ലോകകപ്പ് യോഗ്യതാ വിഭാഗങ്ങളിലും മറ്റേതൊരു കളിക്കാരനെക്കാളും കൂടുതൽ ഗോളുകൾ നേടിയിട്ടുണ്ട്. 39 ഗോളുകൾ താരം നേടിയിട്ടുണ്ട്.ക്രിസ്റ്റ്യാനോ റൊണാൾഡോയുടെ 36 ഗോളുകൾ ആണ് മറികടന്നത്.യഥാക്രമം 34, 28 ഗോളുകളുമായി ഇറാൻ ജോഡികളായ അലി ദേയ്, കരീം ബാഗേരി എന്നിവരും ആദ്യ അഞ്ചിൽ ഇടം പിടിച്ചിട്ടുണ്ട്.പോളണ്ട് മാർക്ക്സ്മാൻ റോബർട്ട് ലെവൻഡോവ്സ്കി 29 ഗോളുകളുണ്ട്.