‘വിജയിച്ചു നിൽക്കുന്ന ടീമുകൾക്കെതിരെ ആരോപണങ്ങൾ സാധാരണമാണ് ,ആരുംതന്നെ അർജന്റീനക്ക് അനുകൂലമായി നിലകൊള്ളുന്നു എന്ന് ഞാൻ വിശ്വസിക്കുന്നില്ല’ : ലയണൽ സ്കെലോണി | Lionel Scaloni | Argentina

അർജൻ്റീന ദേശീയ ടീം കോച്ച് ലയണൽ സ്‌കലോനി ഇക്വഡോറിനെതിരായ ടീമിൻ്റെ കോപ്പ അമേരിക്ക ക്വാർട്ടർ ഫൈനലിനെക്കുറിച്ചും റഫറിമാരെക്കുറിച്ചും സംസാരിച്ചു. കോപ്പ അമേരിക്കയിൽ റഫറിമാർ അർജന്റീനക്ക് പിന്തുണ നൽകുന്നുണ്ടെന്ന ആരോപണങ്ങൾ അദ്ദേഹം നിഷേധിക്കുകയും ചെയ്തു.

“ഇക്വഡോർ സമീപകാലത്ത് വളരെയധികം വളർന്ന ടീമാണെന്ന് ഞങ്ങൾക്കറിയാം. അവർക്ക് മികച്ച കളിക്കാരുണ്ട്, ഇത് വളരെ സങ്കീർണ്ണമായ ഗെയിമായിരിക്കും.ഞാൻ സ്ഥിതിവിവരക്കണക്കുകളിൽ വിശ്വസിക്കുന്നില്ല. ഇക്വഡോർ വളരെ നന്നായി പ്രവർത്തിക്കുന്ന ടീമാണ്, അതിൽ മികച്ച കളിക്കാരും നല്ല പരിശീലകനുമുണ്ട്” ലയണൽ സ്കെലോനി പറഞ്ഞു.

പെറുവിനെതിരെ അർജൻ്റീനയുടെ 2-0 വിജയത്തിന് അദ്ദേഹത്തെ സസ്പെൻഡ് ചെയ്തതിനെക്കുറിച്ചും സ്കലോനി സംസാരിച്ചു.”പരിശീലകനായിരിക്കുമ്പോൾ നിങ്ങളുടെ കളിക്കാരുമായി അടുത്തിടപഴകാൻ നിങ്ങൾ ആഗ്രഹിക്കുന്നു. കഴിഞ്ഞ കളിയിൽ സംഭവിച്ചത് വിചിത്രമായ ഒരു സാഹചര്യമാണ്, ഇനി അങ്ങനെ സംഭവിക്കില്ലെന്ന് ഞങ്ങൾ പ്രതീക്ഷിക്കുന്നു. നിർഭാഗ്യവശാൽ നിരവധി പരിശീലകർക്ക് ഇത് സംഭവിച്ചു.എതിരാളിയെ വേദനിപ്പിക്കാൻ ഞങ്ങൾ ഒരു വഴി നോക്കും, അത് എല്ലായ്പ്പോഴും ഞങ്ങളുടെ വഴിയാണ്” സ്കെലോണി പറഞ്ഞു.

“ഇന്ന് സോഷ്യൽ മീഡിയയിൽ ആർക്കുവേണമെങ്കിലും എന്തുവേണമെങ്കിലും എഴുതി പിടിപ്പിക്കാം. കഴിഞ്ഞ ഖത്തർ വേൾഡ് കപ്പിന്റെ സമയത്തും ഇത്തരത്തിലുള്ള ആരോപണങ്ങൾ ഉയർന്നിരുന്നു. നിങ്ങൾ വിജയിച്ചു കഴിഞ്ഞാൽ, റഫറിമാർ നിങ്ങളുടെ ഭാഗത്തായിരുന്നുവെന്ന് ആളുകൾ ആരോപിക്കും.കാരണം അവർക്ക് പരാതി പറയാൻ വേറെ മാർഗ്ഗങ്ങൾ ഒന്നുമില്ല. അർജന്റീന ടീമിന്റെ പരിശീലകനാണ് ഞാൻ,ഇത്തരം ആരോപണങ്ങളിൽ ഞാൻ വിശ്വസിക്കുന്നില്ല”.

“ഞങ്ങൾ ഞങ്ങളുടെ ജോലിയിൽ മാത്രമാണ് ശ്രദ്ധ പതിപ്പിച്ചിരിക്കുന്നത്. പറയുന്നവർ എന്തുവേണമെങ്കിലും പറയട്ടെ.റഫറിമാർക്ക് തെറ്റുപറ്റാം.അത് സ്വാഭാവികമാണ്. കാരണം അവരും മനുഷ്യരാണ്.ആരുംതന്നെ അർജന്റീനക്ക് അനുകൂലമായി നിലകൊള്ളുന്നു എന്ന് ഞാൻ വിശ്വസിക്കുന്നില്ല. മാനുഷികമായ തെറ്റുകൾ ഇപ്പോഴും നിലനിൽക്കുന്നുണ്ട്. ഞാൻ ഈ ആരോപണങ്ങളെ പൂർണ്ണമായും നിഷേധിക്കുന്നു”കോപ്പ അമേരിക്കയിലെ റഫറിമാരെ ക്കുറിച്ച് സ്കെലോണി പറഞ്ഞു.