ഖത്തർ ലോകകപ്പിലെ ഏറ്റവും മികച്ച ഗോൾ നെയ്മർ ക്രോയേഷ്യക്കെതിരെ നേടിയതോ ? |Qatar 2022 |Neymar

ഏറെ പ്രതീക്ഷകളോടെയാണ് ബ്രസീൽ ഖത്തർ ലോകകപ്പിനെത്തിയത്. 2002ലാണ് ബ്രസീൽ അവസാനമായി ലോകകപ്പ് നേടിയത്.20 വർഷത്തിന് ശേഷം വീണ്ടും ഒരു ലോകകപ്പ് ഉയർത്തുക എന്ന ലക്ഷ്യത്തോടെയാണ് ബ്രസീൽ ഖത്തറിൽ പന്ത് തട്ടിയത്. 2022 ലോകകപ്പിൽ ഫിഫ റാങ്കിംഗിൽ ടോപ് സീഡായി ബ്രസീൽ പ്രവേശിച്ചു, ടൂർണമെന്റിൽ വിജയിക്കുന്നതിനുള്ള ഫേവറിറ്റുകളിൽ ഒന്നായിരുന്നു അവർ.എന്നാൽ പെനാൽറ്റി ഷൂട്ടൗട്ടിൽ ക്രൊയേഷ്യയോട് തോറ്റ് ക്വാർട്ടർ ഫൈനലിൽ പുറത്താകാനായിരുന്നു ബ്രസീലിന്റെ വിധി.

പുറത്തായതോടെ 30 കാരനായ സൂപ്പർ താരം നെയ്മർ മറ്റൊരു ലോകകപ്പിൽ കളിച്ചേക്കില്ല എന്ന ആശങ്ക പങ്കുവച്ചു. അതുകൊണ്ട് തന്നെ കരിയറിലെ മൂന്നാം ലോകകപ്പ് ടൂർണമെന്റിനെത്തുന്ന നെയ്മറുടെ മനസ്സിൽ ബ്രസീലിനെ കിരീടത്തിലേക്ക് നയിക്കാൻ ഒരുപാട് ആഗ്രഹമുണ്ടായിരുന്നു. എന്നാൽ ഗ്രൂപ്പ് ഘട്ടത്തിലെ ആദ്യ മത്സരത്തിന് ശേഷം പരിക്കേറ്റ നെയ്മറിന് രണ്ട് മത്സരങ്ങളിൽ കളിക്കാനായില്ല. ലോകകപ്പിൽ നിന്ന് പുറത്തായതായി വരെ റിപ്പോർട്ടുകളുണ്ടായിരുന്നു.

എന്നാൽ, കഠിനാധ്വാനത്തിന് ശേഷം ഫിറ്റ്നസ് വീണ്ടെടുത്ത നെയ്മർ 16-ാം റൗണ്ടിൽ ബ്രസീൽ ടീമിൽ തിരിച്ചെത്തി. റൗണ്ട് ഓഫ് 16 സ്റ്റേജിൽ ഒരു ഗോൾ നേടുകയും മാൻ ഓഫ് ദ മാച്ച് അവാർഡ് നേടുകയും ചെയ്തുകൊണ്ടാണ് നെയ്മർ തന്റെ തിരിച്ചുവരവ് നടത്തിയത്. എന്നാൽ ക്വാർട്ടറിൽ നെയ്മറിനേയും ബ്രസീലിനേയും കാത്തിരുന്നത് നിരാശാജനകമായ ഫലമായിരുന്നു. എന്നിരുന്നാലും, ക്രൊയേഷ്യക്കെതിരായ നെയ്മറുടെ ഗോൾ 2022 ഫിഫ ലോകകപ്പിലെ ഏറ്റവും മികച്ച ഗോളുകളിലൊന്നായി കണക്കാക്കണം. ഗോൾരഹിതമായ 90 മിനിറ്റിനുശേഷം, അധിക സമയത്തിന്റെ ആദ്യ പകുതി ഗോൾരഹിതമാകുമെന്ന് കരുതിയ നിമിഷത്തിൽ നെയ്മർ ഉജ്ജ്വലമായ പ്രകടനത്തോടെ ഗോൾ കണ്ടെത്തി.

നെയ്മറുടെ ഗോൾ ടീം പ്രയത്നമായിരുന്നെങ്കിലും നെയ്മർ ഗോൾ പൂർത്തിയാക്കിയ രീതി അദ്ദേഹത്തിന്റെ വ്യക്തിഗത മികവ് എടുത്തുകാട്ടുന്നു. ഒരുപക്ഷെ ക്രൊയേഷ്യക്കെതിരെ ബ്രസീൽ ജയിച്ചിരുന്നെങ്കിൽ നെയ്മറുടെ ഗോൾ മത്സരത്തിന്റെ ഹൈലൈറ്റ് ആകുമായിരുന്നു. വാസ്തവത്തിൽ, ക്രൊയേഷ്യയ്‌ക്കെതിരായ നെയ്‌മറിന്റെ അതിശയകരമായ ഗോളിന് പ്രതിഫലം ലഭിക്കാതെ പോയി, മത്സരത്തിൽ ബ്രസീൽ ക്രൊയേഷ്യയോട് പെനാൽറ്റി ഷൂട്ടൗട്ടിൽ നിരാശാജനകമായ തോൽവി ഏറ്റുവാങ്ങി. എന്നിരുന്നാലും, ഓരോ ലോകകപ്പിലെയും മികച്ച ഗോളുകൾ പിന്നീട് ആരാധകർ ഓർമ്മിക്കുമെന്നതിനാൽ, 2022 ലോകകപ്പിൽ നെയ്മർ അവിസ്മരണീയമായ ഒരു ഗോൾ നേടി.