❝മിസ്റ്റർ മാഡ്രിഡ് കരിം ബെൻസെമ❞ : ഏതെല്ലാം താരങ്ങൾ വന്നാലും പോയാലും റയൽ മാഡ്രിഡിന്റെ രാജാവ് ബെൻസിമ തന്നെ |Karim Benzema |Real Madrid |

ലോക ഫുട്ബോളിലെ ഏറ്റവും മികച്ച സ്ട്രൈക്കർമാരിൽ ഒരാളാണ് കരിം ബെൻസെമ. ഈ സീസണിൽ മറ്റൊരു ലാ ലിഗ കിരീടത്തിനായുള്ള റയൽ മാഡ്രിഡിന്റെ മുന്നേറ്റത്തിന് പിന്നിൽ അദ്ദേഹം ഒറ്റയ്ക്കാണ് എന്ന് പറയേണ്ടി വരും. ചാമ്പ്യൻസ് ലീഗിലും ഫ്രഞ്ച് താരത്തിന്റെ തോളിലേറിയാണ് റയൽ കുതിക്കുന്നത്. ക്വാർട്ടർ ഫൈനലിന്റെ ആദ്യ പാദത്തിൽ ചെൽസിക്കെതിരെ നേടിയ ഹാട്രിക്ക് ബെൻസിമയെ കൂടുതൽ ഉയരത്തിൽ കൊണ്ടെത്തിച്ചിരിക്കുകയാണ്.

2008-09 സീസണിൽ ഒളിമ്പിക് ലിയോണിനായി 20 വയസ്സുള്ള ഒരു സ്‌ട്രൈക്കർ ലീഗ് 1-ൽ സെൻസേഷണൽ പ്രകടനം പുറത്തെടുത്തു.അവന്റെ പേര് കരിം ബെൻസെമ എന്നായിരുന്നു.ടീമിനായി 47 മത്സരങ്ങളിൽ നിന്ന് 23 ഗോളുകളും ആറ് അസിസ്റ്റുകളും നേടിയ അദ്ദേഹം യൂറോപ്പിലുടനീളം ശ്രദ്ധയാകർഷിച്ചു. യൂറോപ്പിലെ വമ്പൻ ക്ലബ്ബുകളെല്ലാം ഫ്രഞ്ച് യുവ താരത്തിന്റെ ഒപ്പിനായി മത്സരിച്ചു പക്ഷെ റയൽ മാഡ്രിഡിനാണ് അദ്ദേഹത്തിന്റെ ഒപ്പ് ലഭിച്ചത്. എന്നാൽ റയൽ കക്കയെയും ക്രിസ്റ്റ്യാനോ റൊണാൾഡോയെയും വാങ്ങിയപ്പോൾ, അദ്ദേഹം ഒരു ലോ-പ്രൊഫൈൽ ഗാലക്റ്റിക്കോ സൈനിംഗ് ആയി മാറുകയും ചെയ്തു.

ആടിയുലഞ്ഞ ആദ്യ സീസണിന് ശേഷം, തുടർന്നുള്ള ഏതാനും സീസണുകളിൽ അദ്ദേഹം ഫ്രണ്ട് ത്രീയ്‌ക്കൊപ്പം കളിച്ചു, കൂടുതലും ക്രിസ്റ്റ്യാനോ റൊണാൾഡോയ്‌ക്കൊപ്പവും ഒരു വിംഗർ അല്ലെങ്കിൽ രണ്ടാമത്തെ സ്‌ട്രൈക്കറായാണ് ബെൻസിമയെ റയലിൽ കാണാൻ സാധിച്ചത്.അക്കാലത്ത് വലതുവശത്ത് കളിച്ചിരുന്ന വിംഗർ എയ്ഞ്ചൽ ഡി മരിയയായിരുന്നു. ഈ ഘട്ടത്തിൽ, ഗോളുകൾ നേടുന്നതിൽ അദ്ദേഹം സന്തുഷ്ടനായിരുന്നു റൊണാൾഡോ ക്ലബ്ബിന്റെ മുഖമായതിനാൽ .അത്കൊണ്ട് തന്നെ യുവ സ്‌ട്രൈക്കറുടെ മേൽ ചെറിയ സമ്മർദ്ദമുണ്ടായി.തന്റെ ആദ്യ നാല് സീസണുകളിൽ ബെൻസിമ ഒരു കോപ്പ ഡെൽ റേയും ഒരു ലാ ലിഗ കിരീടവും നേടി മൊത്തം 87 ഗോളുകൾ നേടി കൂടാതെ എല്ലാ മത്സരങ്ങളിൽ നിന്നുമായി 55 ഗോളുകൾക്ക് സഹായിച്ചു.21 വയസ്സുള്ള ഒരാളിൽ നിന്ന് റയൽ മാഡ്രിഡ് കൂടുതലൊന്നും പ്രതീക്ഷിച്ചില്ല. അടുത്ത കാലഘട്ടത്തിലേക്ക് പോകുമ്പോൾ, റൊണാൾഡോ, ബെൻസെമ, ഗാരെത് ബെയ്ൽ എന്നീ പ്രശസ്തരായ ത്രയത്തിന്റെ ഭാഗമായി അദ്ദേഹം മാറി.

