“തമാശ നിർത്തൂ…”: മാഞ്ചസ്റ്റർ സിറ്റിക്കെതിരായ റയൽ മാഡ്രിഡിന്റെ നാടകീയമായ തിരിച്ചുവരവിന് ശേഷം ലയണൽ മെസ്സിയുടെ പ്രതികരണം സെർജിയോ അഗ്യൂറോ വെളിപ്പെടുത്തുന്നു

ഇന്നലെ നടന്ന സെമി ഫൈനൽ ടൈയുടെ രണ്ടാം പാദത്തിൽ അധിക സമയത്തിന് ശേഷം മാഞ്ചസ്റ്റർ സിറ്റിയെ (അഗ്രഗേറ്റിൽ 6-5) തോൽപ്പിച്ച് റയൽ മാഡ്രിഡ് എസ്റ്റാഡിയോ സാന്റിയാഗോ ബെർണബ്യൂവിൽ മറ്റൊരു ചാമ്പ്യൻസ് ലീഗ് തിരിച്ചുവരവ് നടത്തി.89-ാം മിനിറ്റ് വരെ 0-1 (അഗ്രഗേറ്റിൽ 5-3) പിന്നിലായി, 13 തവണ യു‌സി‌എൽ ജേതാക്കൾ സ്റ്റോപ്പേജ്-ടൈമിൽ റോഡ്രിഗോ ഗോസിലൂടെ രണ്ട് ഗോളുകൾ നേടി ഗെയിമിനെ അധിക സമയത്തേക്ക് നീട്ടി.റൂബൻ ഡയസ് ബോക്‌സിനുള്ളിൽ വീഴ്ത്തിയതിന് ശേഷം കരീം ബെൻസെമ പെനാൽറ്റിയിൽ നിന്നും സ്കോർ ചെയ്ത് ഫൈനലിൽ സ്ഥാനം ഉറപ്പിക്കുകയും ചെയ്തു.

പാരീസ് സെന്റ് ജെർമെയ്‌ൻ താരം ലയണൽ മെസ്സിയും ഉൾപ്പെടെ മുൻ കാല ഇതിഹാസ താരങ്ങൾ വരെ റയൽ മാഡ്രിഡിന്റെ തിരിച്ചു വരവിൽ അമ്പരന്നുപോയി.മെസ്സിയുടെ മുൻ അർജന്റീന ടീമംഗവും മുൻ മാഞ്ചസ്റ്റർ സിറ്റി സ്‌ട്രൈക്കറുമായ സെർജിയോ അഗ്യൂറോയാണ് ട്വിച്ചിലെ ലൈവ് സ്ട്രീമിംഗ് സെഷനിൽ മെസ്സിയുടെ പ്രതികരണം വെളിപ്പെടുത്തിയത്.ബെൻസെമ മാഡ്രിഡിന്റെ മൂന്നാം ഗോൾ സ്‌പോട്ടിൽ നിന്ന് നേടിയതിന് ശേഷം, മെസ്സി തനിക്ക് മെസ്സേജ് അയച്ചതായി അഗ്യൂറോ വെളിപ്പെടുത്തി: “തമാശ പറയരുത്, സത്യമാകില്ല” എന്നായിരുന്നു സന്ദേശത്തിൽ.

16-ാം റൗണ്ടിലും ക്വാർട്ടർ ഫൈനലിലും യഥാക്രമം പിഎസ്ജിയെയും ഹോൾഡർമാരായ ചെൽസിയെയും മാഡ്രിഡ് ഇതിനകം പരാജയപ്പെടുത്തിയിരുന്നു.മെസ്സിയും അഗ്യൂറോയുടെ മുൻ അർജന്റീന സഹതാരം കാർലോസ് ടെവസും റയലിന്റെ പ്രകടനം കണ്ട് തലയിൽ കൈവെച്ചിരുന്നു പോയി .”ഇത് ഭ്രാന്താണ്, നിങ്ങൾക്ക് മറ്റൊരു ഗെയിം ജയിക്കാൻ കഴിയില്ല,” ലൈവ് സ്ട്രീമിനിടെ ടെവസ് അഗ്യൂറോയോട് പറഞ്ഞു.

14-ാം ചാമ്പ്യൻസ് ലീഗ് കിരീടം നേടി റെക്കോർഡ് വർധിപ്പിക്കാനാണ് റയൽ മാഡ്രിഡ് ഇനി ലക്ഷ്യമിടുന്നത്.പാരീസിലെ സ്റ്റേഡ് ഡി ഫ്രാൻസിൽ നടക്കുന്ന ഫൈനലിൽ ആറ് തവണ ചാമ്പ്യൻമാരായ ലിവർപൂളിനെ അവർ നേരിടും.2017/18 ഫൈനലിൽ മാഡ്രിഡും ലിവർപൂളും ഏറ്റുമുട്ടിയപ്പോൾ റയൽ 3-1 ന് ജയിച്ചു.