‘സഞ്ജു സാംസൺ എംഎസ് ധോണിയെപ്പോലെയാണ്’: രാജസ്ഥാൻ ക്യാപ്റ്റനെ പ്രശംസിച്ച് യുസ്വേന്ദ്ര ചാഹൽ
രാജസ്ഥാൻ റോയൽസ് നായകൻ സഞ്ജു സാംസണിന് ചെന്നൈ സൂപ്പർ കിംഗ്സ് നായകനും ഇതിഹാസ മുൻ ഇന്ത്യൻ ക്യാപ്റ്റനുമായ എംഎസ് ധോണിയുമായി ഒരുപാട് സാമ്യതകളുണ്ടെന്ന് യുസ്വേന്ദ്ര ചാഹൽ.കഴിഞ്ഞ സീസൺ 27 വിക്കറ്റുമായി ഐ‌പി‌എൽ പർപ്പിൾ ക്യാപ്പ് ജേതാവായി പൂർത്തിയാക്കിയ ചാഹൽ ഈ സീസണിൽ ഇതുവരെ 12 വിക്കറ്റ് നേടിയ അദ്ദേഹം നിലവിൽ ഐ‌പി‌എൽ പർപ്പിൾ ക്യാപ് റേസിൽ അഞ്ചാം സ്ഥാനത്താണ്.
തന്റെ കരിയറിൽ ഇന്ത്യയിലും ഐപിഎല്ലിലും നാല് ക്യാപ്റ്റൻമാരുടെ കീഴിൽ കളിച്ചിട്ടുള്ള ചാഹൽ തന്റെ പ്രിയപ്പെട്ട ക്യാപ്റ്റനെയും തെരഞ്ഞെടുത്തു.എംഎസ് ധോണി, വിരാട് കോഹ്‌ലി, രോഹിത് ശർമ്മ, സഞ്ജു സാംസൺ എന്നിവരിൽ തന്റെ പ്രിയപ്പെട്ട ക്യാപ്റ്റനെ തിരഞ്ഞെടുത്തു.ചാഹൽ തന്റെ നിലവിലെ ഫ്രാഞ്ചൈസി ക്യാപ്റ്റൻ സഞ്ജു സാംസണെ തന്റെ പ്രിയപ്പെട്ടവനായി തിരഞ്ഞെടുത്തു, അദ്ദേഹം ധോണിയുമായി വളരെ സാമ്യമുള്ളവനാണെന്ന് കൂട്ടിച്ചേർത്തു.
റോയൽ ചലഞ്ചേഴ്സ് ബാംഗ്ലൂരിൽ ഏഴ് വർഷം ചെലവഴിച്ചതിന് ശേഷം, 2022 ലെ ലേലത്തിന് മുന്നോടിയായി ആർ‌ആർ ചാഹലിനെ തിരഞ്ഞെടുത്തു.’മഹി ഭായ്, വിരാട് കോഹ്‌ലി, രോഹിത് ശർമ്മ എന്നിവരായാലും ഒരു ബൗളർ ആവശ്യപ്പെടുന്ന ആ സ്വാതന്ത്ര്യം ഞാൻ കളിച്ച മൂന്ന് ക്യാപ്റ്റൻമാർക്കും ലഭിച്ചുവെന്ന് ഞാൻ കരുതുന്നു, അതെ, അതാണ് എനിക്ക് ലഭിച്ചത്,” ചാഹൽ പറഞ്ഞു.
“ഐ‌പി‌എല്ലിൽ സഞ്ജു സാംസൺ തീർച്ചയായും എന്റെ പ്രിയപ്പെട്ടവനാണ്. അക്ഷരാർത്ഥത്തിൽ മഹി ഭായിയുമായി സാമ്യമുള്ള ആളാണെന്ന് എനിക്ക് തോന്നുന്നു.അദ്ദേഹം വളരെ ശാന്തനുമാണ്.എന്റെ ബൗളിങില്‍ കഴിഞ്ഞ വര്‍ഷം 10 ശതമാനം വളര്‍ച്ചയുണ്ടാവാന്‍ കാരണക്കാരന്‍ സഞ്ജുവാണ്. മല്‍സരത്തിലെ നാലോവര്‍ എനിക്കു ഇഷ്ടമുള്ളതു പോലെ ബൗള്‍ ചെയ്യാനുള്ള സ്വാതന്ത്ര്യം സഞ്ജു നല്‍കുകയായിരുന്നു. എന്റെ ഭാഗത്തു നിന്നും ഒരു നിയന്ത്രണവുമുണ്ടാവില്ല ചാഹൽ പറഞ്ഞു.
