❝മാഞ്ചസ്റ്റർ യുണൈറ്റഡ് 0, മാഞ്ചസ്റ്റർ സിറ്റി 73❞| Manchester United

2021/22 സീസണിൽ മാഞ്ചസ്റ്റർ യുണൈറ്റഡ് മറ്റൊരു അനാവശ്യ റെക്കോർഡ് സ്ക്രിപ്റ്റ് ചെയ്തു, കാമ്പെയ്‌ൻ അവസാനിച്ചപ്പോൾ അവർ 0 എന്ന ഗോൾ വ്യത്യാസത്തിൽ ആണ് അവസാനിപ്പിച്ചത്.ഇത് അടിസ്ഥാനപരമായി അർത്ഥമാക്കുന്നത് സീസണിലുടനീളം അവർ നേടിയ അത്രയും ഗോളുകൾ അവർ വഴങ്ങി എന്നാണ്.

2019-20 സീസണിൽ ഷെഫീൽഡ് യുണൈറ്റഡ് ആണ് ഇതിനു മുൻപ് പ്രീമിയർ ലീഗിൽ 0 എന്ന ഗോൾ വ്യത്യാസത്തിൽ അവസാനമായി ഫിനിഷ് ചെയ്തത്.മാഞ്ചസ്റ്റർ സിറ്റി +73 (99-26) എന്ന ഗോൾ വ്യത്യാസത്തിലും ലിവർപൂൾ +68 ലും അവസാനിച്ചു.1989-90 സീസണിൽ മാഞ്ചസ്റ്റർ യുണൈറ്റഡ് അവർ വലകുലുക്കിയ 45 ഗോളിനേക്കാൾ രണ്ട് ഗോളുകൾ കൂടുതൽ വഴങ്ങി. 2020-21 സീസണിൽ, +29 (73-44) ആയിരുന്നു ഗോൾ വ്യത്യാസം.സീസൺ അവസാനിച്ച് ചാമ്പ്യൻസ് ലീഗ് കളിക്കാനുള്ള പ്രതീക്ഷകൾ തകിടം മറിഞ്ഞതിനാൽ, മാഞ്ചസ്റ്റർ യുണൈറ്റഡ് കളിക്കാർക്കും ആരാധകർക്കും പുതിയ മാനേജർ എറിക് ടെൻ ഹാഗിന്റെ കീഴിലുള്ള അടുത്ത കാമ്പെയ്‌നിനായി കാത്തിരിക്കുകയല്ലാതെ മറ്റ് മാർഗമില്ല.

ക്രിസ്റ്റ്യാനോ റൊണാൾഡോ, ജാഡോൺ സാഞ്ചോ, റാഫേൽ വരാനെ എന്നിവരെ സൈൻ ചെയ്‌ത ക്ലബ്ബിന് എവിടെയാണ് പിഴച്ചത്? പ്രീമിയർ ലീഗ് ചരിത്രത്തിലെ ഏറ്റവും മോശം സീസൺ പൂർത്തിയാക്കിയ യുണൈറ്റഡ് പോലൊരു ക്ലബ്ബിന് 58 പോയിന്റുമായി ആറാം സ്ഥാനത്തുനിൽക്കുന്നതിന്റെ കാരണം എന്താണ്?.യുവന്റസിൽ നിന്നുള്ള റൊണാൾഡോയുടെ വരവ് എഡിസൺ കവാനിക്കും ആന്റണി മാർഷലിനും അവസരങ്ങൾ കുറയുന്നതിന് കാരണമായി.

കൊവിഡ് നിറഞ്ഞ 2020-21 സീസണിലൂടെ യുണൈറ്റഡിന് വേണ്ടി ബേദപെട്ട പ്രകടനം നടത്തിയ കവാനിക്ക് ഏഴാം നമ്പർ ജേഴ്സി ഉപേക്ഷിക്കേണ്ടി വന്നു.മാർഷലിനെ സോൾസ്‌ജെയറും റാംഗ്‌നിക്കും അതിശയിപ്പിക്കുന്ന തരത്തിൽ അവഗണിച്ചു, കൂടാതെ സെവില്ലയിൽ ഒരു ലോണിനായി പോവേണ്ടി വന്നു.

നിത്യ എതിരാളികളായ ലിവർപൂളിന്റെ 5-0 തോൽവിയും, തരംതാഴ്ത്തൽ ഭീഷണിയിലുള്ള വാറ്റ്ഫോർഡിന്റെ കയ്യിലുള്ള 4-1 ന്റെ നാണംകെട്ട ഫലങ്ങളുടെ ഒരു പരമ്പരയ്ക്ക് ശേഷം സോൾസ്‌ജെയറെ യുണൈറ്റഡ് പുറത്താക്കി.പ്രീമിയർ ലീഗിലെ പരിചയസമ്പന്നനായ അന്റോണിയോ കോണ്ടെ ലഭ്യമായപ്പോഴും യുണൈറ്റഡ് റാൽഫ് റാംഗ്നിക്കിനെ തെരഞ്ഞെടുത്തു.

റാംഗ്നിക്കിന്റെ രീതികൾക്ക് ആവശ്യമുള്ള ഫലങ്ങൾ നൽകാൻ കഴിയാതെ വന്നതോടെ ലോക്കർ റൂം പിരിമുറുക്കം പടരാൻ തുടങ്ങി ടീം വിവിധ ക്യാമ്പുകളായി പിരിഞ്ഞു. യുണൈറ്റഡിൽ ബ്രിട്ടീഷ് കളിക്കാർ – റൊണാൾഡോയാടക്കമുള്ള വിദേശ താരങ്ങൾ ഉള്ള രണ്ടു ചേരിയായി മാറി.അടുത്ത മാനേജരായി എറിക് ടെൻ ഹാഗ് എത്തുന്നതോടെ യുണൈറ്റഡിന്റെ ഭാവി ഏറ്റവും മികച്ചതായി കാണപ്പെടുന്നു.ക്രിസ്റ്റൽ പാലസിൽ 1-0 തോൽവിയോടെയാണ് യുണൈറ്റഡ് സീസൺ അവസാനിപ്പിച്ചത്.