2005ന് ശേഷം ആദ്യമായാണ് ഏഴ് തവണ ജേതാവായ ലയണൽ മെസ്സിക്ക് ബാലൺ ഡി ഓർ നോമിനേഷൻ നഷ്‌ടമാകുന്നത് |Lionel Messi

ഏഴു തവണ ബാലൺ ഡി ഓർ ജേതാവായ ലയണൽ മെസ്സി ഈ വർഷത്തെ 30 പേരുടെ പട്ടികയിൽ നിന്ന് പുറത്തായി.പാരീസ് സെന്റ് ജെർമെയ്‌നുമായുള്ള തന്റെ ആദ്യ സീസണിൽ അർജന്റീന താരത്തിന് പ്രതീക്ഷക്കൊത്ത പ്രകടനം പുറത്തെടുക്കാനായി സാധിച്ചില്ല.

കഴിഞ്ഞ വർഷം അവാർഡ് നേടിയ മെസ്സി 2006 മുതൽ നോമിനേഷനുകളിൽ എക്കാലത്തെയും സജീവ സാന്നിധ്യമായിരുന്നു, 2018 ഒഴികെ 2007 മുതൽ ആദ്യ മൂന്ന് സ്ഥാനങ്ങളിൽ സ്ഥിരം മെസ്സിയുടെ പേര് ഉണ്ടായിരുന്നു.എന്നാൽ ബാഴ്‌സലോണയിൽ നിന്ന് ഫ്രഞ്ച് തലസ്ഥാനത്തേക്ക് മാറിയതിനെ തുടർന്ന് 35 കാരനായ മെസ്സിക്ക് 2022 ലെ അവാർഡ് നഷ്ടമായിരിക്കുകയാണ്. ഒരു കലണ്ടർ വർഷത്തിലെ ഏറ്റവും മികച്ച കളിക്കാരനെ ഇനി മുതൽ ബാലൺ ഡി ഓർ അംഗീകരിക്കാത്തതിനാൽ ഫോർമാറ്റിലെ മാറ്റം അർജന്റീനിയൻ സൂപ്പർതാരത്തിനെയും ബാധിച്ചിട്ടുണ്ട്. 2021 ലെ സമ്മറിൽ ബാഴ്‌സലോണ വിട്ടതിന് ശേഷം ചാമ്പ്യൻസ് ലീഗ് കിരീടത്തിനായി കൊതിക്കുന്ന PSG ടീമിൽ തന്റെ പ്രതിഭയെ മുദ്രകുത്താൻ മെസ്സിക്ക് കഴിഞ്ഞില്ല.ഒടുവിൽ ജേതാക്കളായ റയൽ മാഡ്രിഡിന് മുന്നിൽ ഫ്രഞ്ച് ചാമ്പ്യന്മാർ അവസാന 16-ൽ പുറത്തായി.

ഒക്‌ടോബർ 17 ന് പാരീസിൽ സമ്മാനിക്കുന്ന ബാലൺ ഡി ഓറിന്റെ സംഘാടകരായ ഫ്രാൻസ് ഫുട്‌ബോൾ മാസികയെ ആകർഷിക്കുന്നതിൽ പരാജയപ്പെട്ട മെസ്സി പിഎസ്ജിക്ക് വേണ്ടി ആകെ 11 ഗോളുകൾ മാത്രമാണ് നേടിയത്.28 മത്സരങ്ങളിൽ നിന്ന് 13 ഗോളുകൾ നേടിയ പിഎസ്ജിയുടെ സഹതാരം നെയ്മറിനും ഒരു സീസണിന് ശേഷം നോമിനേഷനും നഷ്ടമായി.എന്നിരുന്നാലും ഈ ലിസ്റ്റിൽ ഇടം നേടിയ ചില താരങ്ങളെ അപേക്ഷിച്ച് നോക്കുമ്പോൾ ഭേദപ്പെട്ട പ്രകടനം തന്നെയാണ് മെസ്സി നടത്തിയിട്ടുള്ളത്.

പിഎസ്ജിക്കൊപ്പം ലീഗ് വൺ കിരീടം,ട്രോഫി ഡെസ് ചാമ്പ്യൻസ് എന്നിവ മെസ്സി നേടിയിട്ടുണ്ട്.കൂടാതെ അർജന്റീനക്ക് വേണ്ടി ഫൈനലിസിമയിൽ മികച്ച പ്രകടനം നടത്തിക്കൊണ്ട് കിരീടം നേടി കൊടുക്കാൻ മെസ്സിക്ക് സാധിച്ചിട്ടുമുണ്ട്.ലീഗ് വണ്ണിൽ കഴിഞ്ഞ സീസണിൽ ഏറ്റവും കൂടുതൽ അസിസ്റ്റുകൾ നേടിയ താരങ്ങളിൽ മുൻ നിരയിൽ മെസ്സിക്ക് ഇടവുമുണ്ട്.ഇവയൊക്കെ ചൂണ്ടിക്കാണിക്കാൻ ഉണ്ടായിട്ടും മെസ്സിയെ തഴഞ്ഞതിൽ സോഷ്യൽ മീഡിയയിൽ ആരാധകർ വലിയ വിമർശനങ്ങൾ ഉന്നയിക്കുന്നുണ്ട്.ലയണൽ മെസ്സിയുടെ അഭാവം ആരാധകർക്ക് നിരാശ നൽകുന്നത് തന്നെയാണ്.

റയൽ മാഡ്രിഡിന്റെ 14-ാമത് ചാമ്പ്യൻസ് ലീഗ് കിരീടത്തിന്റെ ശില്പിയായതിന് ശേഷം ഫ്രഞ്ച് അന്താരാഷ്ട്ര സ്‌ട്രൈക്കർ കരിം ബെൻസെമയാണ് അവാർഡ് നേടാൻ ഏറ്റവും പ്രിയപ്പെട്ടത്.റെയ്മണ്ട് കോപ (1958), മൈക്കൽ പ്ലാറ്റിനി (1983, 1984, 1985), ജീൻ പിയറി പാപിൻ (1991), സിനദീൻ സിദാൻ (1998) എന്നിവർക്ക് ശേഷം ബെൻസെമ അഞ്ചാമത്തെ ഫ്രഞ്ച് ജേതാവാകാൻ സാധ്യതയുണ്ട്.