കഴിഞ്ഞ മൂന്ന് സീസണുകളിലും റയൽ മാഡ്രിഡ് തുടർച്ചയായി മൂന്ന് ചാമ്പ്യൻസ് ലീഗ് സെമിയിൽ എത്തിയെങ്കിലും അവസാന കടമ്പയിൽ വീണു.2013-14 സീസണിൽ കാർലോ ആൻസലോട്ടി അവരെ ‘ലാ ഡെസിമ’ ട്രോഫി നേടാൻ സഹായിച്ചു. ആൻസലോട്ടിയ്‌ക്കൊപ്പം ടോട്ടൻഹാം ഹോട്‌സ്‌പറിൽ നിന്നുള്ള ഗാരെത് ബെയ്‌ലും ഏറ്റവും പുതിയ ‘ഗാലക്‌റ്റിക്കോ’ സൈനിംഗായി. ബെൻസെമ, റൊണാൾഡോ, ബെയ്ൽ എന്നിവർ അടുത്ത ഏതാനും സീസണുകളിൽ മികച്ച ത്രയത്തെ രൂപപ്പെടുത്തി.അഞ്ച് സീസണുകളിലായി ‘ബിബിസി’ ലാ ലിഗയിൽ 62 മത്സരങ്ങൾ ഒരുമിച്ച് ആരംഭിച്ചു. 2014-15 സീസണിൽ അവർ ഒരുമിച്ച് 24 ലാ ലിഗ ഗെയിമുകൾ ആരംഭിച്ചു. ആദ്യ മൂന്ന് സീസണുകളിലും ബെൻസിമ മികച്ച പ്രകടനമാണ് നടത്തിയത്. 2016-17, 2017-18 സീസണുകളിൽ സിനദീൻ സിദാന്റെ മാർഗ്ഗനിർദ്ദേശത്തിൽ അവർ വിജയം തുടർന്നുവെങ്കിലും ഫ്രഞ്ച് താരത്തിന് തന്റെ ഉയർന്ന നിലവാരം പുലർത്താനായില്ല .

2013-14 തൊട്ട് 2017-18 സീസൺ വരെ ഫ്രഞ്ച് താരം 105 ഗോളുകൾ നേടുകയും 58 അസിസ്റ്റുകൾ നൽകുകയും ചെയ്തു.ഒരു ലാ ലിഗ കിരീടം, നാല് ചാമ്പ്യൻസ് ലീഗ് ട്രോഫികൾ, ഒരു കോപ്പ ഡെൽ റേ, മൂന്ന് യുവേഫ സൂപ്പർ കപ്പുകൾ, മൂന്ന് ക്ലബ് ലോകകപ്പുകൾ, ഒരു സൂപ്പർകോപ്പ ഡി എസ്പാന എന്നിവ അദ്ദേഹം നേടി.സമീപകാല റയൽ മാഡ്രിഡ് ചരിത്രത്തിലെ ഏറ്റവും മഹത്തായ കാലഘട്ടമായിരുന്നു അത്.അത് പടുത്തുയർത്തുനനത്തിൽ അദ്ദേഹം ഒരു പ്രധാന പങ്ക് വഹിച്ചു. റൊണാൾഡോ ക്ലബ് വിട്ടതോടെ മറ്റൊരു യുഗം അവസാനിച്ചു. 2009-ലെ വേനൽക്കാലത്തിനു ശേഷം ശേഷിക്കുന്ന അവസാന ഗാലക്‌റ്റിക്കോ ആയിരുന്നു ബെൻസെമ.

