‘ജസ്പ്രീത് ബുംറയ്ക്ക് പകരം രോഹിത് ശർമ്മയെ ‘പ്ലയർ ഓഫ് ദ മാച്ച്’ ആയി തിരഞ്ഞെടുക്കേണ്ടതായിരുന്നു’ : ആകാശ് ചോപ്ര |World Cup 2023
ഇന്ത്യൻ ക്യാപ്റ്റൻ രോഹിത് ശർമ്മ ലോകകപ്പിലെ തന്റെ മിന്നുന്ന ഫോം തുടർന്ന് കൊണ്ടിരിക്കുകയാണ്. കഴിഞ്ഞ ദിവസം ലോകകപ്പിലെ ഗ്ലാമർ പോരാട്ടത്തിൽ പാകിസ്താനെ തിരെ ഇന്ത്യ വിജയം നേടിയപ്പോൾ 86 റൺസ് നേടി ഇന്ത്യൻ ക്യാപ്റ്റൻ നിർണായക പ്രകടനം പുറത്തെടുത്തു.
ഷഹീൻ അഫ്രീദി, ഹാരിസ് റൗഫ്, ഹസൻ അലി എന്നിവർക്കെതിരെ ഓപ്പണർ യഥേഷ്ടം ബൗണ്ടറികളും സിക്സറുകളും പായിച്ചു, പാകിസ്ഥാൻ ഉയർത്തിയ 192 റൺസ് വിജയ ലക്ഷ്യം 19 ഓവർ ശേഷിക്കെ നാല് വിക്കറ്റ് നഷ്ടത്തിൽ ഇന്ത്യ മറികടന്നു.അഹമ്മദാബാദിൽ ടീം ഇന്ത്യ പാക്കിസ്ഥാനെ ഏഴ് വിക്കറ്റിന് തോൽപ്പിച്ചതിന് ഒരു ദിവസത്തിന് ശേഷം, മുൻ ടെസ്റ്റ് ഓപ്പണർ ആകാശ് ചോപ്ര നിലവിലെ നായകൻ രോഹിത് ശർമ്മയെ തന്റെ റൺ-ചേസ് മാസ്റ്റർ ക്ലാസുകളിൽ ഒന്ന് കൂടി പുറത്തെടുത്തതിന് പ്രശംസിച്ചു.
![](https://sportssify.com/wp-content/uploads/2023/10/FotoJet-2023-10-14T200236.791.jpg)
മത്സരത്തിൽ തന്റെ അനായാസമായ സിക്സറുകളിലൂടെ ശർമ്മ മുൻനിര പാകിസ്ഥാൻ ബൗളർമാരെ കാൽനട ബോളർമാരെപ്പോലെയാക്കിയെന്ന് ചോപ്ര പറഞ്ഞു.” രോഹിത് ശർമ്മ എല്ലായിടത്തും സിക്സറുകൾ അടിച്ചു, അതും നമ്മൾ ബഹുമാനിക്കുന്ന ബൗളർമാർക്കെതിരെ. ഷഹീൻ അഫ്രീദി, ഹാരിസ് റൗഫ്, ഹസൻ അലി – അവർ വളരെ മാന്യമായ ബൗളർമാരാണ്. എന്നാൽ രോഹിത് ശർമ്മ അവരെ കാൽനട ബൗളർമാരെപ്പോലെയാക്കി” ചോപ്ര പറഞ്ഞു.
— Cricket Videos Only (@cricketvideos23) October 14, 2023
ജസ്പ്രീത് ബുംറയ്ക്ക് പകരം രോഹിത് ശർമ്മയെ ‘പ്ലയർ ഓഫ് ദ മാച്ച്’ ആയി തിരഞ്ഞെടുക്കേണ്ടതായിരുന്നുവെന്നും അദ്ദേഹം പറഞ്ഞു.ശർമ്മയുടെ ഗംഭീരമായ 86 റൺസ് ഈ ടൂർണമെന്റിൽ ഇന്ത്യയുടെ തുടർച്ചയായ മൂന്നാം വിജയത്തിന് കാരണമായി, കൂടാതെ ചിരവൈരികളായ പാകിസ്ഥാനെതിരായ ഇന്ത്യയുടെ എട്ടാം ലോകകപ്പ് വിജയത്തിനും കാരണമായി .