ഓൾഡ് ട്രാഫോർഡിലെ ബ്രസീലിയൻ വിപ്ലവം |Manchester United

കഴിഞ്ഞ ദിവസം റീഡിംഗിനെതിരായ എഫ്‌എ കപ്പ് മത്സരത്തിൽ, ബ്രസീലുകാരുടെ മിന്നുന്ന പ്രകടനത്തിന് നന്ദി പറഞ്ഞ് മാഞ്ചസ്റ്റർ യുണൈറ്റഡ് വിജയം ഉറപ്പിച്ചു. ഓൾഡ് ട്രാഫോർഡിൽ മാഞ്ചസ്റ്റർ യുണൈറ്റഡ് 3-1 ന് ജയിച്ച മത്സരത്തിൽ മൂന്ന് ഗോളുകളും ബ്രസീലിയൻ താരങ്ങളുടെ വകയായിരുന്നു. കാസെമിറോ ഇരട്ട ഗോളുകളും ഫ്രെഡിന് ഒരു ഗോളും ഒരു അസിസ്റ്റും ലഭിച്ചു.

ബ്രസീലിയൻ ഫോർവേഡ് ആന്റണിയും ഒരു ഗോളിന് വഴിയൊരുക്കി.മാഞ്ചസ്റ്റർ യുണൈറ്റഡിൽ എത്തിയതു മുതൽ മിന്നുന്ന പ്രകടനമാണ് കാസെമിറോ പുറത്തെടുക്കുന്നത്.ടീമിന്റെ അവിഭാജ്യ ഘടകമാണെന്ന് ഒരിക്കൽ കൂടി തെളിയിചിരിക്കുകയാണ്.റയൽ മാഡ്രിഡിൽ അധികം ഗോളുകൾ നേടാതെ കളിച്ച കാസെമിറോ മാഞ്ചസ്റ്റർ യുണൈറ്റഡിൽ എത്തിയതിന് ശേഷം കൂടുതൽ ഗോളുകൾ നേടുന്നുണ്ട്. ഇന്നലെ എഫ്എ കപ്പിൽ നടന്ന മത്സരത്തിൽ 54-ാം മിനിറ്റിൽ ആന്റണിയുടെ അസിസ്റ്റിൽ കാസെമിറോ ഒരു ഗോൾ നേടി, നാല് മിനിറ്റിന് ശേഷം ബോക്സിന് പുറത്ത് നിന്നുള്ള ഷോട്ടിലൂടെ കാസെമിറോ വീണ്ടും ഗോൾ നേടി.മത്സരത്തിലെ ആദ്യ ഗോൾ നേടിയതിന് ശേഷമുള്ള കാസെമിറോയുടെ ആഘോഷം ഏറെ ശ്രദ്ധിക്കപ്പെട്ടിരുന്നു.

ആദ്യം സഹതാരങ്ങൾക്കൊപ്പം ഗോൾ ആഘോഷിച്ച ഡിഫൻസീവ് മിഡ്ഫീൽഡർ പിന്നീട് ഗോളിന് വഴിയൊരുക്കിയ ബ്രസീലിലെ സഹതാരം ആന്റണിയോട് നന്ദി പറഞ്ഞു. അതിനുശേഷം ഗോളിന്റെ മുഴുവൻ ക്രെഡിറ്റും ആന്റണിക്ക് നൽകി ഗോൾ ആഘോഷിച്ചു.ഈ രണ്ട് താരങ്ങളുടെ കോമ്പിനേഷൻ മാഞ്ചസ്റ്റർ യുണൈറ്റഡിന് വളരെയേറെ ഗുണം ചെയ്യുന്നുണ്ട്.മത്സരത്തിന്റെ 66-ാം മിനിറ്റിൽ മിഡ്ഫീൽഡർ ഫ്രെഡിന്റെ ഗോളും മനോഹരമായിരുന്നു.

കോർണർ ലൈനിൽ നിന്ന് ബ്രൂണോ ഫെർണാണ്ടസിന്റെ ക്രോസ് ബാക്ക്ഹീൽ ഫ്ലിക്കിലൂടെ ഫ്രെഡ് വലയിലേക്ക് തിരിച്ചുവിട്ടു. ഗോൾരഹിതമായ ആദ്യ പകുതിക്ക് ശേഷം, മാഞ്ചസ്റ്റർ യുണൈറ്റഡ് പന്ത്രണ്ട് മിനിറ്റിനുള്ളിൽ മൂന്ന് ഗോളുകൾ നേടി. അമാദൗ സാലിഫ് എംബെംഗു റീഡിംഗിന്റെ ആശ്വാസ ഗോൾ നേടി.