2018-19 സീസണിന് ശേഷം ‘ഗാലക്‌റ്റിക്കോ’ നയം വീണ്ടും നടപ്പിലാക്കാൻ റയൽ മാഡ്രിഡിന് സമാനമായ സാമ്പത്തിക ശേഷി ഇല്ലാത്തതിനാൽ, അദ്ദേഹം ക്ലബ്ബിന് പ്രതീക്ഷയുടെ വിളക്കായി മാറി.അതിവേഗം മുന്നേറുന്ന ബെൻസിമ ഇപ്പോൾ ‘മിസ്റ്റർ. മാഡ്രിഡ് തന്നെയാണ്. ബെൻസിമ ഇപ്പോൾ ഏക സ്‌ട്രൈക്കറായി കളിക്കുകയും പിച്ചിൽ ചുറ്റുമുള്ള മറ്റ് കളിക്കാരുമായി മികച്ച രീതിയിൽ ബന്ധപ്പെടുകയും ചെയ്യുന്നു. വിനീഷ്യസ് ജൂനിയർ, റോഡ്രിഗോ, മാർക്കോ അസെൻസിയോ തുടങ്ങിയ കളിക്കാർ കൂടുതലും അദ്ദേഹവുമായി പങ്കാളികളാകുകയും കഴിഞ്ഞ കുറച്ച് സീസണുകളിൽ ഫ്രഞ്ച് താരത്തിന്റെ മാർഗ്ഗനിർദ്ദേശത്തിൽ വളരുകയും ചെയ്തിട്ടുണ്ട്.

നിലവിലെ സീസണുൾപ്പെടെ കഴിഞ്ഞ നാല് സീസണുകളിൽ 183 മത്സരങ്ങളിൽ നിന്നായി 124 ഗോളുകളും 44 അസിസ്റ്റുകളും ബെൻസെമ നേടിയിട്ടുണ്ട്. ഒരു ലാ ലിഗ കിരീടം, ഒരു ക്ലബ് ലോകകപ്പ്, രണ്ട് സൂപ്പർകോപ്പ ഡി എസ്പാന ട്രോഫികൾ എന്നിവയാണ് പിന്നാലെ വന്നത്. കഴിഞ്ഞ സീസണിന്റെ തുടക്കത്തിൽ കാർലോ ആൻസലോട്ടി റയൽ മാഡ്രിഡിലേക്ക് വരുകയും മറ്റൊരു ലാ ലിഗ കിരീടം നേടാനുള്ള പാതയിലാണ്. നിലവിലെ ഫോമും ആദ്യ പാദ ഫലവും അടിസ്ഥാനമാക്കി റയൽ ചാമ്പ്യൻസ് ലീഗിന്റെ സെമി ഫൈനലിലേക്ക് കടക്കും എന്നുറപ്പാണ്.

2009-ൽ അന്നത്തെ 21-കാരൻ റയലിൽ ചേരുമ്പോൾ കക്കയ്ക്കും റൊണാൾഡോയ്ക്കും ഇടയിൽ നിന്ന് ഏറ്റവും കൂടുതൽ കാലം നിലനിൽക്കുന്ന ഗാലക്‌റ്റിക്കോ ആകുമെന്ന് അധികമാരും പ്രതീക്ഷിച്ചിട്ടുണ്ടാവില്ല. അദ്ദേഹം വിശ്വസ്തനായി തുടരുകയും കഴിഞ്ഞ 13 സീസണുകളിൽ സ്ഥിരത പുലർത്തുകയും ചെയ്തു.റയൽ മാഡ്രിഡ് മറ്റൊരു ഗാലക്‌റ്റിക്കോ യുഗം ആസൂത്രണം ചെയ്യുമ്പോൾ സൂപ്പർ താരങ്ങളായ കൈലിയൻ എംബാപ്പെയെയും എർലിംഗ് ഹാലൻഡിനെയും ടീമിലെത്തിക്കാനുള്ള ഒരുക്കത്തിലാണ്.ആരു വന്നാലും ബെൻസീമയെ മാറ്റിസ്ഥാപിക്കുന്നതിനുപകരം ചുരുങ്ങിയ സമയത്തേക്കെങ്കിലും അവർക്കൊപ്പം കളിക്കുമെന്ന് പ്രതീക്ഷിക്കാം.നിലവിൽ റയൽ മാഡ്രിഡിൽ കരിം ബെൻസീമക്ക് പകരം വെക്കാൻ ആരുമില്ല.