‘ലയണൽ മെസ്സിയുടെ ഹിസ്റ്റോറിക്ക് ഫൈവ്’ : ഒളിമ്പിക്സ്, ചാമ്പ്യൻസ് ലീഗ്, കോപ്പ അമേരിക്ക, ലോകകപ്പ്, ബാലൺ ഡി ഓർ |Lionel Messi

‘ദൈവികവും കാവ്യാത്മകവും ഫുട്ബോൾ നീതിയും’. ഖത്തർ വേൾഡ് കപ്പ് നേട്ടത്തോടെ ലയണൽ മെസ്സി തന്റെ താരതമ്യപ്പെടുത്താനാവാത്ത പ്രൊഫഷണൽ കരിയറിന് ഫിനിഷിംഗ് ടച്ച് നൽകിയിരിക്കുകയാണ്. അവസാന ലോകകപ്പ് വിജയത്തിന് മുപ്പത്തിയാറു വർഷങ്ങൾക്ക് ശേഷം ആൽബിസെലെസ്‌റ്റ് അവരുടെ മൂന്നാമത്തെ ലോകകപ്പ് നേടിയിരിക്കുകയാണ്.

കെംപെസിനും മറഡോണയ്ക്കും ശേഷം ലിയോയുടെ ഊഴമായിരുന്നു. ലയണൽ മെസ്സിയുടെ ട്രോഫി ക്യാബിനറ്റിൽ നിന്ന് കാണാതായ ഒരേയൊരു ട്രോഫിയായിരുന്നു വേൾഡ് കപ്പ്. വേൾഡ് കപ്പ് ഇല്ല എന്ന കാരണത്താൽ ചിലർ അദ്ദേഹത്തെ എക്കാലത്തെയും മികച്ച ഫുട്ബോൾ കളിക്കാരനായി അംഗീകരിക്കാൻ വിസമ്മതിച്ചത്.ഇപ്പോൾ ചില സംശയങ്ങൾ മാറി. അദ്ദേഹത്തിന്റെ വിമർശകർക്ക് വാദങ്ങളൊന്നുമില്ല .ഫുട്ബോളിലെ എക്കാലത്തെയും മികച്ചവൻ എന്ന പേര് ലയണൽ മെസ്സി എന്ന 35 കാരന് ചാർത്തികിട്ടിയിരിക്കുകയാണ.

ലയണൽ മെസ്സിക്ക് ലോകകപ്പ് കിരീടത്തോടെ തന്റെ മഹത്തായ കരിയറിൽ 42 ട്രോഫികൾ ഉണ്ട്.10 ലീഗുകൾ, ഏഴ് കപ്പുകൾ, എട്ട് സ്പാനിഷ് സൂപ്പർ കപ്പുകൾ, നാല് ചാമ്പ്യൻസ് ലീഗുകൾ, മൂന്ന് യൂറോപ്യൻ സൂപ്പർ കപ്പുകൾ, ബാർസയ്‌ക്കൊപ്പം മൂന്ന് ക്ലബ് ലോകകപ്പുകൾ; പിഎസ്‌ജിക്കൊപ്പം ഒരു ലീഗും സൂപ്പർ കപ്പും ഒളിമ്പിക് ഗെയിംസും, അണ്ടർ-20 ലോകകപ്പ്, കോപ്പ അമേരിക്ക, ചാമ്പ്യൻസ് കപ്പ്, അർജന്റീനയ്‌ക്കൊപ്പം ലോകകപ്പ്. ഏഴ് ബാലൺസ് ഡി ഓർ, ആറ് ഗോൾഡൻ ബൂട്ടുകൾ എന്നിവയുണ്ട്. ഒളിമ്പിക് ഗെയിംസ്, ചാമ്പ്യൻസ് ലീഗ്, കോപ്പ അമേരിക്ക, ലോകകപ്പ്, ബാലൺ ഡി ഓർ എന്നിവ നേടിയ ചരിത്രത്തിലെ ഒരേയൊരു കളിക്കാരൻ കൂടിയാണ്.

കൂടാതെ, ലോകകപ്പ് റെക്കോർഡ് ബുക്കിൽ സുവർണ ലിപികളിൽ തന്റെ പേര് എഴുതി ചേർക്കുകയും ചെയ്തു.മെക്സിക്കൻ താരങ്ങളായ കാർബജൽ, മാർക്വേസ്, ഒച്ചോവ, ഗാർഡാഡോ, ജർമ്മനിയുടെ മത്തൂസ്, ഇറ്റലിയുടെ ബഫൺ, പോർച്ചുഗലിന്റെ ക്രിസ്റ്റ്യാനോ റൊണാൾഡോ എന്നിവരോടൊപ്പം ഏറ്റവും കൂടുതൽ ടൂർണമെന്റുകൾ കളിച്ച ഫുട്ബോൾ കളിക്കാരൻ (5), ആയി മാറുകയും ചെയ്തു. ലോകകപ്പിൽ ഏറ്റവുമധികം മത്സരങ്ങൾ കളിച്ച കളിക്കാരൻ (26), ഏറ്റവും കൂടുതൽ മിനിറ്റ് (2,314), അർജന്റീനയുടെ ടോപ് സ്കോറർ (13), ഏറ്റവും കൂടുതൽ അസിസ്റ്റുകൾ (8, മറഡോണയ്ക്ക് തുല്യം).ഒരു ലോകകപ്പിന്റെ എല്ലാ ഘട്ടങ്ങളിലും സ്‌കോർ ചെയ്ത ഏക കളിക്കാരനും ഏറ്റവും കൂടുതൽ എംവിപികളും (11) നേടിയ താരവുമായിമെസ്സി.