❝ട്രാൻസ്ഫർ റെക്കോർഡുകൾ തകർത്ത്കൊണ്ട് സാദിയോ മാനെയുടെ പകരക്കാരനെ സ്വന്തമാക്കാൻ ലിവർപൂൾ❞

മെർസിസൈഡിലെ ആറ് വൻ വിജയകരമായ സീസണുകൾക്ക് ശേഷം ബയേൺ മ്യൂണിക്കിലേക്ക് ചേരുമെന്ന് തോന്നുന്ന സാഡിയോ മാനെയുടെ വിടവാങ്ങലിന് ലിവർപൂൾ തയ്യാറെടുക്കുകയാണ്. മാനേയുടെ നീക്കം മുന്നിൽ കണ്ട് ജനുവരിയിൽ കൊളംബിയക്കാരനായ ലൂയിസ് ഡയസിനെ ലിവർപൂൾ സ്വന്തമാക്കിയിരുന്നു.

എന്നാലും പ്രീമിയർ ലീഗ് റണ്ണേഴ്‌സ് അപ്പ് തങ്ങളുടെ മുന്നേറ്റ നിരയെ കൂടുതൽ ശക്തിപ്പെടുത്താൻ ഒരുങ്ങുകയാണ്. ഇപ്പോൾ പുറത്ത് വരുന്ന റിപോർട്ടുകൾ പ്രകാരം ബെൻഫിക്കയിൽ നിന്നും ഉറുഗ്വേൻ സ്‌ട്രൈക്കർ ഡാർവിൻ നൂനെസിനെ സ്വന്തമാക്കാനുള്ള ഒരുക്കത്തിലാണ് ലിവർപൂൾ.മാഞ്ചസ്റ്റർ യുണൈറ്റഡ് ഡാർവിൻ നൂനെസിനായുള്ള നീക്കവുമായി ശക്തമായി ബന്ധപ്പെട്ടിരിക്കുന്നു, കഴിഞ്ഞ ആഴ്ച പോർച്ചുഗലിൽ നിന്നുമുള്ള സ്ഥിരീകരിക്കാത്ത റിപ്പോർട്ടുകൾ പ്രകാരം റെഡ് ഡെവിൾസ് £ 89 മില്യൺ ബിഡ് താരത്തിനായി വെച്ചിരുന്നു.

തങ്ങളുടെ നോർത്ത് വെസ്റ്റ് എതിരാളികളെ മറികടന്നു യുവ സ്‌ട്രൈക്കറെ സ്വന്തമാക്കാൻ ലിവർപൂൾ ഒരുങ്ങുകയാണ്.ചാമ്പ്യൻസ് ലീഗ് ക്വാർട്ടർ ഫൈനലിൽ ലിവർപൂളിനെതിരെ രണ്ട് ഗോളുകൾ ഉൾപ്പെടെ 41 ഔട്ടിംഗുകളിൽ നിന്ന് 34 ഗോളുകളും 4 അസിസ്റ്റുകൾ നൽകുകയും ചെയ്തു.

ഡെയിലി മെയിൽ റിപ്പോർട്ട് അനുസരിച്ച ലിവർപൂൾ 22-കാരനെ ലാൻഡ് ചെയ്യാൻ ‘നിശ്ചയിച്ചിരിക്കുന്നു’, അവനെ സ്വന്തമാക്കാൻ ‘അവരുടെ ട്രാൻസ്ഫർ റെക്കോർഡ് തകർക്കാൻ തയ്യാറാണ്’,85 മില്യൺ (99.6 മില്യൺ യൂറോ) നൽകാൻ അവർ തയ്യാറാണ്.വിർജിൽ വാൻ ഡിജിക്കിനെ സ്വന്തമാക്കാൻ ലിവർപൂൾ നൽകിയ 75 മില്യൺ പൗണ്ടിനേക്കാൾ 10 മില്യൺ അധികം നല്കാൻ തയ്യാറാണ് .ലിവർപൂളിന്റെ പുതിയ സ്‌പോർടിംഗ് ഡയറക്ടർ ജൂലിയൻ വാർഡ് ന്യൂനെസിന്റെ പ്രതിനിധികളുമായി ബന്ധപ്പെട്ടിരുന്നുവെന്നും താരം ‘മെർസിസൈഡിലേക്ക് മാറാൻ’ ആഗ്രഹിക്കുന്നുവെന്നും റിപ്പോർട്ട് കൂട്ടിച്ചേർക്കുന്നു.

“Really good, really good, തീർച്ചയായും എനിക്ക് നേരത്തെ അറിയാമായിരുന്നു, പക്ഷേ ഇബ്രാഹിമ കൊണേറ്റുമായുള്ള കഠിനമായ പോരാട്ടങ്ങളിൽ അദ്ദേഹം മികച്ച പ്രകടനം നടത്തി” ഏപ്രിലിൽ ബെൻഫിക്കയ്‌ക്കെതിരായ ലിവർപൂളിന്റെ ചാമ്പ്യൻസ് ലീഗ് വിജയത്തെ തുടർന്ന് സംസാരിച്ച യുർഗൻ ക്ലോപ്പ് ന്യൂനെസിനെക്കുറിച്ച് പറഞ്ഞു.