ബുംറയെ മറന്നേക്കൂ, പേസിലും വിക്കറ്റ് വീഴ്ത്തുന്നതിലും ഷഹീൻ അഫ്രീദി സിറാജിന് അടുത്ത് പോലുമില്ലെന്ന് ഹർഭജൻ
ഷഹീൻ അഫ്രീദിയെ ജസ്പ്രീത് ബുംറയുമായി താരതമ്യം ചെയ്യാൻ മുൻ ഇന്ത്യൻ താരം ഹർഭജൻ സിംഗ് വിസമ്മതിച്ചു. ബുംറയുടെ മത്സരം അദ്ദേഹത്തിനെതിരെ തന്നെയാണെന്നും ഷഹീന് ഇന്ത്യൻ പേസർക്ക് മുന്നിലെത്താൻ ഒരിക്കലൂം സാധിക്കില്ലെന്നും ഹർഭജൻ പറഞ്ഞു.പാക്കിസ്ഥാൻ്റെ സ്പീഡ്സ്റ്ററേക്കാൾ മികച്ച ബൗളറാണ് മുഹമ്മദ് സിറാജ് എന്നും അദ്ദേഹം പറഞ്ഞു.
ന്യൂസ് 24 സ്‌പോർട്‌സിലെ റാപ്പിഡ് ഫയർ റൗണ്ടിൽ, ഇതിഹാസ സ്പിന്നറോട് ജസ്പ്രീത് ബുമ്രയെയും ഷഹീൻ അഫ്രീദിയെയും താരതമ്യപ്പെടുത്തി മികച്ച താരത്തെ തിരഞ്ഞെടുക്കാൻ ആവശ്യപ്പെട്ടു.”ജസ്പ്രീത് ബുംറ , അദ്ദേഹത്തിന് മത്സരമില്ല. അഫ്രീദിയെക്കാൾ മികച്ച ബൗളറാണ് സിറാജ് എന്ന് ഞാൻ കരുതുന്നു. ആരോടും വിരോധമില്ലാതെ, പാകിസ്ഥാൻ ഫാസ്റ്റ് ബൗളറെക്കാൾ കൂടുതൽ പേസും വിക്കറ്റ് വീഴ്ത്താനുള്ള കഴിവും സിറാജിനുണ്ട്, ”അദ്ദേഹം പറഞ്ഞു.
“ഞാൻ ഇത് ആരെയെങ്കിലും സാധാരണക്കാരനാക്കാൻ വേണ്ടി പറയുന്നതല്ല, പക്ഷേ ഇതാണ് എൻ്റെ കാഴ്ചപ്പാട്, ആളുകൾക്ക് ഇഷ്ടപ്പെട്ടില്ലെങ്കിലും എൻ്റെ പോയിൻ്റ് പറയുന്നത് എനിക്ക് ശീലമാണ്,” അദ്ദേഹം കൂട്ടിച്ചേർത്തു.അടുത്തിടെ ഇംഗ്ലണ്ടിനെതിരായ ടെസ്റ്റ് പരമ്പരയിൽ കളിച്ച സിറാജ് നിർണായക വിക്കറ്റുകൾ വീഴ്ത്തിയിരുന്നു.
