ഐപിഎല്ലിലെ മികച്ച ക്യാപ്റ്റനാര് ? ധോണിയേയും രോഹിത് ശർമയേയും പിന്തള്ളി വിജയക്കണക്കിൽ ഈ ക്യാപ്റ്റനാണ് മുന്നിൽ

ഇന്ത്യൻ പ്രീമിയർ ലീഗിലെ ഏറ്റവും മികച്ച ക്യാപ്റ്റൻ ആരാണ്? ഏറ്റവും കൂടുതൽ തവണ ടീമിനെ പ്ലേ ഓഫിലെത്തിച്ചതും സ്ഥിരതയാർന്ന പ്രകടനവും നോക്കിയാൽ മഹേന്ദ്ര സിങ് ധോണിയെന്നാവും ഉത്തരം. മൂന്ന് തവണ ചെന്നൈ സൂപ്പർ കിങ്സ് ധോണിയുടെ നേതൃത്വത്തിൽ കിരീടം നേടിയിട്ടുണ്ട്. എന്നാൽ കപ്പ് നേടിയതിൻെറ കാര്യത്തിലാണെങ്കിൽ മികച്ച ക്യാപ്റ്റനായി മുംബൈ ഇന്ത്യൻസിൻെറ രോഹിത് ശർമ തന്നെയാവും മുന്നിൽ. നാല് തവണയാണ് രോഹിത് ടീമിനെ കിരീടത്തിലേക്ക് മുന്നിൽ നിന്ന് നയിച്ചിട്ടുള്ളത്. എന്നാൽ വിജയശതമാനത്തിൻെറ കണക്കിലോ? അങ്ങനെയെങ്കിൽ കാര്യങ്ങൾ അൽപം വ്യത്യസ്തമാണ്.

picture source /BCCI


7.വിരാട് കോഹ്‌ലി
ഇന്ത്യൻ നായകനായി വിരാട് കോലിക്ക് ഐപിഎല്ലിൽ അത്ര മികച്ച ക്യാപ്റ്റൻസി റെക്കോ‍ർഡല്ല ഉള്ളത്. കഴിഞ്ഞ സീസണിൽ കോലിയുടെ ടീമായ റോയൽ ചലഞ്ചേഴ്സ് ബാംഗ്ലൂ‍ർ ദയനീയ പ്രകടനമാണ് നടത്തിയത്. ഇത്തവണ യുഎഇയിൽ കപ്പ് നേടാൻ സാധ്യതയുള്ള ടീം ആയാണ് ആ‍ർസിബിയെ വിലയിരുത്തുന്നത്. 110 മത്സരങ്ങളിൽ ടിമീനെ നയിച്ചപ്പോൾ 44.5 മാത്രമാണ് കോലിയുടെ വിജയശതമാനം.

picture source /Gettyimages


6.ദിനേഷ് കാ‍ർത്തിക്
ഗൗതം ഗംഭീറിന് പകരക്കാരനായി കൊൽക്കത്ത നൈറ്റ് റൈഡേഴ്സിൻെറ നായകനായതാണ് ദിനേഷ് കാ‍ർത്തിക്. കടലാസിൽ മികച്ച ടീമാണെങ്കിലും കഴിഞ്ഞ രണ്ട് സീസണിലും കെകെആർ നിരാശപ്പെടുത്തിയിട്ടുണ്ട്. കാർത്തികിൻെറ ക്യാപ്റ്റൻസിയിലെ പോരായ്മയും ഇതിന് കാരണമാണ്. 36 മത്സരങ്ങളിൽ ടീമിനെ നയിച്ചപ്പോൾ 47.2 മാത്രമാണ് ഇന്ത്യൻ വിക്കറ്റ് കീപ്പറുടെ വിജയശതമാനം.

picture source/ IPL


5.ശ്രേയസ് അയ്യ‍ർ
ആദ്യമായി സീസൺ മുഴുവൻ നായകനായ 2019ൽ ഡൽഹിയെ ശ്രേയസ് പ്ലേ ഓഫിലെത്തിച്ചു. ഇന്ത്യൻ ടീമിൽ നി‍ർണായകതാരം കൂടിയാണ് ഇന്ന് ശ്രേയസ്. പരിചയസമ്പത്തും യുവത്വവും ഒരുപോലെ ഒത്തിണങ്ങിയ ടീമിനെയാണ് അദ്ദേഹം ഇക്കുറി നയിക്കുന്നത്. 24 മത്സരങ്ങളിൽ 54.2 ആണ് യുവതാരത്തിൻെറ വിജയശതമാനം.

