❝2006 മുതലുള്ള ലയണൽ മെസ്സിയുടെ ലോകകപ്പ് യാത്ര❞ : അർജന്റീന സൂപ്പർ താരത്തിന്റെ വേൾഡ് കപ്പിലെ പ്രകടനം |Lionel Messi |Argentina |Qatar 2022

അർജന്റീനിയൻ സൂപ്പർ താരം ലയണൽ മെസ്സി ഈ വർഷം ഖത്തറിൽ തന്റെ അഞ്ചാം ലോകകപ്പ് കളിക്കും. 2021 ജൂലൈയിൽ ഫൈനലിൽ ബ്രസീലിനെതിരായ വിജയത്തോടെ അർജന്റീനയെ കോപ്പ അമേരിക്ക കിരീടത്തിലേക്ക് നയിച്ചപ്പോൾ ലയണൽ മെസ്സി ആദ്യമായി ദേശീയ ടീമിനൊപ്പം അന്താരാഷ്ട്ര ട്രോഫി നേടിയിരുന്നു.

തന്റെ മുൻ ക്ലബായ ബാഴ്‌സലോണയ്‌ക്കൊപ്പം ക്ലബ്ബ് ഫുട്‌ബോളിൽ നിലനിൽക്കുന്ന എല്ലാ ട്രോഫികളും അദ്ദേഹം നേടിയിട്ടുണ്ട്, എന്നിരുന്നാലും, ഏറ്റവും വലിയ സമ്മാനമായ ലോകകപ്പ് നേടാനുള്ള അദ്ദേഹത്തിന്റെ അന്വേഷണം തുടരുകയാണ് . 2006 മുതൽ എല്ലാ ലോകകപ്പിലും മെസ്സി പങ്കെടുത്തിട്ടുണ്ട്.

2006 ജൂൺ 16-ന് അർജന്റീനയുടെ രണ്ടാം ഗ്രൂപ്പ് ഘട്ട മത്സരത്തിൽ സെർബിയയ്ക്കും മോണ്ടിനെഗ്രോയ്ക്കും എതിരെയാണ് ലയണൽ മെസ്സിയുടെ ലോകകപ്പ് അരങ്ങേറ്റം. പകരക്കാരനായി ഇറങ്ങിയതിന് ശേഷം ലോകകപ്പ് അരങ്ങേറ്റത്തിൽ തന്നെ മെസ്സി സ്കോർ ചെയ്യുകയും ചെയ്തു.മത്സരത്തിൽ അര്ജന്റീന 6 -0 ത്തിന് വിജയിക്കുകയും ചെയ്തു.നെതർലൻഡ്സിനെതിരായ അടുത്ത മത്സരത്തിൽ മെസ്സി ആദ്യ ടീമിൽ ഇടം നേടി.കളി ഗോൾ രഹിത സമനിലയിൽ അവസാനിച്ചു.

16-ാം റൗണ്ടിൽ അവർ മെക്സിക്കോയെ നേരിട്ടു, അവിടെ 84-ാം മിനിറ്റിൽ മെസ്സി പകരക്കാരനായി ഇറങ്ങി. എക്‌സ്‌ട്രാ ടൈമിൽ 2-1 ന് അർജന്റീന മത്സരം ജയിക്കുകയും ക്വാർട്ടർ ഫൈനലിൽ ഇടം നേടുകയും ചെയ്തു. ക്വാർട്ടർ ഫൈനലിൽ ആതിഥേയരായ ജർമനിയോട് പെനാൽട്ടി ഷൂട്ട് ഔട്ടിൽ പരാജയപ്പെട്ട അര്ജന്റീന ലോകകപ്പിൽ നിന്നും പുറത്തായി.അർജന്റീനയുടെ അവസാന മത്സരത്തിൽ മെസ്സി ടീമിൽ ഇടം പിടിച്ചില്ല. ആകെ മൂന്ന് മത്സരങ്ങൾ കളിച്ച അദ്ദേഹം ഒരു ഗോളും നേടി.

2010ൽ സൗത്ത് ആഫ്രിക്കയിൽ നടന്ന വേൾഡ് കപ്പിൽ ജർമ്മനിയോട് 4-0ന് തോറ്റ അർജന്റീന ക്വാർട്ടർ ഫൈനലിൽ വീണ്ടും പുറത്തായി. അഞ്ച് മത്സരങ്ങളിലും കളിച്ചിട്ടും ഒരു തവണ പോലും സ്‌കോർ ചെയ്യാൻ കഴിയാതെ വന്ന മെസ്സി നിരാശയോട് വേൾഡ് കപ്പിനോട് വിട പറഞ്ഞു . 2014 ലാണ് മെസ്സിയുടെ വേൾഡ് കപ്പിലെ ഏറ്റവും മികച്ച പ്രകടനം വന്നത്.ഫൈനലിൽ ജർമ്മനിയോട് തോറ്റെങ്കിലും ഗോൾഡൻ ബോൾ അവാർഡ് മെസ്സി സ്വന്തമാക്കുകയും ചെയ്തു.ഏഴ് മത്സരങ്ങളിൽ നിന്ന് നാല് ഗോളുകൾ നേടി ഏതാണ്ട് ഒറ്റയ്ക്ക് അർജന്റീനയെ ഫൈനലിൽ എത്തിച്ചത്.2018ൽ ചാമ്പ്യന്മാരായ ഫ്രാൻസിനോട് 4-3ന് തോറ്റ അർജന്റീന പ്രീ ക്വാർട്ടറിൽ പുറത്തായി.നാല് മത്സരങ്ങളിൽ നിന്ന് ഒരു ഗോൾ മാത്രമാണ് അദ്ദേഹത്തിന് നേടാനായത്. ഐസ്‌ലൻഡിനെതിരായ ഗ്രൂപ്പ് ഘട്ടത്തിൽ ഒരു പെനാൽറ്റി പോലും അദ്ദേഹം നഷ്ടപ്പെടുത്തിയിരുന്നു.

ഇതുവരെ നാല് വേൾഡ് കപ്പുകളിൽ നിന്നും 19 മത്സരങ്ങൾ കളിച്ച ലയണൽ മെസ്സി ആറു ഗോളും അഞ്ച് അസിസ്റ്റും സ്വന്തം പേരിൽ കുറിച്ചിട്ടുണ്ട്. 2014 ൽ ഫൈനൽ വരെയെത്തിയതാണ് വേൾഡ് കപ്പിലെ മെസ്സിയുടെ മികച്ച പ്രകടനം. ഇത്തവണ ഖത്തറിൽ താൻ ഏറ്റവും കൂടുതൽ ആഗ്രഹിച്ച കിരീടം ഉയർത്താം എന്ന പ്രതീക്ഷയിലാണ് മെസ്സി .