‘ക്രിസ്റ്റ്യാനോയും റെക്കോർഡുകളും’ : അഞ്ചു വേൾഡ് കപ്പുകളിൽ ഗോൾ നേടുന്ന ആദ്യ താരമായി റൊണാൾഡോ |Qatar 2022|Cristiano Ronaldo

ഖത്തറിലെ 974 സ്റ്റേഡിയത്തിൽ ഘാനയ്‌ക്കെതിരെ വലകുലുക്കി അഞ്ച് വ്യത്യസ്ത ലോകകപ്പുകളിൽ സ്‌കോർ ചെയ്യുന്ന ആദ്യ കളിക്കാരനായി ക്രിസ്റ്റ്യാനോ റൊണാൾഡോ.ത്സരത്തിൽ റൊണാൾഡോ 65 ആം മിനുട്ടിൽ പെനാൽറ്റി വലയിലെത്തിച്ചാണ് റെക്കോർഡ് കരസ്ഥമാക്കിയത്.

ജർമ്മനി 2006, ദക്ഷിണാഫ്രിക്ക 2010, ബ്രസീൽ 2014, റഷ്യ 2018 എന്നി ലോകകപ്പുകളിൽ 37 കാരൻ ഗോളുകൾ നേടിയിട്ടുണ്ട്.റൊണാൾഡോയുടെ വേൾഡ് കപ്പിലെ എട്ടാമത്തെ ഗോൾ ആയിരുന്നു ഇത്. ഇതോടെ അഞ്ചു വേൾഡ് കപ്പിൽ ഗോൾ നേടുന്ന ആദ്യ താരമായി റൊണാൾഡോ മാറിയിരിക്കുകയാണ്. സൂപ്പര്‍താരങ്ങളായ ലയണല്‍ മെസ്സി, മിറോസ്ലാവ് ക്ലോസെ, പെലെ, ഉവ് സീലര്‍ എന്നിവര്‍ നാല് ലോകകപ്പുകളില്‍ ഗോള്‍ നേടിയിരുന്നു. ഈ റെക്കോര്‍ഡാണ് പഴങ്കഥയായത്. ഇന്നത്തെ ഗോളോടെ ലോകകപ്പ് ഗോളുകളിൽ ലയണൽ മെസ്സിയെ മറികടക്കാനും റൊണാൾഡോക്ക് സാധിച്ചു.2022 ലോകകപ്പിലേക്ക് വരുന്ന ലയണൽ മെസ്സിക്ക് 19 മത്സരങ്ങളിൽ നിന്ന് ആറ് ഗോളുകൾ ഉണ്ടായിരുന്നു.

ടൂർണമെന്റിലെ അർജന്റീനയുടെ ഉദ്ഘാടന മത്സരത്തിൽ സൗദി അറേബ്യയ്‌ക്കെതിരായ സ്പോട്ട് കിക്കിന് ശേഷം അത് 20 ൽ ഏഴായി ഉയർന്നു. മറുവശത്ത് 2018 പതിപ്പിൽ സ്പെയിനിനെതിരായ ഹാട്രിക്ക് ഉൾപ്പെടെ റൊണാൾഡോ 18 ലോകകപ്പ് മത്സരങ്ങളിൽ നിന്ന് എട്ട് ഗോളുകൾ നേടിയിട്ടുണ്ട്.2003-ൽ പോർച്ചുഗലിനായി അരങ്ങേറ്റം കുറിച്ച ശേഷം 191 അന്താരാഷ്ട്ര മത്സരങ്ങളിൽ നിന്ന് 117 ഗോളുകൾ റൊണാൾഡോ നേടിയിട്ടുണ്ട്, ഇറാനിയൻ ഇതിഹാസം അലി ദേയിയെ മറികടന്ന് ഏറ്റവും കൂടുതൽ അന്താരാഷ്ട്ര ഗോളുകൾ നേടിയ ലോക റെക്കോർഡ് ഉടമയായി റൊണാൾഡോ മാറിയിരുന്നു.ഘാനയ്‌ക്കെതിരായ ഗോളോടെ റോജർ മില്ലയ്‌ക്ക് ശേഷം ഫിഫ ലോകകപ്പിന്റെ ചരിത്രത്തിലെ ഏറ്റവും പ്രായം കൂടിയ രണ്ടാമത്തെ ഗോൾ സ്‌കോററും 2022 ലെ ഖത്തറിലെ ഏറ്റവും പ്രായം കൂടിയ ഗോൾ സ്‌കോററും റൊണാൾഡോ ആയി.

2006-ൽ അരങ്ങേറ്റം കുറിച്ചത് മുതൽ ഈ പോർച്ചുഗീസ് സൂപ്പർ താരം ലോകകപ്പിന്റെ എല്ലാ പതിപ്പുകളിലും പ്രത്യക്ഷപ്പെട്ടിട്ടുണ്ട്. നിലവിൽ ഖത്തറിൽ തന്റെ അഞ്ചാം ലോകകപ്പ് കളിക്കുകയാണ്, അഞ്ച് ലോകകപ്പുകളിൽ ഇതുവരെ ഗോൾ നേടുന്ന ഒരേയൊരു കളിക്കാരനാണ് അദ്ദേഹം.2022 ലെ ഖത്തർ ലോകകപ്പിൽ പോർച്ചുഗലിന്റെ എക്കാലത്തെയും മികച്ച ഗോൾ സ്‌കോറർ എന്ന നിലയിൽ ഒമ്പത് ലോകകപ്പ് ഗോളുകളുള്ള ഇതിഹാസ താരം യുസേബിയോയെ മറികടക്കാൻ റൊണാൾഡോയ്ക്ക് ഇനി രണ്ട് ഗോളുകൾ കൂടി വേണം.