ഗോളുമായി തകർപ്പൻ തിരിച്ചുവരവ് നടത്തി റൊണാൾഡോ ,മാഞ്ചസ്റ്റർ യുണൈറ്റഡിന് ജയം : ആഴ്സണലിന്‌ തോൽവി |Cristiano Ronaldo

എഫ്‌സി ഷെരീഫിനെ തോൽപ്പിച്ച് മാഞ്ചസ്റ്റർ യുണൈറ്റഡ് യൂറോപ്പ ലീഗ് നോക്കൗട്ട് ഘട്ടത്തിൽ തങ്ങളുടെ സ്ഥാനം ഉറപ്പിച്ചു. ഓൾഡ് ട്രാഫോർഡിൽ നടന്ന മത്സരത്തിൽ എതിരില്ലാത്ത മൂന്നു ഗോളിന്റെ വിജയമാണ് മാഞ്ചസ്റ്റർ യുണൈറ്റഡ് നേടിയത്.

മത്സരത്തിൽ മാഞ്ചസ്റ്റർ യുണൈറ്റഡിനായിരുന്നു ആധിപത്യം.യുണൈറ്റഡ് 10 ഷോട്ടുകൾ ഉൾപ്പെടെ ആകെ 24 ഷോട്ടുകൾ എടുത്തപ്പോൾ, എഫ്‌സി ഷെരീഫിന് മത്സരത്തിൽ ഒരു ഷോട്ട് പോലും നിയന്ത്രിക്കാനായില്ല, ഇത് ഗെയിമിൽ മാഞ്ചസ്റ്റർ യുണൈറ്റഡിന്റെ ആധിപത്യം പ്രകടമാക്കി.ആദ്യ പകുതിയിൽ ഡിയോഗോ ഡലോട്ടും രണ്ടാം പപകുതിയിൽ മാർക്കസ് റാഷ്ഫോർഡും റൊണാൾഡോയും യൂണൈറ്റഡിനായി ഗോളുകൾ നേടി.മത്സരത്തിന്റെ 44-ാം മിനിറ്റിൽ ഡിയോഗോ ദലോട്ട് മാഞ്ചസ്റ്റർ യുണൈറ്റഡിന് ആദ്യ ലീഡ് നൽകി.

എറിക്സന്റെ കോർണർ ഹെഡറിലൂടെ ഡാലോട്ട് ഗോളാക്കി മാറ്റി. മത്സരത്തിന്റെ 65-ാം മിനിറ്റിൽ ലൂക്ക് ഷായുടെ ക്രോസിൽ നിന്ന് ഒരു ഹെഡ്ഡറിലൂടെ മാർക്കസ് റാഷ്ഫോർഡ് മാഞ്ചസ്റ്റർ യുണൈറ്റഡിന്റെ ലീഡ് ഇരട്ടിയാക്കി.കളിയുടെ 81-ാം മിനിറ്റിൽ ക്രിസ്റ്റ്യാനോ റൊണാൾഡോ മാഞ്ചസ്റ്റർ യുണൈറ്റഡിനായി സ്കോർ ബോർഡ് പൂർത്തിയാക്കി. ഫെർണാണ്ടസിന്റെ ക്രോസിൽ റൊണാൾഡോയുടെ ഹെഡ്ഡർ ഗോൾകീപ്പർ രക്ഷപെടുത്തിയെങ്കിലും റീബൗണ്ട് വന്നപ്പോൾ 37 കാരൻ പന്ത് വലയിലാക്കി.

ജയത്തോടെ 5 കളികളിൽ നിന്ന് 4 ജയവും 1 തോൽവിയും ഉൾപ്പെടെ 12 പോയിന്റുമായി മാഞ്ചസ്റ്റർ യുണൈറ്റഡ് ഗ്രൂപ്പ് ഇയിൽ രണ്ടാം സ്ഥാനത്ത് തുടരുന്നു. ടൂർണമെന്റിൽ അപരാജിത കുതിപ്പ് തുടരുന്ന റയൽ സോസിഡാഡാണ് ഗ്രൂപ്പിൽ ഒന്നാമത്. മാഞ്ചസ്റ്റർ യുണൈറ്റഡും റയൽ സോസിഡാഡും തമ്മിലുള്ള അവസാന മത്സരം ഗ്രൂപ്പ് ടോപ്പറെ തീരുമാനിക്കും.

