‘പിച്ച് എങ്ങനെ പെരുമാറുമെന്ന് ക്യൂറേറ്റർക്ക് പോലും അറിയില്ല’ : ഇന്ത്യ-പാകിസ്ഥാൻ ടി20 ലോകകപ്പ് മത്സരത്തെക്കുറിച്ച് രോഹിത് ശർമ്മ | T20 World Cup 2024
ട്വന്റി 20 ലോകകപ്പില്‍ ഇന്ന് നടക്കുന്ന മത്സരത്തിൽ പാകിസ്താനാണ് ഇന്ത്യയുടെ എതിരാളികൾ.രാത്രി എട്ടുമുതല്‍ ന്യൂയോര്‍ക്കിലെ നാസോ കൗണ്ടി സ്റ്റഡിയത്തില്‍ ആണ് മത്സരം അരങ്ങേറുക.ലോകകപ്പിലെ ആദ്യമത്സരത്തില്‍ ഇന്ത്യ അയര്‍ലന്‍ഡിനെ എട്ടുവിക്കറ്റിന് പരാജയപെടുത്തിയപ്പോൾ പാക്കിസ്ഥാൻ അമേരിക്കയോട് പരാജയപെട്ടു.
നസൗ കൗണ്ടി ഗ്രൗണ്ടിലെ പ്രവചനാതീതമായ പിച്ചിൽ പാക്കിസ്ഥാനെതിരായ ടി20 ലോകകപ്പ് പോരാട്ടത്തിൽ എന്താണ് പ്രതീക്ഷിക്കേണ്ടതെന്ന് തനിക്ക് അറിയില്ല എന്ന് ഇന്ത്യൻ നായകൻ രോഹിത് ശർമ്മ പറഞ്ഞു. വിക്കറ്റുകളെ കുറിച്ച് ക്യൂറേറ്റർ പോലും ആശയക്കുഴപ്പത്തിലാണ് എന്നും അദ്ദേഹം കൂട്ടിച്ചേർത്തു.”ന്യൂയോർക്ക് ഞങ്ങളുടെ ഹോം ഗ്രൗണ്ടല്ല. ഞങ്ങൾ ഇവിടെ രണ്ട് മത്സരങ്ങൾ കളിച്ചിട്ടുണ്ട്, പക്ഷേ അതിൻ്റെ സ്വഭാവത്തെക്കുറിച്ച് ഞങ്ങൾക്ക് വലിയ അവബോധമില്ല. വ്യത്യസ്ത ദിവസങ്ങളിൽ ഇത് വ്യത്യസ്തമായി പെരുമാറുന്നു, അതിനാൽ ക്യൂറേറ്റർ പോലും ആശയക്കുഴപ്പത്തിലാണ്, ”പാകിസ്ഥാനെതിരായ മത്സരത്തിൻ്റെ മുന്നോടിയായി രോഹിത് പറഞ്ഞു.
“ഞങ്ങൾ ഏത് പിച്ചിലാണ് (പാകിസ്ഥാനെതിരെ) കളിക്കുന്നതെന്ന് ഞങ്ങൾക്ക് അറിയില്ല, അതിനാൽ, മികച്ച ക്രിക്കറ്റ് കളിക്കുന്നയാൾ മത്സരം വിജയിക്കും,” അദ്ദേഹം കൂട്ടിച്ചേർത്തു.നല്ല ക്രിക്കറ്റ് കളിക്കുന്നതിലൂടെ അത്തരം ബാഹ്യ ഘടകങ്ങളെ നിർവീര്യമാക്കാൻ കഴിയുമെന്നും തൻ്റെ സഹതാരങ്ങൾ പലപ്പോഴും കഠിനമായ സാഹചര്യങ്ങളിൽ അഭിവൃദ്ധി പ്രാപിക്കുമെന്നും ക്യാപ്റ്റൻ പറഞ്ഞു.
അസമമായ ബൗൺസ് കാരണം അയർലൻഡിനെതിരായ ടൂർണമെൻ്റ്-ഓപ്പണറിൽ രോഹിതിന് പരിക്കേറ്റിരുന്നു.ഇന്ത്യയുടെ ബാറ്റിംഗ് ലൈനപ്പിൽ മാറ്റമുണ്ടായേക്കുമെന്ന സൂചന രോഹിത് നൽകുകയും ചെയ്തു.ഏഴ് മാസം മുമ്പ് ഏഷ്യാ കപ്പിലും ഏകദിന ലോകകപ്പിലും ഇന്ത്യൻ ടീം പാകിസ്താനെ ഒടുവിൽ നേരിട്ടത്. എന്നാൽ ട്വന്റി 20 പ്രവചനാതീതമാണെന്നും ഇന്ത്യൻ ക്യാപ്റ്റൻ സൂചിപ്പിച്ചു.