Photo by Shaun Roy / IPL/ SPORTZPICS


4.ഡേവിഡ് വാ‍ർണർ
കഴിഞ്ഞ രണ്ട് സീസണുകൾക്ക് ശേഷം സൺ റൈസേഴ്സ് നായകനായി ഡേവിഡ് വാ‍ർണർ തിരിച്ചെത്തുകയാണ്. കെയ്ൻ വില്യംസണായിരുന്നു ഹൈദരാബാദിനെ നയിച്ചിരുന്നത്. 2016 സീസണിൽ വാ‍ർണർ ടീമിനെ കിരീടവിജയത്തിലേക്ക് നയിച്ചു. ഓസീസ് താരം ക്യാപ്റ്റനയപ്പോഴൊക്കെ ടീം പ്ലേ ഓഫിലെത്തിയിട്ടുണ്ട്. 47 മത്സരങ്ങളിൽ 55.3 ആണ് വിജയശതമാനം.

picture source /BCCI


3.രോഹിത് ശ‍ർമ
ഐപിഎല്ലിൽ നാല് കിരീടങ്ങൾ നേടിയിട്ടുള്ള നായകനാണ് രോഹിത് ശർമ. ഇതിഹാസതാരം സച്ചിൻ ടെണ്ടുൽക്ക‍ർ കളിച്ചിട്ടുള്ള ടീമിനെ ആദ്യമായി കിരീടവിജയത്തിലേക്ക് നയിച്ചത് രോഹിതാണ്. ആകെ 5 തവണ കിരീടം നേടിയിട്ടുള്ള ടീമിൻെറ ഭാഗമായിട്ടുണ്ട് രോഹിത്. വിജയശതമാനത്തിൻെറ കണക്കിലും രോഹിത് മുന്നിൽ തന്നെയാണ്. 104 മത്സരങ്ങളിൽ 57.7 ആണ് വിജയശതമാനം.

picture source/ AFP


2.എംഎസ് ധോണി
ചെന്നൈ സൂപ്പ‍ർ കിങ്സിനെ മൂന്ന് തവണ കിരീടത്തിലേക്ക് നയിച്ചിട്ടുണ്ട് എംഎസ് ധോണിയെന്ന നായകൻ. അന്താരാഷ്ട്ര ക്രിക്കറ്റിലെ അതേ ബുദ്ധികൂ‍ർമ്മതയും തന്ത്രങ്ങളും തന്നെയാണ് ധോണി ഐപിഎല്ലിലും ഉപയോഗപ്പെടുത്തുന്നത്. 174 മത്സരങ്ങളിൽ ടീമിനെ നയിച്ചിട്ടുള്ള ധോണിയുടെ വിജയശതമാനം 59.8 ആണ്. ഏറ്റവും കൂടുതൽ മത്സരങ്ങളിൽ ടീമിനെ നയിച്ചിട്ടുള്ളതും ധോണി തന്നെയാണ്.

picture source Rahul Gulati / Sportzpics for BCCI


1.സ്റ്റീവ് സ്മിത്ത്
ധോണിയെയും രോഹിതിനെയുമാണ് ഐപിഎല്ലിലെ മികച്ച ക്യാപ്റ്റൻമാരായി പരിഗണിക്കാറുള്ളത്. എന്നാൽ കിരീടം നേടിയിട്ടില്ലെങ്കിലും സ്റ്റീവ് സ്മിത്തിൻെറ ക്യാപ്റ്റൻസിയും മികച്ചതമാണ്. വിജയശതമാന കണക്കിൽ മറ്റാരേക്കാളും മുന്നിലുള്ളത് സ്മിത്താണ്. രാജസ്ഥാൻ റോയൽസിനെ 29 തവണ നയിച്ചപ്പോൾ 65.5 ആണ് സ്മിത്തിൻെറ വിജയശതമാനം. ഇക്കുറി സ്മിത്തിനെ നേരത്തെ തന്നെ ടീം ക്യാപ്റ്റനായി പ്രഖ്യാപിച്ചിട്ടുണ്ട്.

(കടപ്പാട് )