കൊറിയയ്‌ക്കെതിരായ പ്രീ ക്വാർട്ടർ മത്സരത്തിന് മുന്നോടിയായി പരിശീലനത്തിലേക്ക് മടങ്ങിയെത്തി ബ്രസീലിയൻ സൂപ്പർ താരം നെയ്മർ |Qatar 2022 |Neymar

നവംബർ 25 ന് ലുസൈൽ ഐക്കണിക് സ്റ്റേഡിയത്തിൽ സെർബിയയ്‌ക്കെതിരെയുള്ള മത്സരത്തിലാണ് ബ്രസീലിനെ സൂപ്പർ താരം നെയ്മർക്ക് പരിക്കേൽക്കുന്നത്. പരിക്കേറ്റതിനെത്തുടർന്ന് സ്വിറ്റ്സർലൻഡിനും കാമറൂണിനുമെതിരായ ടീമിന്റെ അടുത്ത രണ്ട് ഗ്രൂപ്പ് ഘട്ട മത്സരങ്ങളിൽ നിന്ന് നെയ്മർ പുറത്തായിരുന്നു.

അദ്ദേഹത്തിന്റെ അഭാവത്തിൽ ബ്രസീലിന് സ്വിറ്റ്സർലൻഡിനെ 1-0 എന്ന മാർജിനിൽ മറികടന്ന് റൗണ്ട് ഓഫ് 16 ൽ സ്ഥാനം ഉറപ്പിക്കാൻ കഴിഞ്ഞു. എന്നാൽ കാമറൂണിനെതിരായ അവസാന ഗ്രൂപ്പ് ജി മത്സരത്തിൽ ദക്ഷിണ അമേരിക്കക്കാർ 0-1 ന് ഞെട്ടിക്കുന്ന തോൽവി ഏറ്റുവാങ്ങി. ലോകകപ്പ് മത്സരങ്ങളുടെ ചരിത്രത്തിൽ ആദ്യമായാണ് ഫിഫ ലോകകപ്പിലെ റെക്കോർഡ് ചാമ്പ്യന്മാർ ഏതെങ്കിലും ആഫ്രിക്കൻ ടീമിനെതിരെ തോൽവി ഏറ്റുവാങ്ങുന്നത്.

എന്നാൽ തോൽവി നേരിട്ടെങ്കിലും ഗ്രൂപ്പ് ജിയിൽ പോയിന്റ് പട്ടികയിൽ ഒന്നാം സ്ഥാനത്ത് ഫിനിഷ് ചെയ്യാൻ ബ്രസീലിന് കഴിഞ്ഞു.ബ്രസീൽ അവരുടെ റൗണ്ട് ഓഫ് 16 മത്സരത്തിൽ ദക്ഷിണ കൊറിയയുമായി കളിക്കും. ഡിസംബർ 6, ചൊവ്വാഴ്ച ഉച്ചയ്ക്ക് 12:30 IST ന് 974 സ്റ്റേഡിയത്തിലാണ് കൊറിയയ്‌ക്കെതിരായ ബ്രസീലിന്റെ കളി.മത്സരത്തിന് മുന്നോടിയായി പരിക്കേറ്റ് ഫീൽഡ് വിട്ടതിന് ശേഷം നെയ്മർ ആദ്യമായി കളത്തിലേക്ക് മടങ്ങിയെത്തും.

നെയ്മർ ബ്രസീലിന്റെ പരിശീലനത്തിലേക്ക് മടങ്ങിയെത്തുകയും ചെയ്തു.ബ്രസീൽ ദേശീയ ഫുട്ബോൾ ടീമിന്റെ ട്വിറ്റർ അക്കൗണ്ട് പോസ്റ്റ് ചെയ്ത ഒരു വീഡിയോയിൽ 30-കാരൻ പരിശീലന സെഷനിൽ പങ്കെടുക്കുന്നതും പരിക്കിൽ നിന്ന് പൂർണ്ണമായും സുഖം പ്രാപിച്ചതായും കാണാം.പരിക്കേറ്റ് ടൂർണമെന്റിൽ നിന്ന് പുറത്തായ ആഴ്‌സണൽ സ്‌ട്രൈക്കർ ഗബ്രിയേൽ ജീസസിന്റെയും ലെഫ്റ്റ് ബാക്ക് അലക്‌സ് ടെല്ലസിന്റെയും സേവനം ഇപ്പോൾ സെലെക്കാവോയ്‌ക്ക് ഇല്ലാത്തതിനാൽ നെയ്‌മറിന്റെ തിരിച്ചുവരവ് നിർണായകമാണ്.

Rate this post