ലയണൽ മെസ്സിയുടെ അവിശ്വസനീയമായ പാസിനെക്കുറിച്ച് നെതർലൻഡ്‌സ് മിഡ്ഫീൽഡർ ഫ്രെങ്കി ഡി ജോംഗ്

ഖത്തർ ലോകകപ്പിന്റെ ക്വാർട്ടർ ഫൈനൽ മത്സരത്തിൽ നെതർലൻഡ്സിനെതിരെ മിന്നുന്ന പ്രകടനമാണ് അർജന്റീനയുടെ ക്യാപ്റ്റൻ ലയണൽ മെസ്സി നടത്തിയത്. പെനാൽറ്റി ഗോൾ നേടിയ അദ്ദേഹം അർജന്റീനയുടെ ആദ്യ ഗോളിന് വഴിയൊരുക്കി. നഹുവൽ മൊലിനയുടെ ആദ്യ ഗോളിന് ലയണൽ മെസ്സി നൽകിയ പാസ് ടൂർണമെന്റിലെ ഏറ്റവും മികച്ച അസിസ്റ്റുകളിലൊന്നാണ്.

മത്സരത്തിൽ നെതർലൻഡ്‌സ് തിരിച്ചുവന്നെങ്കിലും പെനാൽറ്റി ഷൂട്ടൗട്ടിലൂടെ അർജന്റീന കളി ജയിച്ച് സെമിയിലേക്ക് മുന്നേറി.ബാഴ്സലോണയിൽ ലയണൽ മെസ്സിയുടെ മുൻ സഹതാരമായിരുന്ന നെതർലൻഡ്സ് മിഡ്ഫീൽഡർ ഫ്രെങ്കി ഡി ജോങ്, മത്സരത്തിലെ ആദ്യ ഗോളിന് ലയണൽ മെസ്സി നൽകിയ പാസിനെ പ്രശംസിച്ചു. ഈ പാസ് തന്നെ മാത്രമല്ല, നെതർലൻഡിന്റെ ഡിഫൻഡർ വിർജിൽ വാൻ ഡിക്കിനെയും അത്ഭുതപ്പെടുത്തിയെന്ന് ഡി ജോങ് പറയുന്നു.

എല്ലാ പഴുതുകളും അടച്ചിട്ടും ലയണൽ മെസ്സി എങ്ങനെയാണ് ആ പാസ് ഉണ്ടാക്കിയതെന്നും മെസ്സി ഒരു സാധാരണക്കാരനല്ലെന്നും വാൻ ഡിക്ക് അതിന് ശേഷം പറഞ്ഞതായി ഫ്രെങ്കി ഡി ജോംഗ് വെളിപ്പെടുത്തുന്നു.“ലോകകപ്പിൽ ഞങ്ങൾക്ക് മുന്നിൽ ലിയോ മെസ്സി നൽകിയ പാസ് ഞാൻ ഒരിക്കലും മറക്കില്ല, അവിശ്വസനീയമായ പാസ്, സ്വപ്നത്തിൽ പോലും അങ്ങനെയൊരു പാസ് കണ്ടിട്ടില്ല.മത്സരശേഷം വാൻ ഡിക്കും എന്നോട് ഇതിനെക്കുറിച്ച് പറഞ്ഞു. മെസ്സി ഒരു സാധാരണക്കാരനല്ലെന്ന് വാൻ ഡിക്ക് എന്നോട് ചോദിച്ചു. അദ്ദേഹത്തിന്റെ ഉള്ളിൽ ഒരു രഹസ്യമുണ്ട്. മെസ്സി അത് എങ്ങനെ പാസ് ചെയ്തു എന്നത് ചോദ്യ ചിഹ്നമാണ് ‘ ഫ്രെങ്കി ഡി ജോങ് പറഞ്ഞു.

“ലക്ഷ്യത്തിലേക്കുള്ള എല്ലാ വഴികളും, മെസ്സിയുടെ വിഷൻ പോലും ഞങ്ങൾ തടഞ്ഞുവെന്നു വാൻ ഡിക്ക് പറഞ്ഞു. ചരിത്രത്തിലെ ഏറ്റവും മികച്ച കളിക്കാരനെയാണ് നമ്മൾ നേരിടുന്നതെന്നും . ഓരോ നിമിഷവും താരം എന്ത് ചെയ്യുമെന്ന് പറയാനാകില്ലെന്നും അങ്ങനെ ഒരാളെ ഞാൻ ജീവിതത്തിൽ കണ്ടിട്ടില്ലെന്നും ഡി ജോങ് കൂട്ടിച്ചേർത്തു. ലയണൽ മെസ്സി എക്കാലത്തെയും മികച്ച കളിക്കാരനാണെന്ന് എതിരാളികൾ പോലും പറയുന്നതിന്റെ ഉദാഹരണമാണിത്.