“423 ദിവസങ്ങൾ 11 ശസ്ത്രക്രിയകൾ ” പ്രതിസന്ധികളെ മറികടന്ന് ഫുട്ബോളിലേക്ക് ആവേശകരമായ തിരിച്ചു വരവ് നടത്തിയ നോർവീജിയൻ പോരാളി

മുൻ മാഞ്ചസ്റ്റർ സിറ്റി, ഹൾ സിറ്റി ഡിഫൻഡർ ഒമർ എലാബ്ദെല്ലൗയി ഈ ആഴ്ച ഫുട്ബോളിലേക്ക് ഒരു ആവേശകരമായ തിരിച്ചുവരവ് നടത്തി, ഗലാറ്റസരെയുടെ സൂപ്പർ ലിഗ് വിജയത്തിന്റെ 90 മിനിറ്റും കളിച്ചു.30 കാരനായ ഡിഫൻഡർ ഹാരി മഗ്വെയറോടും ആൻഡി റോബർട്ട്‌സണോടും ഒപ്പം കളിച്ചിരുന്ന സമയത്ത് 2020 ലെ ഒരു ന്യൂ ഇയർ ഈവ് പാർട്ടിയിൽ താരത്തിന്റെ മുഖത്ത് പടക്കം പൊട്ടിത്തെറിക്കുകയും താരത്തിന്റെ ഒരു കണ്ണിന്റെ കാഴ്ച നഷ്ടപ്പെടുകയും ചെയ്തു .

ഒരു വർഷത്തിലേറെ നീണ്ടു നിന്ന ചികിത്സക്കും 11 ശാസ്ത്രക്രിയക്കും ശേഷമാണ് നോർവീജിയൻ കളിക്കളത്തിലേക്ക് മടങ്ങിഎത്തിയത്.ചികിത്സകൾ പൂർത്തിയാക്കി 423 ദിവസങ്ങൾക്ക് ശേഷം ഒമർ എലബ്ദലോയി കളിക്കളത്തിലേക്ക് തിരിച്ചു വനനപ്പോൾ ലോകമെമ്പാടുമുള്ള ഫുട്ബോൾ ആരാധകർ ഹൃദയം കൊണ്ടനാണ് താരത്തെ വരവേറ്റത്.”ഞാൻ ബുദ്ധിമുട്ടുള്ള ഒരു പ്രക്രിയയിലൂടെ കടന്നുപോയി, അത് ബുദ്ധിമുട്ടുള്ള ഒരു പരിക്ക് ആയിരുന്നു, ഞാൻ ഒരുപാട് കഷ്ടപ്പെട്ടു.ഞാൻ മൈതാനത്ത് തിരിച്ചെത്തി, എനിക്ക് ഏറ്റവും ഇഷ്ടമുള്ളത് ചെയ്യുന്നു. ഇത് രണ്ടാം തവണയും എന്റെ സ്വപ്ന സാക്ഷാത്കാരമാണ്. ഞാൻ രണ്ടാം തവണയും ഫുട്ബോൾ തുടങ്ങിയതായി തോന്നി” കളിക്കളത്തിലേക്ക് തിരിച്ചെത്തിയ ശേഷം അദ്ദേഹം പറഞ്ഞു.

എലാബ്‌ദെല്ലൂയി യുഎസിൽ ചികിത്സയ്‌ക്കായി ധാരാളം സമയം ചെലവഴിച്ചു, എന്നിരുന്നാലും അവിടെയുള്ള അദ്ദേഹത്തിന്റെ ഡോക്ടർ അദ്ദേഹത്തിന് കാഴ്ച വീണ്ടെടുക്കാനുള്ള 5-10 ശതമാനം സാധ്യത മാത്രമാണ് നൽകിയത്.നോർവേ ഇന്റർനാഷണൽ സിൻസിനാറ്റി ബംഗാൾസിൽ നിന്നുള്ള ഒരു പരിശീലകന്റെ കീഴിൽ പരിശീലനം ചെയ്തുകൊണ്ട് തന്റെ ഫിറ്റ്നസ് നിലനിർത്തി.2020 ഓഗസ്റ്റിൽ ഒളിംപിയാക്കോസിൽ നിന്ന് എലാബ്ഡെല്ലൗയിയെ സൈൻ ചെയ്‌ത ഗലാറ്റസരെ താരത്തിന്റെ ചികിത്സക്കായുള്ള എന്ന പണവും നൽകി. കളിക്കളത്തിലായിരിക്കുമ്പോൾ പ്രത്യേകം ഘടിപ്പിച്ച കണ്ണട ധരിച്ചിട്ടാണെങ്കിലും കളിക്കളത്തിലേക്ക് മടങ്ങാൻ അദ്ദേഹത്തിന് സാധിച്ചു.

എലാബ്‌ദെല്ലൂയി തിരിച്ചെത്തിയ മത്സരത്തിൽ ആറു മത്സരങ്ങളിൽ ജയിക്കാതിരുന്ന ഗലാറ്റസരെ മുൻ സ്വാൻസി സിറ്റി സ്‌ട്രൈക്കർ ബാഫെറ്റിംബി ഗോമിസിന്റെ രണ്ട് ഗോളുകളുടെ ബലത്തിൽ അവർക്ക് 3-2 വിജയം നൽകി.2016-17 സീസണിൽ മാർക്കോ സിൽവയുടെ ഹല്ലുമായുള്ള ലോൺ സ്‌പെല്ലിന് ശേഷം ഒളിമ്പിയാക്കോസിലേക്ക് മടങ്ങിയ എലാബ്ഡെല്ലൗയി 2020 ൽ ഗലാറ്റസറെയിൽ ചേർന്നു.മാഞ്ചസ്റ്റർ സിറ്റിയുടെ ആദ്യ ടീമിനായി അദ്ദേഹം ഒരിക്കലും പ്രത്യക്ഷപ്പെട്ടില്ലെങ്കിലും അണ്ടർ 23 ഗെയിമുകൾ കളിച്ചു, യുവന്റസുമായുള്ള യൂറോപ്പ ലീഗ് പോരാട്ടത്തിനുള്ള ടീമിലും നോർവീജിയനും അംഗമായിരുന്നു.

മുൻ മാൻ സിറ്റി സഹപ്രവർത്തകൻ ജോൺ ഗൈഡെറ്റിയും സഹ നോർവീജിയൻ ഇന്റർനാഷണലും ആഴ്‌സണൽ മിഡ്‌ഫീൽഡറുമായ മാർട്ടിൻ ഒഡെഗാർഡും ഉൾപ്പെടെ, ഇലാബ്‌ഡെല്ലൗയിയുടെ തിരിച്ചുവരവിന് ശേഷം നിരവധി നിലവിലെ ടീമംഗങ്ങളും മുൻ ടീമംഗങ്ങളും അദ്ദേഹത്തിന് ആശംസകൾ അറിയിക്കുകയും ചെയ്തു. 30 കാരനായ പ്രതിരോധ താരം നോർവേക്കായി 49 മത്സരങ്ങളിൽ കളിച്ചിട്ടുണ്ട്.