❝ ഇവർ ഏറ്റവും വലിയ രണ്ടു തട്ടിപ്പുകാർ ; റയൽ മാഡ്രിഡ് ഇതിഹാസങ്ങൾക്കെതിരെ ഫ്ലോറന്റിനോ പെരസ് ❞

റയൽ മാഡ്രിഡ് പ്രസിഡന്റ് ഫ്ലോറന്റിനോ പെരസ് ക്ലബ്ബ് ഇതിഹാസങ്ങളായ റൗളിനെയും , ഇക്കർ ​​കാസിലസിനെയും വിമർശിച്ചുള്ള ഓഡിയോ പുറത്തു വന്നിരിക്കുകയാണ്. 2006 ലെ ഓഡിയോയാണ് കഴിഞ്ഞ ദിവസം പുറത്തു വന്നത്. റൗളിലും, കാസിലസിലും പെരസ് ഒരിക്കലും മതിപ്പുളവാക്കിയില്ലെന്നും ,കാസിലാസ് ഒരു റിയൽ മാഡ്രിഡ് നിലവാരമുള്ള ഗോൾകീപ്പർ ആയിരുന്നില്ലെന്നും പെരസ് അഭിപ്രായപ്പെട്ടു.റൗളിനെയും ഇക്കർ ​​കാസിലസിനെയും തട്ടിപ്പുകാർ എന്ന് വിളിക്കുകയും ചെയ്തു.സ്പാനിഷ് പ്രസിദ്ധീകരണമായ മാർക്കയാണ് റിപ്പോർട്ട് ചെയ്തത്.

“കാസിലസ് ഒരു റയൽ മാഡ്രിഡ് സ്റ്റാൻഡേർഡ് ഗോൾകീപ്പർ അല്ല, എനിക്ക് അത് പറയാൻ കഴിയും കാസിലസ് ഞങ്ങളുടെ ഒരു വലിയ പരാജയമാണ്. ആളുകൾ അവനെ ആരാധിക്കുന്നു, അവനെ സ്നേഹിക്കുന്നു, അവനോട് സംസാരിക്കുന്നു, അവർ അവനെ വളരെയധികം പ്രതിരോധിക്കുന്നു എന്നതാണ് പ്രശ്‌നം” പെരസ് പറഞ്ഞു . “അദ്ദേഹം ഏറ്റവും വലിയ തട്ടിപ്പുകാരിൽ ഒരാളാണ്, റൗളും,കാസിലയുമാണ് രണ്ട് വലിയ റയൽ മാഡ്രിഡ് തട്ടിപ്പുകാർ.” പെരസ് കൂട്ടിച്ചേർത്തു. കളിക്കാർ ക്ലബ്ബിലേക്ക് കൊണ്ടുവരുന്ന മനോഭാവത്തെ താൻ വെറുക്കുന്നുവെന്നും അവരിൽ ആരുടേയും ആരാധകനല്ലെന്നും ഫ്ലോറന്റിനോ പെരസ് വെളിപ്പെടുത്തി.” കളിക്കാർ വളരെ സ്വാർത്ഥരാണ്, അവരെ ഒന്നിനും ആശ്രയിക്കാനാവില്ല. അങ്ങനെ ചെയ്താൽ അവർ നിങ്ങളെ നിരാശരാക്കും കളിക്കാരെക്കുറിച്ച് എനിക്ക് ഭയങ്കര വീക്ഷണമുണ്ട്.” പെരസ് കൂട്ടിച്ചേർത്തു.


മുൻ റയൽ മാഡ്രിഡ് സ്‌ട്രൈക്കർ റൗളിനെ സ്വാർത്ഥനാണെന്ന് ഫ്ലോറന്റിനോ പെരസ് വിളിച്ചത് .ക്രിസ്റ്റ്യാനോ റൊണാൾഡോ ക്ലബ്ബിൽ വരുന്നതിനു മുൻപ് വരെ 323 ഗോളുകളുമായി റയൽ മാഡ്രിഡിന്റെ റെക്കോർഡ് ഗോൾ സ്‌കോററായിരുന്നു റൗൾ. സ്പാനിഷ് സ്‌ട്രൈക്കർ സ്വാർത്ഥനാണെന്നും ഡ്രസ്സിംഗ് റൂമിലെ നെഗറ്റീവ് വ്യക്തിയാണെന്നും ഫ്ലോറന്റിനോ പെരസ് ആരോപിച്ചു. റൗൾ വളരെ മോശക്കാരനാണെന്നും മാഡ്രിഡിലുള്ളതെല്ലാം സ്വന്തം നേട്ടത്തിനായി ഉപയോഗിക്കുകയും ചെയ്തു.മാഡ്രിഡിനെയും കളിക്കാരുടെ മനോവീര്യത്തെയും നശിപ്പിക്കുകയാണ് അദ്ദേഹം ചെയ്തത്.

നിലവിൽ റൗൾ റയൽ മാഡ്രിഡിന്റെ ഭാഗമാണ്.കാസ്റ്റില്ലയിൽ ഹെഡ് കോച്ചായി ജോലി ചെയ്യുന്നതിനാൽ റൗളിനെതിരെ ഫ്ലോറന്റിനോ പെരസിന്റെ അഭിപ്രായങ്ങൾ ആശ്ചര്യകരമാണ്.ഗാലക്റ്റിക്കോസ് നയത്തിന്റെ വലിയ വക്താവാണ് പെരസ്.യൂത്ത് അക്കാദമി താരങ്ങളേക്കാൽ സൂപ്പർ താരങ്ങളെ ടീമിലെത്തിക്കാൻ താൽപര്യപ്പെടുന്ന ആളാണ്.