യൂറോപ്പ ലീഗ് 2022-23 കാമ്പെയ്‌നിലെ ആദ്യ തോൽവി നേരിട്ട് ആഴ്‌സണൽ . ഹോളണ്ടിലെ ഫിലിപ്‌സ് സ്റ്റേഡിയത്തിൽ നടന്ന പിഎസ്‌വി ഐന്തോവൻ 2-0 ത്തിനാണ് ഇംഗ്ലീഷ് ക്ലബ്ബിനെ പരാജയപ്പെടുത്തിയത്. സീസണിലെ രണ്ടാം തോൽവി മാത്രമാണ് ആഴ്സണലിന് നേരിടേണ്ടി വന്നത്. യൂറോപ്പ ലീഗ് നോക്കൗട്ട് ഘട്ടങ്ങളിൽ ആഴ്സണൽ നേരത്തെ തന്നെ തങ്ങളുടെ സ്ഥാനം ഉറപ്പിച്ചിരുന്നുവെങ്കിലും ടൂർണമെന്റിൽ ആഴ്സണലിന്റെ അപരാജിത കുതിപ്പ് പിഎസ്‌വി അവസാനിപ്പിച്ചു.മത്സരത്തിന്റെ ആദ്യ പകുതി ഗോൾരഹിത സമനിലയിൽ അവസാനിച്ചെങ്കിലും രണ്ടാം പകുതിയിൽ 55-ാം മിനിറ്റിൽ ജോയി വീർമാൻ പിഎസ്‌വിക്ക് ആദ്യ ലീഡ് നൽകി.

കളിയുടെ 63-ാം മിനിറ്റിൽ ലുക്ക് ഡി ജോങ് പിഎസ്വിയുടെ ലീഡ് ഇരട്ടിയാക്കി. മത്സരത്തിൽ ആഴ്സണൽ നിരവധി ഗോളവസരങ്ങൾ സൃഷ്ടിച്ചെങ്കിലും അത് ലക്ഷ്യത്തിലെത്തിക്കാനായില്ല. ഇതോടെ ഫൈനൽ വിസിൽ മുഴങ്ങിയപ്പോൾ പിഎസ്‌വി 2-0ന് ജയിച്ചു.നേരത്തെ എമിറേറ്റ്‌സ് സ്റ്റേഡിയത്തിൽ ഇരുടീമുകളും ഏറ്റുമുട്ടിയപ്പോൾ ആഴ്‌സണൽ 1-0ന് ജയിച്ചിരുന്നു. മാത്രമല്ല, തങ്ങളുടെ അവസാന 8 മത്സരങ്ങളിൽ പിഎസ്‌വിക്കെതിരെ ഇത് രണ്ടാം തവണയാണ് ആഴ്സണൽ തോൽക്കുന്നത്. കൂടാതെ, 2007ന് ശേഷം ഇതാദ്യമായാണ് ആഴ്സണൽ പിഎസ്വിയോട് തോൽക്കുന്നത്.

PSVക്കെതിരായ മത്സരത്തിന് മുമ്പ് ആഴ്സണൽ അവരുടെ അവസാന 16 യൂറോപ്യൻ എവേ മത്സരങ്ങളിലും ഗോളുകൾ നേടിയിട്ടുണ്ട്. പിഎസ്വിക്കെതിരെ ഗോൾ നേടാനാകാതെ വന്നതോടെ ഈ റൺ അവസാനിച്ചു. സീസണിലെ തങ്ങളുടെ ആദ്യ യൂറോപ്പ ലീഗ് മത്സരത്തിൽ തോറ്റെങ്കിലും 5 കളികളിൽ നിന്ന് 4 ജയവും 1 തോൽവിയും ഉൾപ്പെടെ 12 പോയിന്റുമായി ആഴ്സണൽ ഗ്രൂപ്പ് എയിൽ ഒന്നാം സ്ഥാനത്ത് തുടരുന്നു. അതേസമയം, 5 കളികളിൽ 3 ജയവും 1 സമനിലയും 1 തോൽവിയുമായി 10 പോയിന്റുമായി പിഎസ്‌വി ഗ്രൂപ്പിൽ രണ്ടാമതാണ്.

Rate this post