മാഞ്ചസ്റ്റർ യൂണൈറ്റഡിനായി ഗോളടിക്കാൻ യുവന്റസിൽ നിന്നും സൂപ്പർ സ്‌ട്രൈക്കറെത്തും |Manchester United

ലോകകപ്പിന് മുമ്പ് റൊണാൾഡോ നൽകിയ അഭിമുഖം മൂലം അപ്രതീക്ഷിതമായി പോർച്ചുഗീസ് താരവും മാഞ്ചസ്റ്റർ യുണൈറ്റഡും തമ്മിലുള്ള ബന്ധം വഷളാവുകയും താരത്തിന്റെ കരാർ യുണൈറ്റഡ് അവസാനിപ്പിക്കുകയും ചെയ്തു.ക്രിസ്റ്റ്യാനോ റൊണാൾഡോയ്ക്ക് പകരക്കാരനെ തേടുകയാണ് മാഞ്ചസ്റ്റർ യുണൈറ്റഡ്. സീനിയർ താരങ്ങൾക്ക് പകരം എറിക് ടെൻ ഹാഗിനെ ദീർഘകാലം ടീമിൽ നിലനിർത്താൻ കഴിയുന്ന യുവ സ്‌ട്രൈക്കറെയാണ് പരിഗണിക്കുന്നത്.

ഈ ജനുവരി ട്രാൻസ്ഫറിൽ ഇറ്റാലിയൻ ക്ലബ് യുവന്റസിന്റെ സെർബിയൻ സ്‌ട്രൈക്കർ ദുസാൻ വ്‌ലഹോവിച്ചിനെ മാഞ്ചസ്റ്റർ യുണൈറ്റഡിലേക്ക് കൊണ്ടുവരാൻ ടെൻ ഹാഗ് ശ്രമിക്കുന്നതായി ഡെയ്‌ലി മെയിൽ റിപ്പോർട്ട് ചെയ്യുന്നു. മാഞ്ചസ്റ്റർ യുണൈറ്റഡിന്റെ മുന്നേറ്റ നിരയിൽ 22 കാരനായ വ്‌ലഹോവിച്ച് മികച്ച ഓപ്ഷനായിരിക്കുമെന്ന് ടെൻ ഹാഗ് വിശ്വസിക്കുന്നു. 2022 ഫിഫ ലോകകപ്പിൽ രണ്ട് മത്സരങ്ങൾ കളിച്ച വ്ലാഹോവിച്ച് ഒരു ഗോളും നേടി. യുവന്റസിനും മികച്ച സീസണാണ് വ്‌ലഹോവിച്ച് നൽകുന്നത്.

മാഞ്ചസ്റ്റർ യുണൈറ്റഡ് നിലവിൽ ഒരു മികച്ച ഗോൾ സ്‌ട്രൈക്കറെ തേടുകയാണ്. അതുകൊണ്ടാണ് അവരുടെ അന്വേഷണം വ്ലഹോവിച്ചിൽ അവസാനിക്കുന്നത്. ഫിയോറന്റീനയിൽ നിന്ന് 2022ൽ യുവന്റസിലെത്തിയ വ്ലാഹോവിച്ച് ഇതുവരെ 36 മത്സരങ്ങളിൽ നിന്ന് 16 ഗോളുകൾ നേടിയിട്ടുണ്ട്. ഫിയോറന്റീനയ്ക്കായി 108 മത്സരങ്ങളിൽ നിന്ന് 49 ഗോളുകളാണ് വ്ലാഹോവിച്ച് നേടിയത്. 2020-ൽ സെർബിയൻ ദേശീയ ടീമിൽ അരങ്ങേറ്റം കുറിച്ച വ്ലാഹോവിച്ച് 19 മത്സരങ്ങളിൽ നിന്ന് 10 അന്താരാഷ്ട്ര ഗോളുകൾ നേടിയിട്ടുണ്ട്.

അതേസമയം ഇംഗ്ലീഷ് പ്രീമിയർ ലീഗ് ക്ലബ്ബുകളായ ആഴ്സണലും ചെൽസിയും വ്ലഹോവിച്ചിനായി ശ്രമം നടത്തുന്നുണ്ട്.വ്ലഹോവിച്ച് ആവശ്യപ്പെടുന്ന ഉയർന്ന വേതനം നൽകാൻ നിലവിൽ മാഞ്ചസ്റ്റർ യുണൈറ്റഡ് മാത്രമേ തയ്യാറുള്ളുവെന്നും റിപ്പോർട്ടുകളുണ്ട്. യുണൈറ്റഡിന്റെ പദ്ധതികൾ നല്ലതാണെങ്കിൽ, ടെൻ ഹാഗിന് ജനുവരിയിൽ തന്നെ വ്ലഹോവിച്ചിനെ ടീമിൽ ഉൾപ്പെടുത്താം. ഇതോടെ മാഞ്ചസ്റ്റർ യുണൈറ്റഡിന്റെ ഗോൾ വരൾച്ച അവസാനിപ്പിക്കാൻ സാധിക്കും.

Rate this post