വിരാട് കോലി ,ശിഖർ ധവാൻ, ഡേവിഡ് വാർണർ എന്നിവർക്കൊപ്പം ഇനി രോഹിത് ശർമയും

ഹൈദരാബാദിലെ രാജീവ് ഗാന്ധി ഇന്റർനാഷണൽ സ്റ്റേഡിയത്തിൽ സൺറൈസേഴ്‌സ് ഹൈദരാബാദിനെതിരായ മത്സരത്തിൽ മുംബൈ ഇന്ത്യൻസും ഇന്ത്യൻ നായകൻ രോഹിത് ശർമ്മ ഇന്ത്യൻ പ്രീമിയർ ലീഗിൽ 6000 റൺസ് പിന്നിട്ടു.

റോയൽ ചലഞ്ചേഴ്‌സ് ബാംഗ്ലൂരിന്റെ വിരാട് കോഹ്‌ലി, പഞ്ചാബ് കിംഗ്‌സിന്റെ ക്യാപ്റ്റൻ ശിഖർ ധവാൻ, ഡൽഹി ക്യാപിറ്റൽസ് ക്യാപ്റ്റൻ ഡേവിഡ് വാർണർ എന്നിവർക്ക് ശേഷം എലൈറ്റ് ക്ലബ്ബിൽ പ്രവേശിക്കുന്ന നാലാമത്തെ ബാറ്ററാണ് ശർമ്മ .ഐപിഎൽ 2023ൽ ഏപ്രിൽ 8ന് രാജസ്ഥാൻ റോയൽസിനെതിരായ മത്സരത്തിനിടെയാണ് ഓസ്‌ട്രേലിയൻ താരം വാർണർ 6000 റൺസ് പിന്നിട്ടത്.227 ഇന്നിംഗ്‌സുകൾ എടുത്താണ് രോഹിത് 6000 റൺസ് നേടിയത് .നാല് പേരിൽ ഏറ്റവും ഏറ്റവും കുറഞ്ഞ ഇന്നിഗ്‌സിൽ നിന്നും നേട്ടം കൈവരിച്ച താരമാണ് രോഹിത്.

വാർണർ 165 ഇന്നിംഗ്‌സുകൾ എടുത്തപ്പോൾ കോഹ്‌ലിയും ധവാനും യഥാക്രമം 188, 199 എന്നിങ്ങനെയാണ് ഈ നേട്ടം കൈവരിച്ചത്.ആറ് തവണ ഐ‌പി‌എൽ കിരീടം നേടിയിട്ടുള്ള രോഹിത് (അഞ്ച് തവണ മുംബൈ ഇന്ത്യൻസിനൊപ്പം ഒരു തവണ ഡെക്കാൻ ചാർജേഴ്‌സിനൊപ്പം) രണ്ട് ബാക്ക്-ടു-ബാക്ക് ബൗണ്ടറികളുമായി നാഴികക്കല്ലിൽ എത്തി. മത്സരത്തിൽ 28 റൺസെടുത്ത രോഹിതിനെ ടി.നടരാജൻ പുറത്താക്കി.

സൺറൈസേഴ്സിനെതിരെയുള്ള ഇന്നത്തെ മത്സരത്തിൽ ആദ്യം ബാറ്റ് ചെയ്ത മുംബൈ 20 ഓവറിൽ അഞ്ചു വിക്കറ്റിന് 192 റണ്സെടുത്തു. 40 പന്തിൽ നിന്നും ആറു ബൗണ്ടറിയും രണ്ടു സിക്സുമടക്കം 60 റണ്സെടുത്ത് പുറത്താവാതെ നിന്ന കാമറൂൺ ഗ്രീൻ ആണ് മുംബൈയുടെ ടോപ് സ്‌കോറർ. ഇഷാൻ കിഷൻ 38 ഉം തിലക് വർമ്മ 37 റൺസുമെടുത്ത് മികച്ച പിന്തുണ നൽകി.