ഐ‌പി‌എല്ലി ൽ “വിക്കറ്റ് കീപ്പിംഗ്, ക്യാപ്റ്റൻസി, ബാറ്റിംഗ്” എന്നിങ്ങനെ ട്രിപ്പിൾ റോളുകൾ ചെയ്യുന്ന സഞ്ജു “അസാധാരണ പ്രതിഭയാണ് “

വൈറ്റ് ബോൾ ക്രിക്കറ്റിലെ ഏറ്റവും മികച്ച ഹിറ്റർമാരിൽ ഒരാളാണ് സഞ്ജു സാംസൺ. ഐപിഎൽ 2021-ൽ രാജസ്ഥാൻ റോയൽസിനായി ഏറ്റവും കൂടുതൽ റൺസ് നേടിയ സഞ്ജുവിനെ, ഐപിഎൽ 2022 താരലേലത്തിന് മുന്നോടിയായി ഫ്രാഞ്ചൈസി നിലനിർത്തുകയായിരുന്നു. ഈ സീസണിൽ ഇതുവരെ 16 ഇന്നിംഗ്‌സുകളിൽ നിന്ന് 444 റൺസ് സാംസൺ നേടിയിട്ടുണ്ടെങ്കിലും, തന്റെ ഇന്നിംഗ്സുകൾ വലിയ സ്കോറുകളാക്കി മാറ്റാത്തതിന് വിമർശിക്കപ്പെട്ടിരുന്നു.

ഐ‌പി‌എൽ പോലെയൊരു മഹത്തായ ഒരു ടൂർണമെന്റിൽ വിക്കറ്റ് കീപ്പിംഗ്, ക്യാപ്റ്റൻസി, ബാറ്റിംഗ് എന്നിങ്ങനെ ട്രിപ്പിൾ റോളുകൾ നിർവഹിക്കാൻ കഴിഞ്ഞതിനാൽ സഞ്ജു സാംസണെ “അസാധാരണ പ്രതിഭ ” എന്ന് രാജസ്ഥാൻ റോയൽസ് ക്രിക്കറ്റ് ഡയറക്ടർ കുമാർ സംഗക്കാര വിലയിരുത്തി .“സഞ്ജു അസാധാരണമാണ്. കഴിഞ്ഞ സീസണിൽ കോവിഡ് മൂലം നിരവധി പ്രക്ഷോഭങ്ങളുമായാണ് തന്റെ ക്യാപ്റ്റൻസി ആരംഭിച്ചത് .പക്ഷേ അദ്ദേഹം ശരിക്കും തന്റെ റോളിലേക്ക് വളർന്നു, ”സംഗക്കാര പറഞ്ഞു.“അദ്ദേഹം വളരെ മൃദുവായ, വളരെ കരുതലുള്ള വ്യക്തിയാണ്. അദ്ദേഹം ബാറ്റിൽ അസാധാരണ വൈദഗ്ധ്യം നേടിയിട്ടുണ്ട്. ക്യാപ്റ്റൻസിയുടെ ഈ ടെസ്റ്റിംഗ് റോൾ ഏറ്റെടുക്കുന്നതിൽ അദ്ദേഹം വളരെയധികം അഭിനിവേശം പ്രകടിപ്പിച്ചിട്ടുണ്ട്” അദ്ദേഹം കൂട്ടിച്ചേർത്തു.

അടുത്തിടെ നടന്ന ഒരു സംഭാഷണത്തിൽ, മുൻ ഇന്ത്യൻ ക്രിക്കറ്റ് താരങ്ങളായ ദീപ് ദാസ്ഗുപ്തയും വസീം ജാഫറും സഞ്ജു സാംസണിന്റെ ഫോമിനെക്കുറിച്ച് തങ്ങളുടെ കാഴ്ചപ്പാടുകൾ പങ്കിട്ടു. ടൂർണമെന്റിന്റെ ഈ കഴിഞ്ഞ രണ്ട് സീസണുകളിൽ ആർആർ ക്യാപ്റ്റൻ കൂടുതൽ സ്ഥിരതയുള്ളവനും പക്വതയുള്ളവനുമായി മാറിയെന്ന് ദാസ്ഗുപ്ത അഭിപ്രായപ്പെട്ടു. ക്വാളിഫയർ 1-ൽ ഗുജറാത്ത് ടൈറ്റൻസിനെതിരെ 26 പന്തിൽ 47 റൺസ് നേടിയ സാംസണിന്റെ ഇന്നിംഗ്‌സിനെ അദ്ദേഹം പ്രത്യേകം പ്രശംസിച്ചു,

“ഈ സീസണിൽ ചില സമയങ്ങളിൽ സഞ്ജു തന്റെ ടീമിനെ മുന്നിലെത്തിച്ചിട്ടുണ്ടെന്ന് ഞാൻ കരുതുന്നു. ഈ കഴിഞ്ഞ രണ്ട് സീസണുകളിലായി, സഞ്ജു തന്റെ സമീപനത്തിൽ കൂടുതൽ സ്ഥിരതയുള്ളവനും പക്വതയുള്ളവനുമായി. ജോസ് ബട്ട്‌ലറെ പോലെയുള്ള ഒരാളെ മികച്ച രീതിയിൽ കളിക്കാൻ സഞ്ജുവിന്റെ ഇന്നിംഗ്‌സ് സഹായിച്ചു. ഈ സീസണിൽ സഞ്ജു മികച്ച പ്രകടനം കാഴ്ചവച്ചു. ബട്ട്‌ലർ സമ്മർദ്ദത്തിലല്ലെന്ന് ഉറപ്പുവരുത്തിയതിനാൽ, വലിയ റൺസ് നേടാത്തതിന് ഞാൻ സഞ്ജുവിനെ വിമർശിക്കില്ല,” ദാസ്ഗുപ്ത പറഞ്ഞു.

സഞ്ജു സാംസൺ തീർച്ചയായും ഇംപാക്ടീവ് നോക്കുകൾ കളിച്ചിട്ടുണ്ട് എന്ന് മുൻ ഇന്ത്യൻ താരം വസീം ജാഫറും അഭിപ്രായപ്പെട്ടു. “ടി20കളിൽ ശരാശരി ഓവർ-റേറ്റഡ് ആണ്, എന്നാൽ സ്‌ട്രൈക്ക് റേറ്റ് നിർണായകമാണ്, നിങ്ങൾക്ക് മത്സരത്തിൽ എത്രത്തോളം സ്വാധീനം ചെലുത്താനാകും എന്ന് സ്ട്രൈക്ക് റേറ്റ് തെളിയിക്കുന്നു. മൂന്നോ നാലോ നമ്പറിൽ ബാറ്റ് ചെയ്യുകയാണെങ്കിൽ, അവർക്ക് 14-15 ഓവർ ബാറ്റ് ചെയ്യാൻ കഴിയുമോ എന്ന് നോക്കേണ്ടതില്ല. നിങ്ങൾക്ക് കഴിയുന്ന പരമാവധി ചെയ്യുക, ശേഷം അടുത്ത ബാറ്റർ ആ ഉത്തരവാദിത്തം ഏറ്റെടുക്കും, സഞ്ജു അത് ചെയ്തു, അവൻ അതിൽ വിജയിച്ചു,” ജാഫർ പറഞ്ഞു.