ഐപിഎല്ലിലെ ഏറ്റവും മികച്ച ഫിനിഷർ ആയി മാറിയ രാജസ്ഥാൻ റോയൽസ് യുവ താരം ധ്രുവ് ജൂറൽ|Dhruv Jurel

ഐപിഎൽ 2023 ൽ ഇന്നലെ നടന്ന മത്സരത്തിൽ രാജസ്ഥാൻ റോയൽസ് പഞ്ചാബ് കിംഗ്‌സിനെ 4 വിക്കറ്റിന് പരാജയപ്പെടുത്തി. ഈ വിജയത്തോടെ രാജസ്ഥാൻ പ്ലെ ഓഫ് സ്ഥാനത്തിനായുള്ള പോരാട്ടം സജീവമാക്കിയിരിക്കുകയാണ്.എന്നാൽ മത്സരത്തിൽ 18.3 ഓവറുകളിൽ വിജയിച്ചാൽ മാത്രമേ രാജസ്ഥാന് വലിയ പ്ലേയോഫ് സാധ്യതകൾ നിലനിർത്താൻ സാധിക്കുമായിരുന്നുള്ളൂ. എന്നാൽ മത്സരത്തിൽ ആ മാർജിനിൽ വിജയിക്കാൻ രാജസ്ഥാന് സാധിച്ചില്ല.

ഇനി മറ്റു ടീമുകളുടെ ജയാ പരാജയങ്ങൾ അനുസരിച്ചായിരിക്കും റോയൽസിന്റെ പ്ലെ ഓഫ് പ്രതീക്ഷകൾ.ഹോം ഗ്രൗണ്ടിൽ ആദ്യം ബാറ്റ് ചെയ്ത പിബികെഎസ് അവരുടെ 20 ഓവറുകൾ അവസാനിക്കുമ്പോൾ 187/5 എന്ന മത്സര സ്‌കോറാണ് നേടിയത്. മറുപടി ബാറ്റിങ്ങിൽ യശസ്വി ജയ്‌സ്വാളിന്റെയും (36 പന്തിൽ 50 റൺസ്), ദേവദത്ത് പടിക്കലിന്റെയും (30 പന്തിൽ 51 റൺസ്) അർധസെഞ്ചുറികളാണ് ആർആറിന് വിജയം നൽകിയത്.ഷിംറോൺ ഹെറ്റ്‌മയർ (28 പന്തിൽ 46 റൺസ്), റിയാൻ പരാഗ് (12 പന്തിൽ 20 റൺസ്) എന്നിവരുടെ പ്രകടനവും നിര്ണായകമായി.

RR-ന് 3 പന്തിൽ 5 റൺസ് വേണ്ടിയിരുന്നപ്പോൾ ധ്രുവ് ജുറെൽ (4 പന്തിൽ 10* റൺസ്) ഒരു സിക്സറോടെ മത്സരം ഉറപ്പിച്ചു.ഈ സീസണിൽ ഉടനീളം, ജുറെൽ റോയൽസിന്റെ മികച്ച ഫിനിഷറാണെന്ന് തെളിയിച്ചിട്ടുണ്ട്.ഈ വർഷം 13 മത്സരങ്ങളിൽ നിന്ന് 172.73 എന്ന മികച്ച സ്‌ട്രൈക്ക് റേറ്റിൽ 152 റൺസ് അദ്ദേഹം നേടിയിട്ടുണ്ട്. ഈ സീസണിൽ ധ്രുവ് ജൂറൽ ഒരു ഫിനിഷർ എന്ന നിലയിൽ തന്റെ കഴിവ് തെളിയിച്ച മൂന്നു മത്സരങ്ങൾ ഏതാണെന്നു നോക്കാം.

