“ഇബ്ര പുറത്ത് ലെവൻ അകത്ത്” – സ്വീഡനെ തകർത്ത് പോളണ്ട് ഖത്തറിലേക്ക്

പോളണ്ട് 1991 ഓഗസ്റ്റിനുശേഷം ആദ്യമായി സ്വീഡനെ തോൽപ്പിക്കാൻ ഉചിതമായ നിമിഷം തിരഞ്ഞെടുത്തു, റോബർട്ട് ലെവൻഡോവ്‌സ്‌കിയും പിയോട്ടർ സീലിൻസ്‌കിയും സ്‌കോർ ചെയ്‌തതോടെ തങ്ങളുടെ രാജ്യം ചരിത്രത്തിൽ ഒമ്പതാം തവണയും ഫിഫ ലോകകപ്പ് ഫൈനലിൽ പങ്കെടുക്കുമെന്ന് ഉറപ്പാക്കി.

പോളണ്ടും സ്വീഡനും ബാക്ക്-ടു-ബാക്ക് ഫിഫ ലോകകപ്പ് ഫൈനലുകളിലേക്ക് യോഗ്യത നേടാനുള്ള ലക്ഷ്യത്തോടെയാണ് ഇന്നിറങ്ങിയത്. സൂപ്പർ സ്‌ട്രൈക്കർ ലെവെൻഡോസ്‌കിയുടെ ഗോളെന്നുറച്ച ഹെഡ്ഡാറോടെയാണ് മത്സരം ആരംഭിച്ചത്. എന്നാൽ ആദ്യ പകുതി പുരോഗമിക്കുമ്പോൾ സ്വീഡൻ ആധിപത്യം സ്ഥാപിക്കാൻ തുടങ്ങി. എന്നാൽ ആരാധ്യ പകുതിയിൽ ഇരു ടീമുകൾക്കും ഗോളുകൾ ഒന്നും നേടാനായില്ല.

ഗ്രെസെഗോർസ് ക്രിചോവിയാക്കിനെ ജെസ്‌പർ കാൾസ്‌ട്രോം ഫൗൾ ചെയ്‌തതിനെത്തുടർന്ന് 49-ാം മിനിറ്റിൽ പെനാൽറ്റി സ്‌പോട്ടിൽ നിന്ന് വലകുലുക്കി റോബർട്ട് ലെവൻഡോവ്‌സ്‌കി ഗോൾരഹിതമായ ആദ്യ പകുതിക്ക് ശേഷം പോളണ്ടിനെ മുന്നിലെത്തിച്ചു. 129 മത്സരങ്ങളിൽ നിന്ന് തന്റെ രാജ്യത്തിനായി തന്റെ ഗോളുകളുടെ എണ്ണം 75 ആയി ഉയർത്താൻ 33 കാരനായ ലെവൻഡോവ്‌സ്‌കിക്ക് ആയി .സമനില ഗോളിനായി സ്വീഡൻ ശ്രമിചു കൊണ്ടേയിരുന്നു .എന്നാൽ 72 ആം മിനുട്ടിൽ പിയോട്ടർ സീലിൻസ്‌കിക്ക് നേടിയ ഗോൾ പോളണ്ടിന് ഖത്തറിലേക്കുള്ള ടിക്കറ്റ് ഉറപ്പിച്ചു കൊടുത്തു.സ്വീഡൻ സെന്റർ ബാക്ക് മാർക്കസ് ഡാനിയേൽസന്റെ മോശം ടച്ചിന് ശേഷമാണ് സീലിൻസ്കിയുടെ ഗോൾ പിറന്നത്.

അവസാന 10 മിനിറ്റിനുള്ളിൽ സ്വീഡൻസ് റെക്കോർഡ് ഗോൾ സ്‌കോറർ സ്ലാറ്റൻ ഇബ്രാഹിമോവിച്ചിനെ ബെഞ്ചിൽ നിന്ന് ഇറക്കിയെങ്കിലും ഫലമുണ്ടായില്ല.അവസാന മിനിറ്റുകളിൽ പോളിഷ് പ്രതിരോധം ഉറച്ചുനിന്നു.1986 ന് ശേഷം പോളണ്ടിന്റെ നാലാമത്തെ ലോകകപ്പ് ആണിത്. മൂന്നു വേൾഡ് കപ്പിലും അവർ ഗ്രൂപ്പ് ഗെയിമിൽ തന്നെ പുറത്തായിരുന്നു.