❝ക്രിസ്റ്റ്യാനോ റൊണാൾഡോ രാവിലെ പ്രാർത്ഥിക്കണമെന്നും കരീം ബെൻസെമയ്ക്ക് നന്ദി പറയുകയും വേണം❞ |Cristiano Ronaldo

ഏതൊരു ഫുട്ബോൾ പ്രേമിയുടെയും ഓർമയിൽ എക്കാലവും തങ്ങിനിൽക്കുന്ന ഒരു കൂട്ടുകെട്ടായിരുന്നു റയൽ മാഡ്രിഡിലെ കരീം ബെൻസിമയുടെയും ക്രിസ്ത്യാനോ റൊണാൾഡോയുടെയും.എന്നാൽ ആ സമയത്ത് അർഹിക്കുന്ന ക്രെഡിറ്റ് അപൂർവ്വമായി മാത്രമാണ് കരീം ബെൻസീമക്ക് ലഭിച്ചത്.

സ്പാനിഷ് തലസ്ഥാനത്ത് റയൽ മാഡ്രിഡിന്റെ എക്കാലത്തെയും മികച്ച ഗോൾ സ്‌കോററിനൊപ്പം കളിച്ചപ്പോൾ 355 മത്സരങ്ങളിൽ നിന്ന് 155 ഗോളുകൾ നേടാനും ഫ്രഞ്ച് സ്‌ട്രൈക്കർക്കായി.അതേസമയം റൊണാൾഡോ ആ 355 മത്സരങ്ങളിൽ നിന്ന് 371 തവണ വലകുലുക്കി.ബെൻസീമയായും താരതമ്യം ചെയ്യുമ്പോൾ തികച്ചും അമ്പരപ്പിക്കുന്ന റെക്കോർഡ് തന്നെയാണ് റൊണാൾഡോയുടെത്.ലോസ് ബ്ലാങ്കോസിൽ അഞ്ച് തവണ ബാലൺ ഡി ഓർ ജേതാവിന്റെ നേട്ടങ്ങൾ സ്‌ട്രൈക്ക് പങ്കാളിയായ ബെൻസെമയുടെ ശ്രമങ്ങളെ ഒരു പരിധിവരെ മറികടക്കുന്നു.

റൊണാൾഡോ മാഡ്രിഡിൽ ആകെ ഒമ്പത് വർഷം ചെലവഴിച്ചു, നാല് ചാമ്പ്യൻസ് ലീഗ് കിരീടങ്ങളും നാല് ബാലൺ ഡി ഓറുകളും ആ കാലഘട്ടത്തിൽ സ്വന്തമാക്കി.2009 നും 2018 നും ഇടയിൽ മികച്ച മുന്നേറ്റത്തിനായി കരിം ബെൻസെമ മൊത്തം 47 അസിസ്റ്റുകൾ നൽകി.തന്റെ കരിയറിൽ ഇതുവരെ റൊണാൾഡോയ്ക്ക് ഏറ്റവും കൂടുതൽ അസിസ്റ്റുകൾ നൽകിയത് ബെൻസിമയാണ്.എന്നിരുന്നാലും തന്റെ മുൻ സ്ട്രൈക്ക് പങ്കാളി 2018 ൽ യുവന്റസിലേക്ക് പോയതിനുശേഷം ഫ്രഞ്ചുകാരൻ അഭിവൃദ്ധി പ്രാപിച്ചു.റൊണാൾഡോയുടെ ലോസ് ബ്ലാങ്കോസിന്റെ വിടവാങ്ങലിന് ശേഷം മാഡ്രിഡിനായി 183 മത്സരങ്ങളിൽ നിന്ന് ഫ്രാൻസ് ഇന്റർനാഷണൽ 124 തവണ ഗോൾ കണ്ടെത്തി. ഇത് റൊണാൾഡോ യുവന്റസിലും മാഞ്ചസ്റ്റർ യൂണൈറ്റഡിലും കൂടി റൊണാൾഡോ നേടിയ ഗോളിനെക്കാൾ കൂടുതലാണിത്.

ക്ലബ്ബിനും രാജ്യത്തിനുമായി ബെൻസെമ മികച്ച ഫോമിലാണ്.റൊണാൾഡോ തന്റെ കരിയറിലെ ബെൻസിമയുടെ സംഭാവനകൾക്ക് “രാവിലെ പ്രാർത്ഥിക്കുകയും നന്ദി പറയുകയും” ചെയ്യണമെന്ന് രണ്ട് വർഷം റയലിൽ ചെലവഴിച്ച മുൻ ഇറ്റലി ഇന്റർനാഷണൽ അന്റോണിയോ കാസാനോ പറഞ്ഞു. “ഫുട്ബോളിൽ ഗോളുകളും കിരീടങ്ങളും മാത്രമല്ല ഉള്ളത്, സിദാൻ കുറച്ച് ഗോളുകൾ നേടിയെങ്കിലും ചരിത്രത്തിലെ ഏറ്റവും മികച്ച താരങ്ങളിൽ ഒരാളാണ്.റിക്വൽമിയും ആ ഗണത്തിൽ പെടുന്ന താരം തന്നെയാണ്. ഗോളുകളും കിരീടങ്ങളും ഉപയോഗപ്രദമാണ് പക്ഷേ അവ അടിസ്ഥാനപരമായ കാര്യങ്ങളല്ല.

ക്രിസ്റ്റ്യാനോ റൊണാൾഡോ രാവിലെ പ്രാർത്ഥിക്കണം, ‘ബെൻസിമ, നിങ്ങൾ എന്നോടൊപ്പം കളിച്ചതിന് നന്ദി’.കാസാനോ പറഞ്ഞു.”റൊണാൾഡോ സ്കോർ ചെയ്യുന്നു, എപ്പോഴും സ്കോർ ചെയ്യും, പക്ഷേ അവൻ ഒരു വ്യത്യസ്ത കളിക്കാരനാണ്; ബെൻസെമ ഒരു ഗോൾ സ്‌കോറിംഗ് സെന്റർ ഫോർവേഡാണ്. എന്നാൽ അവൻ സിദാൻ കൂടിയാണ് ” കസാനോ പറഞ്ഞു.ഈ സീസണിലെ 36 മത്സരങ്ങളിൽ നിന്ന് 37 ഗോളുകൾ നേടിയിട്ടുള്ള ബെൻസീമ, 34 വയസ്സുള്ള തന്റെ കരിയറിലെ ഏറ്റവും മികച്ച സീസണിലൂടെയാണ് കടന്നു പോയി കൊണ്ടിരിക്കുന്നത്.