RR vs GT (ധ്രുവ് ജൂറൽ – 10 പന്തിൽ 18 റൺസ്) : നരേന്ദ്ര മോദി സ്റ്റേഡിയത്തിൽ 178 റൺസ് പിന്തുടർന്ന ആർആർ 10.3 ഓവറിൽ 55/4 എന്ന നിലയിലായിരുന്നു. എന്നിരുന്നാലും, സഞ്ജു സാംസണും (32 പന്തിൽ 60 റൺസ്), ഷിംറോൺ ഹെറ്റ്‌മെയറും (26 പന്തിൽ 56* റൺസ്) അർധസെഞ്ചുറികളിലൂടെ അവർ തിരിച്ചടിച്ചു. എന്നാൽ ഐ‌പി‌എല്ലിൽ തന്റെ അരങ്ങേറ്റ മത്സരം കളിക്കുന്ന ധ്രുവ് ജുറൽ തന്റെ ടീമിനെ വിജയത്തിലേക്ക് നയിച്ചു.180 സ്‌ട്രൈക്ക് റേറ്റിൽ 2 ബൗണ്ടറിയും 1 സിക്‌സും സഹിതം ജുറെൽ (10 പന്തിൽ 18 റൺസ്) നേടി.

RR vs RCB (ധ്രുവ് ജൂറൽ – 16 പന്തിൽ 34* റൺസ്) : RR-ന് 24 പന്തിൽ 61 റൺസ് വേണ്ടിയിരുന്നപ്പോൾ ധ്രുവ് ജൂറൽ മറ്റൊരു അസാധാരണ ഇന്നിംഗ്സ് കളിച്ചത്.212.50 എന്ന അസാധാരണ സ്‌ട്രൈക്ക് റേറ്റിലാണ് യുവതാരം രണ്ട് ബൗണ്ടറികളും 2 സിക്‌സറുകളും അടക്കം 34 റൺസ് നേടിയത് .അവസാനം 7 റൺസിന്റെ നേരിയ മാർജിനിൽ RCB ജയിച്ചപ്പോൾ അദ്ദേഹത്തിന്റെ ഇന്നിംഗ്സ് പാഴായി. എന്നിരുന്നാലും, വലിയ കാര്യങ്ങൾ നേടാനുള്ള കഴിവും മനസ്സും യുവതാരത്തിനുണ്ടെന്ന് ഈ ഇന്നിംഗ്‌സ് തെളിയിച്ചു.

RR vs CSK (ധ്രുവ് ജൂറൽ – 15 പന്തിൽ 34 റൺസ്) : എംഎസ് ധോണിയുടെ നേതൃത്വത്തിലുള്ള ചെന്നൈ സൂപ്പർ കിംഗ്‌സിനെതിരെ ജുറെൽ (15 പന്തിൽ 34 റൺസ്) അസാധാരണമായ ഒരു ഇന്നിംഗ്‌സ് കളിച്ചു, തന്റെ ടീമിനെ 200-ൽ കൂടുതൽ സ്‌കോറിലേക്ക് നയിച്ചു. 3 ഫോറും 2 സിക്‌സും സഹിതം 226.67 സ്‌ട്രൈക്ക് റേറ്റിലാണ് അദ്ദേഹം അടിച്ചത്.ടൂർണമെന്റിലെ ഏറ്റവും മികച്ച ഡെത്ത് ബൗളർമാരിൽ ഒരാളായ മതീശ പതിരണയെ (4-0-48-0) അദ്ദേഹം എങ്ങനെ വിജയകരമായി ആക്രമിച്ചു എന്നതാണ് ഈ ഇന്നിംഗ്‌സിന്റെ ഏറ്റവും മികച്ച സവിശേഷത. 32 റൺസിന്റെ മികച്ച മാർജിനിൽ ആർആർ വിജയിച്ചതോടെ അദ്ദേഹത്തിന്റെ ശ്രമങ്ങൾ ഫലം കണ്ടു.ഐപിഎൽ 2023-ൽ ധ്രുവ് ജുറൽ തന്റെ മൂല്യം തെളിയിച്ച 3 ഇന്നിഗ്‌സുകൾ ആയിരുന്നു ഇത് .